ಪ್ಯಾರಿಸ್: ಬ್ಯಾಡ್ಮಿಂಟನ್ನಲ್ಲಿ ಏಕೈಕ ಪದಕ ಭರವಸೆ ಎನಿಸಿರುವ ಯುವ ಷಟ್ಲರ್ ಲಕ್ಷ್ಯ ಸೇನ್ ಪುರುಷರ ಸಿಂಗಲ್ಸ್ನ ಸೆಮಿೈನಲ್ನಲ್ಲಿ ಪರಾಭಗೊಂಡರು. ಅವರಿನ್ನು ಕಂಚಿನ ಪದಕಕ್ಕೆ ಹೋರಾಡಲಿದ್ದಾರೆ. ಭಾನುವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ 22 ವರ್ಷ ಲಕ್ಷ್ಯ ಸೇನ್ 20-22, 14-21 ನೇರ ಗೇಮ್ಗಳಿಂದ ಹಾಲಿ ಒಲಿಂಪಿಕ್ಸ್ ಚಾಂಪಿಯನ್, ಡೆನ್ಮಾರ್ಕ್ನ ವಿಕ್ಟರ್ ಆಕ್ಸೆಲ್ಸೆನ್ ಎದುರು ಮುಗ್ಗರಿಸಿದರು. 54 ನಿಮಿಷಗಳ ಕಾದಾಟದಲ್ಲಿ ಆಕ್ಸೆಲ್ಸೆನ್ ಅವರ ಸ್ಮ್ಯಾಷ್ಗಳ ಎದುರು ಚೊಚ್ಚಲ ಬಾರಿ ಕೂಟದಲ್ಲಿ ಆಡುತ್ತಿರುವ ಲಕ್ಷ್ಯಸೇನ್ ಮಂಕಾದರು. ಎರಡು ಗೇಮ್ಗಳಲ್ಲಿ ಆರಂಭಿಕ ಮುನ್ನಡೆ ಪಡೆದ ನಡುವೆಯೂ ಲಕ್ಷ್ಯ ಸೇನ್ ನಿರಾಸೆ ಅನುಭವಿಸಿದರು.
