ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ತಮ್ಮ ವೃತ್ತಿಜೀವನದ ಸವಾಲಿನ ಬ್ಯಾಟ್ಸಮನ್ಸ್ ಎಂದ ಇಂಗ್ಲೆಂಡ್​ ವೇಗಿ | England Pacer

England Pacer: ಇಂಗ್ಲೆಂಡ್‌ನ ವೇಗದ ಬೌಲರ್​ ಮಾರ್ಕ್ ವುಡ್ ತಮ್ಮ ವೃತ್ತಿಜೀವನದಲ್ಲಿ ಭಾರತದ ವಿರುದ್ಧ ಕೆಲವು ಕಠಿಣ ಪರಿಸ್ಥಿತಿಗಳನ್ನು ಎದುರಿಸಿದ್ದು, ಭಾರತದ ದಿಗ್ಗಜ ಜೋಡಿ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಯುವ ಆಟಗಾರ ರಿಷಭ್ ಪಂತ್ ವಿರುದ್ಧ ಬೌಲಿಂಗ್ ಮಾಡುವುದು ಕಷ್ಟಕರ ಎಂದಿದ್ದಾರೆ.

ಓವರ್‌ಲ್ಯಾಪ್ ಪಾಡ್‌ಕ್ಯಾಸ್ಟ್‌ನಲ್ಲಿ ಮಾತನಾಡಿದ ವುಡ್, ಈ ಮೂವರು ಭಾರತೀಯ ಆಟಗಾರರು ಒಡ್ಡಿದ ಸವಾಲುಗಳ ಕುರಿತು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:‘ಐರನ್‌ಮ್ಯಾನ್’ ಪೂರ್ಣಗೊಳಿಸಿದ ‘ಐಜಿಪಿ ಸಂದೀಪ್ ಪಾಟೀಲ್’​ಗೆ ಅಭಿನಂದನೆ ಸಲ್ಲಿಸಿದ ಶಾಸಕ ‘ಸುರೇಶ್​ ಕುಮಾರ್’​| igp

ನನ್ನ ವೃತ್ತಿಜೀವನದ ವಿವಿಧ ಹಂತಗಳಲ್ಲಿ ನಿಮಗೆ ಸವಾಲಾದ ಆಟಗಾರ ಯಾರು ಎಂದು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ವುಡ್​, ನಾನು ರೋಹಿತ್ ಶರ್ಮಾ ಎಂದು ಹೇಳುತ್ತೇನೆ. ಶಾರ್ಟ್ ಬಾಲ್ ವಿರುದ್ಧ ಅವರನ್ನು ಔಟ್ ಮಾಡುವುದು ತುಂಬಾ ಕಷ್ಟ, ಅವರು ಆ ದಿನ ಉತ್ತಮ ಲಯದಲ್ಲಿದ್ದರೆ ಬೌಲರ್​ಗಳನ್ನು ಧೂಳಿಪಟ ಮಾಡುತ್ತಾರೆ ಎಂದರು.

ವಿರಾಟ್ ಕೊಹ್ಲಿ ಬಗ್ಗೆ ಮಾತನಾಡುತ್ತಾ ಕೊಹ್ಲಿ, ಖಂಡಿತ ನಂಬಲಾಗದ ಪ್ರತಿಸ್ಪರ್ಧಿ. ಅವರಿಗೆ ನಾಲ್ಕನೇ ಮತ್ತು ಐದನೇ ಸ್ಟಂಪ್‌ಗಳ ದೌರ್ಬಲ್ಯ ಇದ್ದಂತೆ ತೋರುತ್ತಿತ್ತು. ಆದರೆ ನಾನು ಅಲ್ಲಿ ಬೌಲ್ ಮಾಡಿದಾಗ ಅವರು ಎಂದಿಗೂ ತಮ್ಮ ವಿಕೆಟ್​ ಕೈ ಚೆಲ್ಲಲಿಲ್ಲ ಎಂದರು.

ರಿಷಭ್ ಪಂತ್ ಬಗ್ಗೆ ಮಾತನಾಡಿದ ವುಡ್​​, ಅನಿರೀಕ್ಷಿತತೆ ಮತ್ತು ನಿರ್ಭಯತೆ ಪಂತ್​ ಅವರ ದೊಡ್ಡ ಅಸ್ತ್ರಗಳು, ತಮ್ಮ ಆಕ್ರಮಣಕಾರಿ ಆಟದ ಮೂಲಕ ಬೌಲರ್‌ಗಳನ್ನು ಗೊಂದಲಕ್ಕೀಡಾಗುವಂತೆ ಮಾಡುವಲ್ಲಿ ಪಂತ್​ ನಿಸ್ಸಿಮ ಎಂದರು.

ಇದನ್ನೂ ಓದಿ:ಬಾಲಕ ಆತ್ಮಹತ್ಯೆ; ಚಾಟ್​ ಜಿಪಿಟಿಯೇ ನಮ್ಮ ಮಗನ ಸಾವಿಗೆ ಕಾರಣ; ಓಪನ್ ಎಐ ಸಿಇಒ ವಿರುದ್ಧ ಕೇಸ್ ಹಾಕಿದ ತಂದೆ-ತಾಯಿ| ChatGPT

ರೋಹಿತ್ ಮತ್ತು ಕೊಹ್ಲಿ ಇಬ್ಬರೂ ಟೆಸ್ಟ್ ಮತ್ತು ಟಿ20ಐಗಳಿಂದ ನಿವೃತ್ತಿ ಹೊಂದಿದ್ದು, ಕೇವಲ ಏಕದಿನ ಪಂದ್ಯಗಳತ್ತ ಗಮನ ಹರಿಸಿದ್ದಾರೆ, ಆದರೆ ಪಂತ್ ಭಾರತದ ಟೆಸ್ಟ್ ತಂಡದ ಮೂಲಾಧಾರವಾಗಿದ್ದಾರೆ.(ಏಜೆನ್ಸೀಸ್)

https://www.vijayavani.net/are-you-bored-of-eating-the-same-kind-of-masala-rice-over-and-over-again-try-maharashtra-style-masala-rice