ಹೆಡಿಂಗ್ಲೆ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಅನುಭವಿ ಬ್ಯಾಟ್ಸ್ಮನ್ ಚೇತೇಶ್ವರ ಪೂಜಾರ (91*ರನ್, 180 ಎಸೆತ, 15 ಬೌಂಡರಿ) ಹಾಗೂ ರೋಹಿತ್ ಶರ್ಮ (59ರನ್, 156 ಎಸೆತ, 7 ಬೌಂಡರಿ, 1 ಸಿಕ್ಸರ್) ಜೋಡಿಯ ಜವಾಬ್ದಾರಿಯುತ ಇನಿಂಗ್ಸ್ ಲವಾಗಿ 3ನೇ ದಿನದಂತ್ಯಕ್ಕೆ 2 ವಿಕೆಟ್ಗೆ 215 ರನ್ ಪೇರಿಸಿದೆ. ಶತಕದತ್ತ ಮುನ್ನಡೆದಿರುವ ಪೂಜಾರ ಹಾಗೂ ನಾಯಕ ವಿರಾಟ್ ಕೊಹ್ಲಿ (45*ರನ್, 94 ಎಸೆತ, 6 ಬೌಂಡರಿ) ಕ್ರೀಸ್ನಲ್ಲಿದ್ದು, ಇನಿಂಗ್ಸ್ ಸೋಲಿನ ಭೀತಿಯಿಂದ ಪಾರಾಗಲು ಇನ್ನೂ 139 ರನ್ ಪೇರಿಸಬೇಕಿದೆ. ಇದಕ್ಕೂ ಮೊದಲು 8 ವಿಕೆಟ್ಗೆ 423 ರನ್ಗಳಿಂದ ಬುಧವಾರದ ಆಟ ಆರಂಭಿಸಿದ ಇಂಗ್ಲೆಂಡ್ 432 ರನ್ಗಳಿಗೆ ಸರ್ವಪತನ ಕಂಡು, 354 ರನ್ ಮುನ್ನಡೆ ಸಾಧಿಸಿತು.
