ಪುಣೆ: ಮಹಾರಾಷ್ಟ್ರ ರಣಜಿ ತಂಡದ ಮಾಜಿ ನಾಯಕ ನೌಶಾದ್ ಶೇಖ್ ಒಳಗೊಂಡಂತೆ ಕೆಲ ಮಾಜಿ ಹಾಗೂ ಹಾಲಿ ಕ್ರಿಕೆಟಿಗರು ಲಾಕ್ಡೌನ್ನಿಂದ ಸಂಕಷ್ಟದಲ್ಲಿರುವ ಗ್ರೌಂಡ್ವುನ್ ಮತ್ತಿತರ ಕ್ರಿಕೆಟ್ ಮೈದಾನದ ಸಿಬ್ಬಂದಿಗೆ ಸಹಾಯಹಸ್ತ ನೀಡಲು ಮುಂದೆ ಬಂದಿದ್ದಾರೆ. ದೇಶೀಯ ಮತ್ತು ಕ್ಲಬ್ ಮಟ್ಟದ ಕ್ರಿಕೆಟಿಗರು ‘ಗೇಮ್ೇಂಜರ್ಸ್ ಪರಿಹಾರ ನಿಧಿ’ ಸ್ಥಾಪಿಸಿದ್ದು, ಇದುವರೆಗೆ 1.50 ಲಕ್ಷ ರೂ. ದೇಣಿಗೆ ಸಂಗ್ರಹಿಸಿದ್ದಾರೆ. ಸುಮಾರು 100 ಕುಟುಂಬಗಳಿಗೆ ಆಹಾರ ಧಾನ್ಯ ನೀಡುವ ಗುರಿ ಹೊಂದಿರುವುದಾಗಿ ನೌಶಾದ್ ತಿಳಿಸಿದ್ದಾರೆ. ಮಹಾರಾಷ್ಟ್ರ ಆಟಗಾರರು ಮಾತ್ರವಲ್ಲದೆ, ವಿದರ್ಭದ ಆದಿತ್ಯ ಸರ್ವಾಟೆ, ಕೇರಳದ ಪ್ರಶಾಂತ್ ಪರಮೇಶ್ವರನ್, ಪಂಜಾಬ್ನ ಮನನ್ ವೊಹ್ರಾ, ಮಹಾರಾಷ್ಟ್ರದ ರುತುರಾಜ್ ಗಾಯಕ್ವಾಡ್, ಸತ್ಯಜಿತ್ ಭಚಾವ್ ಸೇರಿದಂತೆ ಹಲವರು ಈಗಾಗಲೆ ದೇಣಿಗೆ ನೀಡಿದ್ದಾರೆ.
