ಕ್ರಿಕೆಟಿಗರ ಮದುವೆಗೆ ಕರೊನಾ ಅಡ್ಡಿ!

ಮೆಲ್ಬೋರ್ನ್: ಆಸ್ಟ್ರೇಲಿಯಾದಲ್ಲಿ ಚಳಿಗಾಲ ಆರಂಭವಾಗುವುದಕ್ಕೆ ಮುನ್ನ ಏಪ್ರಿಲ್​ನಲ್ಲಿ ವೈವಾಹಿಕ ಜೀವನಕ್ಕೆ ಸಿದ್ಧರಾಗಿದ್ದ ಹಲವು ಕ್ರಿಕೆಟಿಗರ ಯೋಜನೆಗೆ ಕರೊನಾ ಸೋಂಕಿನ ಹಾವಳಿ ಅಡ್ಡಿಪಡಿಸಿದೆ.

ಆಸ್ಟ್ರೇಲಿಯಾದ 8 ಅಂತಾರಾಷ್ಟ್ರೀಯ ಕ್ರಿಕೆಟಿಗರ ವಿವಾಹ ಯೋಜನೆ ಈಗ ಅನಿರ್ದಿಷ್ಟಾವಧಿಗೆ ಮುಂದೂಡಲ್ಪಟ್ಟಿದೆ. ವೇಗಿ ಪ್ಯಾಟ್ ಕಮ್ಮಿನ್ಸ್, ಸ್ಪೋಟಕ ಬ್ಯಾಟ್ಸ್ ಮನ್ ಗ್ಲೆನ್ ಮ್ಯಾಕ್ಸ್​ವೆಲ್, ಸ್ಪಿನ್ನರ್ ಆಡಂ ಜಂಪಾ, ವೇಗಿ ಆಂಡ್ರೊ್ಯೕ ಟೈ, ಬ್ಯಾಟ್ಸ್​ಮನ್ ಡಾರ್ಸಿ ಶಾರ್ಟ್, ಆಲ್ರೌಂಡರ್ ಜಾಕ್ಸನ್ ಬರ್ಡ್, ಲೆಗ್ ಸ್ಪಿನ್ನರ್ ಮಿಚೆಲ್ ಸ್ವೆಪ್​ಸನ್, ಮಹಿಳಾ ತಂಡದ ಎಡಗೈ ಸ್ಪಿನ್ನರ್ ಜೆಸ್ ಜೊನಾಸೆನ್ ಶೀಘ್ರದಲ್ಲೇ ವಿವಾಹವಾಗುವ ಯೋಜನೆಯಲ್ಲಿದ್ದರು.

ಆಸ್ಟ್ರೇಲಿಯಾದಲ್ಲಿ ಸದ್ಯ ಸಭೆ-ಸಮಾರಂಭಗಳಿಗೆ ನಿರ್ಬಂಧವಿದ್ದರೂ, ವಿವಾಹ ಕಾರ್ಯಕ್ರಮದಲ್ಲಿ ಗರಿಷ್ಠ ಐವರು ಪಾಲ್ಗೊಳ್ಳಲು ಅವಕಾಶವಿದೆ. ಆದರೆ ಇವರೆಲ್ಲರೂ ತಮ್ಮ ಜೀವನದ ವಿಶೇಷ ದಿನ ಕನಸಿನ ಪ್ರಕಾರವೇ ನನಸಾಗಬೇಕೆಂದು ಬಯಸಿದ್ದು, ವಿವಾಹ ಯೋಜನೆಯನ್ನೇ ಮುಂದೂಡಿ ಹಾಲಿ ಪರಿಸ್ಥಿತಿಯನ್ನು ದಿಟ್ಟವಾಗಿ ಎದುರಿಸುವ ಸಂಕಲ್ಪ ಮಾಡಿದ್ದಾರೆ. ಗ್ಲೆನ್ ಮ್ಯಾಕ್ಸ್​ವೆಲ್ ಭಾರತ ಮೂಲದ ವಿನಿ ರಾಮನ್ ಜತೆಗೆ ಇತ್ತೀಚೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.

https://www.vijayavani.net/icc-womens-t20-world-cup-9-million-in-india-watched-final-5-4-billion-viewing-minutes/