ಸಿಂಗಾಪುರ ಓಪನ್​: ಫೈನಲ್​ಗೇರಿದ ಸಾತ್ವಿಕ್​-ಚಿರಾಗ್​

4ನೇ ಶ್ರೇಯಾಂಕಿತ ಸಾತ್ವಿಕ್​-ಚಿರಾಗ್​ ಜೋಡಿ ಶನಿವಾರ ನಡೆದ ಉಪಾಂತ್ಯ ಹೋರಾಟದಲ್ಲಿ ಅಗ್ರ ಶ್ರೇಯಾಂಕಿತ ಕಿಮ್​&ಸೆಯು ಜೋಡಿಗೆ 21-19, 21-18 ನೇರಗೇಮ್​ಗಳಿಂದ 52 ನಿಮಿಷಗಳಲ್ಲಿ ಆಘಾತಕಾರಿ ಸೋಲುಣಿಸಿತು. 2 ವರ್ಷಗಳ ಪ್ರಶಸ್ತಿ ಬರ ನೀಗಿಸುವ ಹಂಬಲದಲ್ಲಿರುವ ಸಾತ್ವಿಕ್​-ಚಿರಾಗ್​ ಜೋಡಿ ಭಾನುವಾರ ನಡೆಯಲಿರುವ ಫೈನಲ್​ ಪಂದ್ಯದಲ್ಲಿ 3ನೇ ಶ್ರೇಯಾಂಕಿತ ಇಂಡೋನೇಷ್ಯಾದ ಜರ್​ ಅಲ್ಫಿಯಾನ್​ ಮತ್ತು ಮುಹಮ್ಮದ್​ ಶೋಯಿಬುಲ್​ ಫಿಕ್ರಿ ಜೋಡಿಯನ್ನು ಎದುರಿಸಲಿದೆ.

ಮತ್ತೊಂದೆಡೆ ಮಿಶ್ರ ಡಬಲ್ಸ್​ ವಿಭಾಗದ ಸೆಮಿಫೈನಲ್​ನಲ್ಲಿ ಭಾರತದ ಧ್ರುವ ಕಪಿಲ ಮತ್ತು ತನಿಷಾ ಕ್ರಾಸ್ಟೋ ಜೋಡಿ 16-21, 21-17, 13-21ರಿಂದ ಜಪಾನ್​ನ ಯುಚಿ ಶಿಮೊಗಮಿ ಮತ್ತು ಸಯಾಕ ಹೊಬರ ಜೋಡಿಗೆ ಶರಣಾಯಿತು.