ತವರಿನ ಆರಂಭಿಕ 2 ಪಂದ್ಯಗಳಲ್ಲಿ ಆರ್ಸಿಬಿ ಮತ್ತು ಗುಜರಾತ್ ಎದುರು ಸುಲಭ ಗೆಲುವನ್ನೇ ಸಾಧಿಸಿರುವ ಸಿಎಸ್ಕೆ, ಯುವ ನಾಯಕ ಋತುರಾಜ್ ಗಾಯಕ್ವಾಡ್ ಸಾರಥ್ಯದಲ್ಲಿ ಆಲ್ರೌಂಡ್ ನಿರ್ವಹಣೆ ತೋರಿಸಿದೆ. ಎಂಎಸ್ ಧೋನಿ ನಾಯಕತ್ವ ಬಿಟ್ಟರೂ, ಫೀಲ್ಡಿಂಗ್ ವ್ಯೂಹ ರಚನೆಯಲ್ಲಿ ನೆರವಾಗುತ್ತಿರುವುದು ಸಿಎಸ್ಕೆ ಬಲ ಹೆಚ್ಚಿಸಿದೆ. ಬ್ಯಾಟಿಂಗ್-ಬೌಲಿಂಗ್ನಲ್ಲಿ ಸದ್ಯ ಸಿಎಸ್ಕೆ ತಂಡದಲ್ಲಿ ಯಾವುದೇ ಲೋಪದೋಷ ಕಾಣಿಸುತ್ತಿಲ್ಲ. ಆರಂಭಿಕ ಡೆವೊನ್ ಕಾನ್ವೇ ಅಲಭ್ಯತೆಯೂ ತಂಡವನ್ನು ಕಾಡಿಲ್ಲ. ಋತುರಾಜ್ ಜತೆಗೆ ರಚಿನ್ ರವೀಂದ್ರ ಆರಂಭಿಕರಾಗಿ ಉತ್ತಮ ಯಶ ಕಂಡಿದ್ದಾರೆ. ಧೋನಿ ಬ್ಯಾಟಿಂಗ್ಗೆ ಇಳಿಯದೆಯೇ ಸಿಎಸ್ಕೆ ಮೊದಲ ಎರಡೂ ಪಂದ್ಯ ಗೆದ್ದಿರುವುದು ಅದರ ಶಕ್ತಿಗೆ ಸಾ. ಹೀಗಾಗಿ ಸಿಎಸ್ಕೆ ಈ ಬಾರಿ ತವರಿನ ಹೊರಗೂ ಗೆದ್ದು, ಹ್ಯಾಟ್ರಿಕ್ ಗೆಲುವಿನ ಸಂಭ್ರಮ ಕಾಣುವ ತವಕದಲ್ಲಿದೆ.
