ಸತತ ವೈಫಲ್ಯ ಕಾಣುತ್ತಿರುವ ರಾಹುಲ್... ಪಂತ್​ಗೆ ಅವಕಾಶ ನೀಡಿ ಎಂಬ ಕೂಗು; ಬ್ಯಾಟಿಂಗ್ ಕೋಚ್ ಹೇಳಿದ್ದೇನು?

ಸಿಡ್ನಿ: ಆಸ್ಟ್ರೇಲಿಯಾದಲ್ಲಿ ಟಿ-20 ವಿಶ್ವಕಪ್ ನಡೆಯುತ್ತಿದೆ. ಭಾರತ ಈಗಾಗಲೇ 2 ಗೆಲುವು ದಾಖಲಿಸಿಕೊಂಡು ಗ್ರೂಪ್​ 'ಬಿ' ಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದೆ. ಪಾಕಿಸ್ತಾನ ಹಾಗೂ ನೆದರ್ಲೆಂಡ್ ವಿರುದ್ಧ ಗೆಲುವು ದಾಖಲಿಸಿ ಪ್ರಶಸ್ತಿ ಗೆಲ್ಲುವ ರೇಸ್​​ನಲ್ಲಿ ಮುಂದಿದೆ.

ತಂಡದ ಎಲ್ಲರೂ ಸಂಘಟಿತ ಪ್ರದರ್ಶನ ನೀಡುತ್ತಿದ್ದರು, ಟೀಂ ಮ್ಯಾನೇಜ್ಮೆಂಟ್​ಗೆ ಚಿಂತೆಯಾಗಿರುವುದು ಉಪ ನಾಯಕ ಕೆ.ಎಲ್. ರಾಹುಲ್ ಬ್ಯಾಟಿಂಗ್ ವೈಫಲ್ಯ. ಹೌದು, ವಿಶ್ವಕಪ್​ನಲ್ಲಿ ಆರಂಭಿಕನಾಗಿ ಮೈದಾನಕ್ಕಿಳಿಯುವ ರಾಹುಲ್ ಕ್ರಿಸ್​ ಕಚ್ಚಿ ನಿಲ್ಲುವಲ್ಲಿ ವಿಫಲರಾಗುತ್ತಿದ್ದಾರೆ. ಪಾಕಿಸ್ತಾನ (4) ಹಾಗೂ ನೆದರ್ಲೆಂಡ್ (9) ವಿರುದ್ಧ ಎರಡಂಕಿಯ ರನ್ ಕಲೆ ಹಾಕಲು ರಾಹುಲ್​ಗೆ ಸಾಧ್ಯವಾಗಿಲ್ಲ.

ರಾಹುಲ್ ವೈಫಲ್ಯ ಅನುಭವಿಸುತ್ತಿದ್ದಂತೆ ಸೌತ್​ಆಫ್ರಿಕಾ ವಿರುದ್ಧದ ಪಂದ್ಯಕ್ಕೆ ತಂಡದಲ್ಲಿ ಬದಲಾವಣೆ ಮಾಡಬೇಕು ಎಂಬ ಮಾತು ಬರುತ್ತಿದೆ. ದಿನೇಶ್​​ ಕಾರ್ತಿಕ್ ಕಂಬ್ಯಾಕ್​ನಿಂದಾಗಿ ರಿಷಬ್ ಪಂತ್ ತಂಡದಲ್ಲಿ ಸ್ಥಾನ ಕಳೆದುಕೊಳ್ಳುತ್ತಲೇ ಬರುತ್ತಿದ್ದಾರೆ. ಇದೀಗ ರಾಹುಲ್ ಹೊರಗಿಟ್ಟು ಪಂತ್​​ ತಂಡಕ್ಕೆ ಸೇರ್ಪಡೆಗೊಳ್ಳಬೇಕು ಎಂಬ ಕೂಗು ಕೇಳಿಸುತ್ತಿದ್ದು, ಮ್ಯಾನೇಜ್ಮೆಂಟ್ ಲೆಕ್ಕಾಚಾರ ಏನು ಎಂಬುವುದು ಮಾತ್ರ ರಹಸ್ಯವಾಗಿದೆ.

ಇದೀಗ ಟೀಂ ಇಂಡಿಯಾ ಬ್ಯಾಟಿಂಗ್ ಕೋಚ್ ವಿಕ್ರಮ್ ರಾಥೋರ್ ಪ್ರತಿಕ್ರಿಯಿಸಿದ್ದು, ಕೆ.ಎಲ್​. ರಾಹುಲ್​ ಬ್ಯಾಟಿಂಗ್​ ವೈಫಲ್ಯದ ಬಗ್ಗೆ ನಾವು ಏನನ್ನೂ ಯೋಚಿಸಿಲ್ಲ. ರಾಹುಲ್ ಬ್ಯಾಟಿಂಗ್ ಸಾಮರ್ಥ್ಯ ಅದ್ಭುತವಾಗಿದೆ. ಕೇವಲ ಎರಡು ಪಂದ್ಯದಿಂದ ಬ್ಯಾಟಿಂಗ್ ವೈಫಲ್ಯ ಎಂದು ಹೇಳಲು ಸಾಧ್ಯವಿಲ್ಲ. ಅಭ್ಯಾಸದ ವೇಳೆ ರಾಹುಲ್ ಅಗತ್ಯಕ್ಕೆ ತಕ್ಕಂತೆ ಬ್ಯಾಟಿಂಗ್ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/virat-kohli-didnt-have-to-prove-himself/

https://www.vijayavani.net/threat-of-terrorism-is-growing/

https://www.vijayavani.net/jaggesh-shared-his-memories-with-puneeth-rajkumar/