ಸಿಡ್ನಿ ಟೆಸ್ಟ್ ಪಂದ್ಯದ 3ನೇ ದಿನ ಬೆನ್ ಸ್ಟೋಕ್ಸ್ ವಿರುದ್ಧ ವೇಗಿ ಕ್ರಿಸ್ ಗ್ರೀನ್ ಎಲ್ಬಿಡಬ್ಲ್ಯು ಮನವಿ ಸಲ್ಲಿಸಿದಾಗ ಅಂಪೈರ್ ಅದನ್ನು ಪುರಸ್ಕರಿಸಿದರು. ತಕ್ಷಣವೇ ಸ್ಟೋಕ್ಸ್ ಡಿಆರ್ಎಸ್ ಮೊರೆ ಹೋದರು. ತೃತೀಯ ಅಂಪೈರ್ ಪರಿಶೀಲಿಸಿದಾಗ ಚೆಂಡು ಬ್ಯಾಟ್ ಅಥವಾ ಪ್ಯಾಡ್ಗೆ ಬಡಿದಿರಲಿಲ್ಲ. ಚೆಂಡು ಸ್ಟಂಪ್ಸ್ಗೆ ಸ್ಪರ್ಶಿಸಿ ಕೀಪರ್ ಕೈಸೇರಿತ್ತು. ಟಿವಿ ಮರುಪ್ರಸಾರದಲ್ಲಿ ತೃತೀಯ ಅಂಪೈರ್ಗೆ ಇದು ಸ್ಪಷ್ಟವಾಗಿ ಕಾಣಿಸುತ್ತಿದ್ದರೂ, ಅವರು ಎಲ್ಬಿಡಬ್ಲ್ಯು ಬದಲಾಗಿ ಬೋಲ್ಡ್ ತೀರ್ಪು ನೀಡಲಿಲ್ಲ. ಅದಕ್ಕೆ ಕಾರಣ, ಚೆಂಡು ಬಡಿದರೂ ಬೇಲ್ಸ್ ಬಿದ್ದಿರಲಿಲ್ಲ. ಕ್ರಿಕೆಟ್ ನಿಯಮಾವಳಿಯ ಪ್ರಕಾರ, ಬ್ಯಾಟ್ಸ್ಮನ್ ಬೋಲ್ಡ್ ಎಂದು ತೀರ್ಪು ನೀಡಬೇಕಾದರೆ ವಿಕೆಟ್ ಮೇಲಿನ ಬೇಲ್ಸ್ ಬೀಳಬೇಕು. ಹೀಗಾಗಿ ಸ್ಟೋಕ್ಸ್ ‘ನಾಟೌಟ್’ ತೀರ್ಪಿನೊಂದಿಗೆ ಬ್ಯಾಟಿಂಗ್ ಮುಂದುವರಿಸಿದರು. ಆದರೆ ಈ ಘಟನೆಯ ಬಗ್ಗೆ ಇದೀಗ ಕ್ರಿಕೆಟ್ ವಲಯದಲ್ಲಿ ಬಿಸಿಬಿಸಿ ಚರ್ಚೆಗಳು ಶುರುವಾಗಿವೆ.
