ತಾಂತ್ರಿಕವಾಗಿ, ಆಯ್ಕೆ ಸಮಿತಿಯಲ್ಲಿ ಒಂದೇ ವಲಯದ ಇಬ್ಬರು ಸದಸ್ಯರು ಇರಬಾರದು ಎಂಬ ರ್ನಿಬಂಧವಿಲ್ಲದಿದ್ದರೂ, ಒಂದು ವಲಯದಿಂದ ಒಬ್ಬರೇ ಇರಬೇಕೆಂಬ ಪರಿಪಾಠವನ್ನು ಬಿಸಿಸಿಐ ಪಾಲಿಸುತ್ತ ಬಂದಿದೆ. ಆದರೆ, 2023ರ ಫೆಬ್ರವರಿಯಲ್ಲಿ ಖಾಸಗಿ ಟಿವಿ ವಾಹಿನಿಯ ಕುಟುಕು ಕಾರ್ಯಾಚರಣೆಯಲ್ಲಿ ಚೇತನ್ ಶರ್ಮ ವಿವಾದಾತ್ಮಕ ಹೇಳಿಕೆಗಳನ್ನು ನೀಡಿದ ಬಳಿಕ ಪದತ್ಯಾಗ ಮಾಡಿದಾಗ ಬಿಸಿಸಿಐ, ಅವರ ಬದಲಿಗೆ ಉತ್ತರ ವಲಯದ ಆಯ್ಕೆಗಾರರನ್ನು ಆರಿಸದೆ, ಅಜಿತ್ ಅಗರ್ಕರ್ರನ್ನು ನೇಮಿಸಿತ್ತು. ಈ ಬಾರಿ ಅಗರ್ಕರ್ರನ್ನು ಉಳಿಸಿಕೊಂಡು ಸಲಿಲ್ ಅಂಕೋಲರನ್ನು ಕೈಬಿಡಲು ಬಿಸಿಸಿಐ ಮುಂದಾಗಿದೆ. ಹೀಗಾಗಿ ಹೊಸ ಆಯ್ಕೆಗಾರರಾಗಿ ಉತ್ತರ ವಲಯದಿಂದಲೇ ಮಾಜಿ ಕ್ರಿಕೆಟಿಗರೊಬ್ಬರು ನೇಮಕಗೊಳ್ಳುವ ನಿರೀಕ್ಷೆ ಇದೆ.
