ಆಸೀಸ್​ ನೆಲದಲ್ಲಿ ಗರಿಷ್ಠ ಪ್ರೇಕ್ಷಕರ ದಾಖಲೆ ಬರೆದ ಬಾಕ್ಸಿಂಗ್ ಡೇ ಟೆಸ್ಟ್​​!

ಮೆಲ್ಬೋರ್ನ್​: ಭಾರತ-ಆಸೀಸ್​ ನಡುವಿನ ಮೆಲ್ಬೋರ್ನ್​ ಟೆಸ್ಟ್​ ಪಂದ್ಯವನ್ನು 5 ದಿನಗಳಲ್ಲಿ ಒಟ್ಟಾರೆ 3,73,691 ಪ್ರೇಕ್ಷಕರು ವೀಕ್ಷಿಸಿದರು. ಇದು ಕಾಂಗರೂ ನಾಡಿನ 147 ವರ್ಷಗಳ ಟೆಸ್ಟ್​ ಇತಿಹಾಸದಲ್ಲಿ ಗರಿಷ್ಠ ಪ್ರೇಕ್ಷಕರು ವೀಕ್ಷಿಸಿದ ಪಂದ್ಯ ಎನಿಸಿದೆ.

ಪಂದ್ಯದ ಕೊನೇ ದಿನದಾಟವನ್ನು ಭೋಜನ ವಿರಾಮದ ವೇಳೆಗೆ 51,371 ಪ್ರೇಕ್ಷಕರು ವೀಕ್ಷಿಸಿದರು. ಇದರೊಂದಿಗೆ 1937ರ ಆಶಸ್​ ಸರಣಿಯಲ್ಲಿ ದಿಗ್ಗಜ ಡಾನ್​ ಬ್ರಾಡ್ಮನ್​ ಉನ್ನತ ಫಾರ್ಮ್​ನಲ್ಲಿದ್ದಾಗ 3,50,535 ಪ್ರೇಕ್ಷಕರು ವೀಕ್ಷಿಸಿದ್ದ ಟೆಸ್ಟ್​ ಪಂದ್ಯದ ದಾಖಲೆ ಅಳಿಸಿತು.

ಕೊನೇ ದಿನ ಭೋಜನ ವಿರಾಮದ ಬಳಿಕ ಪ್ರೇಕ್ಷಕರ ಸಂಖ್ಯೆ 74 ಸಾವಿರದ ಗಡಿ ದಾಟಿತು. ಒಟ್ಟಾರೆಯಾಗಿ ಇದು 2ನೇ ಗರಿಷ್ಠ ಪ್ರೇಕ್ಷಕರು ವೀಕ್ಷಿಸಿದ ಟೆಸ್ಟ್​ ಪಂದ್ಯವೆನಿಸಿದೆ. 1999ರಲ್ಲಿ ಭಾರತ-ಪಾಕಿಸ್ತಾನ ನಡುವಿನ ಕೋಲ್ಕತ ಟೆಸ್ಟ್​ ಪಂದ್ಯವನ್ನು 4.65 ಲಕ್ಷ ಪ್ರೇಕ್ಷಕರು ವೀಕ್ಷಿಸಿರುವುದು ಸಾರ್ವಕಾಲಿಕ ದಾಖಲೆ ಎನಿಸಿದೆ.

https://www.vijayavani.net/elite-wishes-for-badminton-star-pv-sindhus-marriage-people-from-the-film-industry-sports-field-participated-in-the-reception