ಮೊದಲು ಪಂದ್ಯಕ್ಕೆ 120 ಪಾಯಿಂಟ್ಸ್ವರೆಗೂ ನಿಗದಿಮಾಡಲಾಗಿತ್ತು. ಇದೀಗ ಪಂದ್ಯಕ್ಕೆ 12 ಪಾಯಿಂಟ್ಸ್ ನಿಗದಿಪಡಿಸಲಾಗಿದೆ. ‘ತಂಡಗಳು ಆಡಿದ ಪಂದ್ಯ, ದಾಖಲಿಸಿದ ಜಯ ಹಾಗೂ ಪಡೆದ ಅಂಕಗಳ ಅಧಾರದ ಮೇಲೆ ರ್ಯಾಂಕಿಂಗ್ ನಿರ್ಧರಿಸಲಾಗುತ್ತದೆ’ ಎಂದು ಐಸಿಸಿ ತಿಳಿಸಿದೆ. 9 ಟೆಸ್ಟ್ ತಂಡಗಳು ತವರಿನಲ್ಲಿ 3 ಹಾಗೂ ವಿದೇಶಿ ನೆಲದಲ್ಲಿ 3 ಸರಣಿಗಳು ಸೇರಿದಂತೆ ತಲಾ 6 ಟೆಸ್ಟ್ ಸರಣಿಗಳಲ್ಲಿ ಆಡಲಿವೆ. 2ನೇ ಆವೃತ್ತಿಯ ಡಬ್ಲ್ಯುಟಿಸಿಯಲ್ಲಿ ಇಂಗ್ಲೆಂಡ್ (21) ಅತಿಹೆಚ್ಚು ಪಂದ್ಯಗಳನ್ನಾಡಲಿದೆ. ಇಂಗ್ಲೆಂಡ್ ಬಳಿಕ ಭಾರತ (19),ಆಸ್ಟ್ರೇಲಿಯಾ (18), ದಕ್ಷಿಣ ಆಫ್ರಿಕಾ 15, ಹಾಲಿ ಚಾಂಪಿಯನ್ ನ್ಯೂಜಿಲೆಂಡ್ ಕೇವಲ 13 ಪಂದ್ಯಗಳನ್ನಾಡಲಿದೆ. ಉಳಿದಂತೆ, ವೆಸ್ಟ್ ಇಂಡೀಸ್, ಶ್ರೀಲಂಕಾ (ತಲಾ 13) ಹಾಗೂ ಪಾಕಿಸ್ತಾನ 14 ಪಂದ್ಯಗಳನ್ನಾಡಲಿದೆ.
