ಇಂಥಾ ಪ್ರಶ್ನೆ ಏಕೆ ಕೇಳ್ತೀರಿ? ಚಾಂಪಿಯನ್ಸ್ ಟ್ರೋಫಿಯಿಂದ ಪಾಕ್ ಹೊರಬಿದ್ದ ​ಬೆನ್ನಲ್ಲೇ ಅಕ್ರಂ ಗರಂ | Champions Trophy

Champions Trophy: ಫೆ.23ರಂದು ದುಬೈ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿಯ ಹೈವೋಲ್ಟೇಜ್​ ಕದನದಲ್ಲಿ ಭಾರತ ಎದುರು ಆತಿಥೇಯ ಪಾಕಿಸ್ತಾನ ಹೀನಾಯ ಸೋಲು ಅನುಭವಿಸಿತು. ಈ ಮೂಲಕ ಆತಿಥೇಯರ ಸಾಲಿನಿಂದ ಅತಿಥಿಯಾಗಿ ಹೋದ ಪಾಕ್​ ತಂಡಕ್ಕೆ ಕ್ರಿಕೆಟ್ ಅಭಿಮಾನಿಗಳಿಂದ ವ್ಯಾಪಕ ಟೀಕೆಗಳು ವ್ಯಕ್ತವಾಗಿವೆ.

ಇದನ್ನೂ ಓದಿ: ಮಾಹಿತಿ ಆಯುಕ್ತರ ನೇಮಕಾತಿ ತೀರ್ಪು ಮಾ.5ಕ್ಕೆ : ಮಧ್ಯಂತರ ಆದೇಶ ಹೊರಡಿಸುವಿಕೆ ಮುಂದೂಡಿದ ಹೈಕೋರ್ಟ್

ರೋಹಿತ್ ಶರ್ಮ ಪಡೆ ವಿರುದ್ಧ 6 ವಿಕೆಟ್​ಗಳ ಸೋಲನ್ನು ಅನುಭವಿಸಿದ ಪಾಕಿಸ್ತಾನಕ್ಕೆ ಭಾರೀ ಟೀಕೆ, ಛೀಮಾರಿಗಳು ಹರಿದುಬಂದಿವೆ. ಚಾಂಪಿಯನ್ಸ್ ಟ್ರೋಫಿ ಟೂರ್ನಿ ಆರಂಭಿಕ ಪಂದ್ಯದಲ್ಲೇ ನ್ಯೂಜಿಲೆಂಡ್ ಎದುರು 60 ರನ್​ಗಳಿಂದ ಸೋತಿದ್ದ ಪಾಕ್​, ಟೀಮ್ ಇಂಡಿಯಾ ವಿರುದ್ಧದ ಎರಡನೇ ಪಂದ್ಯದಲ್ಲಿ ಗೆದ್ದು ಬೀಗುವ ಭರವಸೆಯನ್ನು ಬಲವಾಗಿ ಹೊಂದಿತ್ತು. ಆದರೆ, ವಿರಾಟ್​ ಕೊಹ್ಲಿ, ಶುಭಮನ್​ ಗಿಲ್​ ಅಬ್ಬರದ ಬ್ಯಾಟಿಂಗ್​ನಿಂದ ಆ ಕನಸು ನುಚ್ಚುನೂರಾಯಿತು. ಜತೆಗೆ ಟೂರ್ನಿಯಿಂದಲೂ ಅಧಿಕೃತವಾಗಿ ಹೊರಬಿದ್ದಿತು.

ಪ್ರಸ್ತುತ ಟೂರ್ನಿಯಿಂದ ಬಾಂಗ್ಲಾದೇಶ ಮತ್ತು ಆತಿಥೇಯರು ಹೊರಬಿದ್ದ ವಿಷಯ ಕ್ರಿಕೆಟ್ ಪ್ರೇಮಿಗಳಿಗೆ ತಿಳಿದಿದೆ. ಒಂದೆಡೆ ತೀವ್ರ ಟೀಕೆಗಳಿಗೆ ಗುರಿಯಾಗಿರುವ ಪಾಕ್​ ಕುರಿತು ಕೇಳಲಾದ ಪ್ರಶ್ನೆಯೊಂದಕ್ಕೆ ಪಾಕಿಸ್ತಾನ ಹಿರಿಯ ಆಟಗಾರ ವಾಸಿಮ್ ಅಕ್ರಂ ಗರಂ ಆಗಿದ್ದಾರೆ. ಪಾಕಿಸ್ತಾನ ತಮ್ಮ ಪ್ರತಿಷ್ಠೆ, ಹೆಮ್ಮೆಗಾಗಿ ಪಂದ್ಯವಾನ್ನುಡುತ್ತಿದೆ ಎಂದು ನಿಮಗೆ ಅನಿಸುತ್ತಿದೆಯೇ ಎಂಬ ಪ್ರಶ್ನೆಗೆ ಅಕ್ರಂ ಕೆಂಡಾಮಂಡಲಗೊಂಡಿದ್ದಾರೆ.

ಇದನ್ನೂ ಓದಿ:  ಮಾ.1-9 ಕಾವೂರು ಮಹಾಲಿಂಗೇಶ್ವರ ದೇವಳ ಅಷ್ಟಬಂಧ ಬ್ರಹ್ಮಕಲಶೋತ್ಸವ – ಸಿದ್ಧತೆ ಅಂತಿಮ ಹಂತದಲ್ಲಿ – ಶೃಂಗಾರಗೊಂಡ ಕಾವೂರು ಪರಿಸರ

"ಯಾವ ಪ್ರತಿಷ್ಠೆ, ಏನು ಹೆಮ್ಮೆ? ಎಷ್ಟೋ ಬಾರಿ ಹೇಳಿದ್ದೀನಿ ಇಂತಹ ಪ್ರಶ್ನೆಯನ್ನು ನನಗೆ ಕೇಳಬೇಡಿ ಎಂದು. ಮುಂದಿನ ಸುತ್ತಿಗೆ ಪ್ರವೇಶಿಸುವ ಸಾಧ್ಯತೆಯಿದೆ ಎನ್ನುವಾಗ ಅಲ್ಲಿ ನೀವು ಪ್ರತಿಷ್ಠೆಗಾಗಿ ಆಡುತ್ತೀರಿ, ಆಡಬಹುದು. ಈ ಪಂದ್ಯದ ನಂತರ ಬಾಂಗ್ಲಾದೇಶ ಮತ್ತು ಪಾಕಿಸ್ತಾನ ಎರಡೂ ತಂಡಗಳು ತವರಿಗೆ ಹೋಗುತ್ತವೆ. ಸ್ಪರ್ಧಿಸಿ ಮನೆಗೆ ಹೋಗಿ ಅಷ್ಟೇ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/ms-dhoni-t-shirt-makes-fans-confuse