ಟೋಕಿಯೊ: ಭಾರತದ ವೀಲ್ಚೇರ್ ಟೇಬಲ್ ಟೆನಿಸ್ ಆಟಗಾರ್ತಿ ಭವಿನಾಬೆನ್ ಪಟೇಲ್, ಟೋಕಿಯೊ ಪ್ಯಾರಾಲಿಂಪಿಕ್ಸ್ನಲ್ಲಿ ಫೈನಲ್ ಪ್ರವೇಶಿಸುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಶನಿವಾರ ನಡೆದ ಮಹಿಳೆಯರ ಕ್ಲಾಸ್-4 ವಿಭಾಗದ ಸೆಮಿಫೈನಲ್ ಹಣಾಹಣಿಯಲ್ಲಿ ಭವಿನಾಬೆನ್ 3-2 ರಿಂದ ಹಾಲಿ ರನ್ನರ್ಅಪ್ ಚೀನಾದ ಮಿಯಾ ಜಾಂಗ್ ಅವರನ್ನು ಮಣಿಸಿ ಈ ಸಾಧನೆ ಮಾಡಿದರು. 34 ವರ್ಷದ ಭವಿನಾಬೆನ್ ಪಟೇಲ್, ಚೀನಾ ಆಟಗಾರ್ತಿಯಿಂದ ಪ್ರಬಲ ಪೈಪೋಟಿ ಎದುರಿಸಿದರೂ 7-11, 11-7, 11-4, 9-11, 11-8 ರಿಂದ ಕೇವಲ 34 ನಿಮಿಷಗಳಲ್ಲಿ ಜಯ ದಾಖಲಿಸಿದರು. ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಭವಿನಾಬೆನ್ ವಿಶ್ವ ನಂ.1 ಆಟಗಾರ್ತಿ ಚೀನಾದ ಯಿಂಗ್ ಝೌ ಅವರನ್ನು ಎದುರಿಸಲಿದ್ದಾರೆ.
