ರಾಜ್ಕೋಟ್: ಅನುಭವಿ ಬ್ಯಾಟರ್ ಚೇತೇಶ್ವರ ಪೂಜಾರ ರಣಜಿ ಟ್ರೋಫಿಯಲ್ಲಿ 25ನೇ, ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 66ನೇ ಮತ್ತು ಹಾಲಿ ವರ್ಷದ 6ನೇ ಶತಕ ಸಿಡಿಸಿದ ಸಾಧನೆ ಮಾಡಿದ್ದಾರೆ. ಅಲ್ಲದೆ ಈ ಶತಕವನ್ನು ವೃತ್ತೀಜಿವನದ 18ನೇ ದ್ವಿಶತಕವಾಗಿಯೂ ಪರಿವರ್ತಿಸಿಕೊಂಡರು.
36 ವರ್ಷದ ಪೂಜಾರ ಛತ್ತೀಸ್ಗಢ ವಿರುದ್ಧ ನಡೆದ ಪಂದ್ಯದಲ್ಲಿ ಸೌರಾಷ್ಟ್ರ ಪರ 383 ಎಸೆತಗಳಲ್ಲಿ 25 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ 234 ರನ್ ಸಿಡಿಸಿದರು. ಈ ಮೂಲಕ ಛತ್ತೀಸ್ಗಢದ 578/7 ಡಿಕ್ಲೇರ್ ಮೊತ್ತಕ್ಕೆ ಪ್ರತಿಯಾಗಿ 8 ವಿಕೆಟ್ಗೆ 278 ರನ್ ಗಳಿಸಿತು. 4 ದಿನಗಳಲ್ಲಿ ಉಭಯ ತಂಡಗಳ ಮೊದಲ ಇನಿಂಗ್ಸ್ ಪೂರ್ಣಗೊಳ್ಳದ ಕಾರಣ ತಲಾ 1 ಅಂಕಕ್ಕೆ ತೃಪ್ತಿಪಟ್ಟವು. ಪೂಜಾರ ಈಗ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 66 ಶತಕ ಸಿಡಿಸಿರುವ ವೆಸ್ಟ್ ಇಂಡೀಸ್ನ ಬ್ರಿಯಾನ್ ಲಾರಾ ಸಾಧನೆ ಸರಿಗಟ್ಟಿದ್ದಾರೆ. ಭಾರತೀಯ ಸಾಧಕರಲ್ಲಿ ಅವರು ಸಚಿನ್ ತೆಂಡುಲ್ಕರ್, ಸುನೀಲ್ ಗಾವಸ್ಕರ್ (ತಲಾ 81) ಮತ್ತು ರಾಹುಲ್ ದ್ರಾವಿಡ್ (68) ನಂತರದಲ್ಲಿದ್ದಾರೆ.
ಇದೇ ವೇಳೆ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 21 ಸಾವಿರ ರನ್ ಪೂರೈಸಿದ 4ನೇ ಭಾರತೀಯರೆಂಬ ಹೆಗ್ಗಳಿಕೆಗೂ ಪೂಜಾರ ಪಾತ್ರರಾಗಿದ್ದಾರೆ. ಪೂಜಾರ ಈ ಸಾಧನೆಯೊಂದಿಗೆ ಆಸ್ಟ್ರೆಲಿಯಾ ಪ್ರವಾಸದ ಬಾರ್ಡರ್&ಗಾವಸ್ಕರ್ ಟ್ರೋಫಿಗೆ ಮುನ್ನ ಆಯ್ಕೆಗಾರರ ಗಮನವನ್ನೂ ಸೆಳೆದಿದ್ದಾರೆ. 2023ರ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಬಳಿಕ ಪೂಜಾರ ಭಾರತ ಪರ ಯಾವುದೇ ಪಂದ್ಯ ಆಡಿಲ್ಲ.
