ಮೂರು ಮಾದರಿಗೂ ಪ್ರತ್ಯೇಕ ತಂಡ ರಚಿಸಿರುವ ಗಂಭೀರ್ಗೆ 2027ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ನೈಜ ಸವಾಲು. ವೇಗಿಗಳಿಗೆ ಹೆಚ್ಚಿನ ನೆರವು ಒದಗಿಸುವ ಹರಿಣಗಳ ನಾಡಿನಲ್ಲಿ ಈಗಿನ ನಾಲ್ವರು ಸ್ಪಿನ್ನರ್ಗಳ ಕಾರ್ಯತಂತ್ರ ಲಿಸುವುದು ಕಷ್ಟ. ಸದ್ಯಕ್ಕೆ ರೋಹಿತ್, ಕೊಹ್ಲಿ ಹಾಗೂ ಜಡೇಜಾ ನಿವೃತ್ತಿಯಿಂದ ದೂರವುಳಿದರೂ, ಮುಂದಿನ ದಿನಗಳಲ್ಲಿ ಫಿಟ್ನೆಸ್ ಜತೆಗೆ ಲಯ ಕಾಯ್ದುಕೊಳ್ಳಬೇಕಿದೆ. ಸೂಪರ್ಸ್ಟಾರ್ ಸಂಸ್ಕೃತಿಯನ್ನು ವಿರೋಧಿಸುವ ಗಂಭೀರ್ ಮತ್ತೆ ತನ್ನ ಬೋಲ್ಡ್ ನಿರ್ಧಾರಗಳೊಂದಿಗೆ 27 ಪಂದ್ಯಗಳಲ್ಲಿ ವಿಶ್ವಕಪ್ ತಂಡ ಕಟ್ಟಬೇಕಿದೆ. ಇದರ ಜತೆಗೆ ಹೊಸ ನಾಯಕನನ್ನು ಗುರುತಿಸುವ ಜವಾಬ್ದಾರಿಯೂ ಇದ್ದು, ಸದ್ಯ ಶುಭಮಾನ್ ಗಿಲ್ ಉಪನಾಯಕ ಎನಿಸಿದರೂ, ಹಾರ್ದಿಕ್ ಪಾಂಡ್ಯ ಪೈಪೋಟಿ ನೀಡಲಿದ್ದಾರೆ. ಹಾರ್ದಿಕ್ ಈಗಾಗಲೆ ಐಪಿಎಲ್ನಲ್ಲಿ ನಾಯಕತ್ವ ಗುಣವನ್ನು ಸಾಬೀತುಪಡಿಸಿದ್ದಾರೆ.
