ಹರಿಣರ ಎದುರು ಸೋಲುಂಡ ಭಾರತ! ಗಿಲ್​ ಪಡೆ ಹೀನಾಯವಾಗಿ ಸೋಲಲು ಈ 3 ವಿಷಯಗಳೇ ಕಾರಣ | IND vs SA

ಕೋಲ್ಕತ: ಇಂದು (ನ.16) ಕೋಲ್ಕತದ ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ 30 ರನ್​ಗಳಿಂದ ಹೀನಾಯ ಸೋಲು ಅನುಭವಿಸಿತು. 

ನಾಯಕ​ ಟೆಂಬಾ ಬವುಮಾ ನೇತೃತ್ವದ ದಕ್ಷಿಣ ಆಫ್ರಿಕಾ ತಂಡವು ಈ ಪಂದ್ಯವನ್ನು ಗೆದ್ದು ಬೀಗಿತು. ಈ ಗೆಲುವು ಟೆಸ್ಟ್ ಚಾಂಪಿಯನ್ ದಕ್ಷಿಣ ಆಫ್ರಿಕಾಕ್ಕೆ ವಿಶೇಷವಾಯಿತು. ಕಾರಣ, 15 ವರ್ಷಗಳಲ್ಲಿ ಆಫ್ರಿಕನ್ ತಂಡವು ಟೆಸ್ಟ್ ಕ್ರಿಕೆಟ್‌ನಲ್ಲಿ ಭಾರತವನ್ನು ಸೋಲಿಸಿದ್ದು ಇದೇ ಮೊದಲು! ಈ ಗೆಲುವಿನೊಂದಿಗೆ ಹರಿಣರು ಎರಡು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ 1-0 ಮುನ್ನಡೆಯಲ್ಲಿದೆ. ಮೊದಲ ಪಂದ್ಯದಲ್ಲಿ ಗಿಲ್ ಪಡೆ ಹೀನಾಯ ಸೋಲು ಅನುಭವಿಸಲು ಈ ಮೂರು ಕಾರಣಗಳು ಪ್ರಮುಖವಾಗಿವೆ. 

ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತ ಒಟ್ಟು 189 ರನ್ ಗಳಿಸಿತು. ಆದರೆ, ಒಬ್ಬ ಬ್ಯಾಟ್ಸ್‌ಮನ್ ಕೂಡ ಅರ್ಧಶತಕ ಗಳಿಸಲು ಸಾಧ್ಯವಾಗಲಿಲ್ಲ. ಈ ಪಂದ್ಯದಲ್ಲಿ ಅಗ್ರ ಕ್ರಮಾಂಕವು ಅತ್ಯಂತ ಕಳಪೆ ಪ್ರದರ್ಶನ ನೀಡಿತು. ತಂಡದಲ್ಲಿರುವ ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳು ಟಿ20 ಶೈಲಿಯಲ್ಲಿ ಬ್ಯಾಟಿಂಗ್ ಮಾಡುತ್ತಿರುವಂತೆ ತೋರಿತು. ಆದಾಗ್ಯೂ, ಒಬ್ಬರ ಔಟ್ ನಂತರ ಮತ್ತೊಬ್ಬರು ಕ್ರೀಸ್​ಗೆ ಬಂದು, ಕೆಲವೇ ಸಮಯದಲ್ಲಿ ಪೆವಿಲಿಯನ್​ ಹಾದಿ ಹಿಡಿದದ್ದು, ಗುರಿ ತಲುಪದಿರಲು ಕಾರಣ.

ಈ ಪಂದ್ಯದ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಟೀಮ್ ಇಂಡಿಯಾದ ಬ್ಯಾಟಿಂಗ್ ಕ್ರಮಾಂಕವು ಸ್ಪಿನ್‌ ವಿರುದ್ಧ ಬ್ಯಾಟ್ ಮಾಡಲು ಎಡವಿತು. ಯಾವುದೇ ಬ್ಯಾಟ್ಸ್‌ಮನ್ ಸ್ಪಿನ್ನರ್‌ಗಳನ್ನು ಪರಿಣಾಮಕಾರಿಯಾಗಿ ಆಡಲು ಸಾಧ್ಯವಾಗಲಿಲ್ಲ. ಪಂತ್ ಮೊದಲ ಎಸೆತದಿಂದಲೇ ಬ್ಯಾಟ್​ ಮಾಡಲು ಪರದಾಡಿದ್ದು ಸ್ಪಷ್ಟವಾಗಿ ಕಾಣಿಸಿತು. ಆದಾಗ್ಯೂ, ಯಾವುದೇ ಬ್ಯಾಟರ್​ ಕೂಡ ಹೆಚ್ಚು ಸಮಯ ಕ್ರೀಸ್​ನಲ್ಲಿ ನಿಂತು ಆಡಲಿಲ್ಲ. 

ಇದರ ಪರಿಣಾಮವಾಗಿ, ಭಾರತದ ಇನ್ನಿಂಗ್ಸ್ 93 ರನ್​ಗೆ ಕೊನೆಗೊಂಡಿತು. ಭಾರತೀಯ ತಂಡದ ಸೋಲಿಗೆ ಆರಂಭಿಕ ಬ್ಯಾಟರ್​ ಯಶಸ್ವಿ ಅವರ ಫಾರ್ಮ್ ಕೊರತೆ. ಯಶಸ್ವಿ ಎರಡೂ ಇನ್ನಿಂಗ್ಸ್‌ಗಳಲ್ಲಿಯೂ ವಿಫಲರಾದರು. ಈ ಆಟಗಾರ ಎರಡನೇ ಬಾರಿಯೂ ತಮ್ಮ ಖಾತೆಯನ್ನು ತೆರೆಯಲು ಸಾಧ್ಯವಾಗಲಿಲ್ಲ. ಅದೇ ಸಮಯದಲ್ಲಿ, ಪಂತ್ ಮೊದಲ ಇನ್ನಿಂಗ್ಸ್‌ನಲ್ಲಿ 27 ರನ್ ಗಳಿಸಿದರು. ಆದರೆ, ದ್ವಿತೀಯ ಇನ್ನಿಂಗ್ಸ್‌ನ ಮೊದಲ ಎಸೆತದಿಂದ ತಾಳ್ಮೆಯಿಂದ ಇನ್ನಿಂಗ್ಸ್ ಆಡುವ ಅಗತ್ಯವಿದ್ದರೂ, ಅವರು ಆಕ್ರಮಣಕಾರಿ ಮೋಡ್‌ನಲ್ಲಿ ಕಾಣಿಸಿಕೊಂಡರು. ಇದು ಅವರನ್ನು ಕೇವಲ 2 ರನ್‌ಗೆ ಔಟಾಗುವಂತೆ ಮಾಡಿತು. 

ಕ್ಯಾಪ್ಟನ್ ಶುಭಮನ್​ ಗಿಲ್ ಅವರಿಗಾದ ಕುತ್ತಿಗೆ ನೋವು, ಅವರನ್ನು ಪಂದ್ಯದಲ್ಲಿ ಮುಂದುವರಿಯದಂತೆ ತಡೆಯಿತು. ಅವರ ಅನುಪಸ್ಥಿತಿ ತಂಡದ ಸೋಲಿಗೆ ಒಂದು ಪ್ರಮುಖ ಕಾರಣವಾಯಿತು ಎಂದರೆ ತಪ್ಪಾಗಲಾರದು. ಮೊದಲ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್ ಮಾಡಲು ಬಂದಾಗ ನಾಯಕ ಗಿಲ್ ಕೇವಲ ಮೂರು ಎಸೆತಗಳನ್ನು ಮಾತ್ರ ಆಡಿದರು. ನಂತರದಲ್ಲಿ, ಕುತ್ತಿಗೆ ನೋವಿನಿಂದಾಗಿ ಮೈದಾನದಿಂದ ಹೊರನಡೆದರು. ಹೀಗಾಗಿ, ಎರಡನೇ ಇನ್ನಿಂಗ್ಸ್‌ನಲ್ಲಿ ಅವರಿಗೆ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಗಿಲ್ ಅನುಪಸ್ಥಿತಿಯಲ್ಲಿ, ಭಾರತ ತಂಡವು ಒಬ್ಬ ಪ್ರಬಲ ಬ್ಯಾಟರ್​ ಅನ್ನು ಕಳೆದುಕೊಂಡಿತು.

ಒಟ್ಟಾರೆಯಾಗಿ, ಭಾರತೀಯ ತಂಡದ ಸೋಲಿಗೆ ಆಟಗಾರರ ಅನುಭವದ ಕೊರತೆಯೇ ದೊಡ್ಡ ಕಾರಣವಾಯಿತು. ಬ್ಯಾಟ್ಸ್‌ಮನ್‌ಗಳು ಮೈದಾನದಲ್ಲಿ ತಾಳ್ಮೆಯಿಂದ ನಿಂತು ಬ್ಯಾಟ್​ ಮಾಡದಿರುವುದೇ ತಂಡಕ್ಕೆ ಸೋಲುಣಿಸಿತು. ಯಾರೊಬ್ಬರಿಂದಲೂ ಉತ್ತಮ ಕೊಡುಗೆ ಸಿಗಲಿಲ್ಲ. ಈ ಪಂದ್ಯದಲ್ಲಿ ಸುಂದರ್ 50ಕ್ಕಿಂತ ಹೆಚ್ಚು ಎಸೆತಗಳನ್ನು ಆಡಿದ ಏಕೈಕ ಬ್ಯಾಟ್ಸ್‌ಮನ್ ಎಂಬುದು ಇಲ್ಲಿ ಗಮನಾರ್ಹ,(ಏಜೆನ್ಸೀಸ್).