ಪಿವಿ ಸಿಂಧು ಕ್ರೀಡಾ ಶ್ರೇಷ್ಠತಾ ಕೇಂದ್ರಕ್ಕೆ ಅಡಿಗಲ್ಲು

ವಿಶಾಖಪಟ್ಟಣ: ಬ್ಯಾಡ್ಮಿಂಟನ್​ ತಾರೆ ಪಿವಿ ಸಿಂಧು (P

.V. Sindhu

), ತನ್ನದೇ ಹೆಸರಿನ ಕ್ರೀಡಾ ಶ್ರೇಷ್ಠತಾ ಕೇಂದ್ರಕ್ಕೆ ಬುಧವಾರ ಅಡಿಗಲ್ಲು ಹಾಕಿದರು. ವಿಶಾಖಪಟ್ಟಣ ಸಮೀಪದ ಅರಿಲೋವಾದಲ್ಲಿ ಸುಮಾರು ಎರಡು ಲಕ್ಷ ಚದರ ಅಡಿ ಜಾಗದಲ್ಲಿ ಈ ಕ್ರೀಡಾ ಶ್ರೇಷ್ಠತಾ ಕೇಂದ್ರ ನಿರ್ಮಾಣವಾಗಲಿದೆ. ಇದರಲ್ಲಿ ಬ್ಯಾಡ್ಮಿಂಟನ್​ ಜತೆಗೆ ಟೇಬಲ್​ ಟೆನಿಸ್​, ಈಜು, ಶೂಟಿಂಗ್​, ಫುಟ್​ಬಾಲ್​, ಬಾಸ್ಕೆಟ್​ಬಾಲ್​ ಮತ್ತು ಚೆಸ್​ ತರಬೇತಿಯನ್ನೂ ನೀಡಲಾಗುತ್ತದೆ.

ಮೊದಲಿಗೆ ಬ್ಯಾಡ್ಮಿಂಟನ್​ ಅಕಾಡೆಮಿಯಷ್ಟೇ ಆಗಬೇಕಾಗಿದ್ದ ಯೋಜನೆಯ ಬಗ್ಗೆ ಪಿವಿ ಸಿಂಧು, ಆಂಧ್ರ ಮುಖ್ಯಮಂತ್ರಿ ಎನ್​. ಚಂದ್ರಬಾಬು ನಾಯ್ಡು ಜತೆಗೆ ಚರ್ಚಿಸಿದ ಬಳಿಕ ಇತರ ಕ್ರೀಡೆಗಳಿಗೂ ವಿಸ್ತಿರಿಸಿದ್ದರು.

ಪತಿ ವೆಂಕಟ ದತ್ತ ಸಾಯಿ ಜತೆಗೆ ದೋಹಾ, ಮಿಲಾನ್​, ಆಸ್ಟ್ರೆಲಿಯಾದಲ್ಲಿನ ವಿಶ್ವ ದರ್ಜೆಯ ಕ್ರೀಡಾ ವ್ಯವಸ್ಥೆಗಳಿಗೆ ಭೇಟಿ ನೀಡಿ, ಅಧ್ಯಯನ ನಡೆಸಿ ಈ ಯೋಜನೆ ಸಿದ್ಧಪಡಿಸಲಾಗಿದ್ದು, 2028ರ ಮೇನಲ್ಲಿ ಪೂರ್ಣಗೊಳ್ಳಲಿದೆ.