ಈ ವರ್ಷದ ಜುಲೈ-ಆಗಸ್ಟ್ನಲ್ಲಿ ನಡೆಯಬೇಕಿದ್ದ ಒಲಿಂಪಿಕ್ಸ್ಅನ್ನು ಮುಂದಿನ ವರ್ಷದ ಜುಲೈ- ಆಗಸ್ಟ್ಗೆ ಮುಂದೂಡಿಕೆ ಮಾಡಿರುವುದರಿಂದ ಒಟ್ಟು 45ಸಾವಿರ ಕೋಟಿ ರೂ. ಹೆಚ್ಚುವರಿ ಖರ್ಚಾಗಲಿದೆ. ಈ ಪೈಕಿ 15 ಸಾವಿರ ಕೋಟಿ ರೂ.ಗಳನ್ನು ಆತಿಥೇಯ ಜಪಾನ್ ಭರಿಸಲಿದ್ದರೆ, ಉಳಿದ ಹೆಚ್ಚುವರಿ ಹೊರೆಯನ್ನು ಐಒಸಿ ನಿಭಾಯಿಸಬೇಕಿದೆ. 2013ರಲ್ಲಿ ಜಪಾನ್ಗೆ ಟೋಕಿಯೊ ಗೇಮ್್ಸ ಆತಿಥ್ಯದ ಹಕ್ಕು ನೀಡುವಾಗ ಇಂಥದ್ದೊಂದು ಒಪ್ಪಂದಕ್ಕೆ ಜಪಾನ್ ಸರ್ಕಾರ ಮತ್ತು ಐಒಸಿ ಸಹಿ ಹಾಕಿತ್ತು. ಇದರಂತೆ ಜಪಾನ್ ಸರ್ಕಾರ ಮತ್ತು ಐಒಸಿ ಹೆಚ್ಚುವರಿ ಖರ್ಚಿನ ಹೊರೆಯನ್ನು ಹಂಚಿಕೊಳ್ಳಲಿವೆ ಎಂದು ಬಾಷ್ ಜರ್ಮನಿ ಪತ್ರಿಕೆಗೆ ನೀಡಿರುವ ಸಂದರ್ಶನದಲ್ಲಿ ತಿಳಿಸಿದ್ದಾರೆ. 7 ವರ್ಷಗಳ ಹಿಂದೆ ಟೋಕಿಯೊ ಗೇಮ್್ಸ ಆತಿಥ್ಯದ ಹಕ್ಕನ್ನು ಪಡೆದಾಗ ಸಂಘಟಕರು 55 ಸಾವಿರ ಕೋಟಿ ರೂ. ವೆಚ್ಚದಲ್ಲಿ ಆಯೋಜಿಸುವ ಯೋಜನೆ ಹಾಕಿಕೊಂಡಿದ್ದರು. ಆದರೆ, ಸಂಘಟಕರ ಹಾಲಿ ಲೆಕ್ಕಾಚಾರದ ಪ್ರಕಾರ ಗೇಮ್್ಸ ಆಯೋಜನೆಗೆ ಈಗಾಗಲೆ 96 ಸಾವಿರ ಕೋಟಿ ರೂ. ಖರ್ಚು ಮಾಡಲಾಗಿದೆ. 2019ರ ಜಪಾನ್ ಸರ್ಕಾರದ ಲೆಕ್ಕಪತ್ರ ಪರಿಶೋಧಕರ ವರದಿಯ ಪ್ರಕಾರ ಇದಕ್ಕಿಂತ ದ್ವಿಗುಣ ಖರ್ಚು ಮಾಡಲಾಗಿದೆ. ತೆರಿಗೆದಾರರ ಹಣದಿಂದ 42 ಸಾವಿರ ಕೋಟಿ ರೂ. ಬಳಸಿಕೊಳ್ಳಲಾಗಿದೆ ಎಂದೂ ಹೇಳಲಾಗಿದೆ.
