3ನೇ ಬಾರಿಗೆ ಅಪ್ಪನಾಗುತ್ತಿದ್ದಾರೆ ಆಸ್ಟ್ರೆಲಿಯಾ ಕ್ರಿಕೆಟಿಗ ಶಾನ್​ ಮಾರ್ಷ್​

ಬೆಂಗಳೂರು: ಆಸ್ಟ್ರೆಲಿಯಾದ ಸ್ಫೋಟಕ ಬ್ಯಾಟ್ಸ್​ಮನ್​ ಶಾನ್​ ಮಾರ್ಷ್​ ಮೂರನೇ ಬಾರಿಗೆ ಅಪ್ಪನಾಗುತ್ತಿದ್ದಾರೆ. ಈ ಕುರಿತು ಮಾರ್ಷ್​ ಪತ್ನಿ ರೆಬೆಕ್ಕಾ ಇನ್​ಸ್ಟಾಗ್ರಾಂನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಕುಟುಂಬದ ಜತೆ ಬೀಚ್​ನಲ್ಲಿರುವ ಫೋಟೋ ಪ್ರಕಟಿಸಿ ರೆಬೆಕ್ಕಾ, ಗರ್ಭಿಣಿಯಾಗುತ್ತಿರುವ ಬಗ್ಗೆ ಹೇಳಿಕೊಂಡಿದ್ದಾರೆ. ಶಾನ್​ ಮಾರ್ಷ್​ ಹಾಗೂ ರೆಬೆಕ್ಕಾ 2015ರ ಏಪ್ರಿಲ್​ನಲ್ಲಿ ಮದುವೆಯಾಗಿದ್ದರು. ಶಾನ್​ ಮಾರ್ಷ್​ ದಂಪತಿಗೆ ಈಗಾಗಲೇ ಒಂದು ಗಂಡು, ಹೆಣ್ಣು ಮಗುವಿದೆ..ರೆಬೆಕ್ಕಾ ವೃತ್ತಿಯಲ್ಲಿ ಪತ್ರಕರ್ತೆಯಾಗಿ ಕಾರ್ಯನಿರ್ವಹಿಸಿದ್ದಾರೆ.

ಇದನ್ನೂ ಓದಿ: ಪ್ರೇಕ್ಷಕರಿಲ್ಲದ ಯುಎಸ್ ಓಪನ್, ಟೆನಿಸ್​ ಆಟಗಾರರಿಗೆ ಬರೆ!

ಸ್ಫೋಟಕ ಬ್ಯಾಟಿಂಗ್​ಗೆ ಹೆಸರಾಗಿರುವ ಶಾನ್​ ಮಾರ್ಷ್​ 2008ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದರು. ಇದುವರೆಗೂ 38 ಟೆಸ್ಟ್​, 73 ಏಕದಿನ ಹಾಗೂ 15 ಟಿ20 ಪಂದ್ಯಗಳನ್ನಾಡಿದ್ದಾರೆ. 2019ರ ಏಕದಿನ ವಿಶ್ವಕಪ್​ ಟೂರ್ನಿಯ ಶ್ರೀಲಂಕಾ ವಿರುದ್ಧ ಕೊನೇ ಬಾರಿಗೆ ಆಸ್ಟ್ರೆಲಿಯಾ ತಂಡದಲ್ಲಿ ಸ್ಥಾನ ಪಡೆದಿದ್ದರು. 2016ರಲ್ಲಿ ಕಡೇ ಬಾರಿಗೆ ರಾಷ್ಟ್ರೀಯ ಟಿ20 ತಂಡದ ಪರ ಆಡಿದ್ದರು. ಐಪಿಎಲ್​ನಲ್ಲಿ ಮಾರ್ಷ್​ ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡ ಪ್ರತಿನಿಧಿಸಿದ್ದರು.