ಸುನೀಲ್ ಛೇಟ್ರಿ ಬಳಗ 12 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದ್ದು, ತಲಾ 16 ಅಂಕ ಸಂಪಾದಿಸಿರುವ ಮುಂಬೈ ಸಿಟಿ ಹಾಗೂ ಎಟಿಕೆ ಮೋಹನ್ ಬಾಗನ್ ತಂಡಗಳು ಮೊದಲ ಎರಡು ಸ್ಥಾನ ಹಂಚಿಕೊಂಡಿವೆ. ಅಂಕಪಟ್ಟಿಯಲ್ಲಿ ತನಗಿಂತ ಕೆಳಗಿದ್ದರೂ ಜೆಮ್ಶೆಡ್ಪುರ ಎಫ್ ಸಿ ತಂಡವನ್ನು ಸುಲಭವಾಗಿ ಪರಿಗಣಿಸುವಂತಿಲ್ಲ. ಈ ಕುರಿತು ತಂಡದ ಆಟಗಾರರಿಗೆ ಬಿಎಫ್ ಸಿ ಕೋಚ್ ಕ್ರೌಡಾರ್ಟ್ ಕೂಡ ಎಚ್ಚರಿಕೆ ನೀಡಿದ್ದಾರೆ. ಅಸ್ಥಿರ ನಿರ್ವಹಣೆಯಿಂದ ಹೊರ ಬರಲು ಯತ್ನಿಸುತ್ತಿರುವ ಬಿಎಫ್ ಸಿ ತಂಡಕ್ಕೆ ಸೂಕ್ತ ಯೋಜನೆಗಳ ಅಗತ್ಯವಿದೆ. ‘ಮೂರು ಅಂಕ ಸಂಪಾದಿಸುವುದೇ ತಂಡದ ಗುರಿ. ಎದುರಾಳಿ ತಂಡದ ವಿದೇಶಿ ಆಟಗಾರರಿಂದ ಉತ್ತಮ ನಿರ್ವಹಣೆ ಬರುತ್ತಿದ್ದು, ಜೆಮ್ಶೆಡ್ಪುರ ತಂಡಕ್ಕೆ ಕಡಿವಾಣ ಹಾಕುವುದೇ ತಂಡದ ಗುರಿ’ ಎಂದು ಹೇಳಿದ್ದಾರೆ.
