ಮಲೇಷ್ಯಾ ಓಪನ್​ ಬ್ಯಾಡ್ಮಿಂಟನ್​ ಟೂರ್ನಿಯಲ್ಲಿ ಫೈನಲ್​ಗೇರಿದ ಸಾತ್ವಿಕ್​-ಚಿರಾಗ್​ ಜೋಡಿ

ಕೌಲಾಲಂಪುರ: ಏಷ್ಯನ್​ ಗೇಮ್ಸ್​ ಚಿನ್ನದ ಪದಕ ವಿಜೇತ ಸಾತ್ವಿಕ್​ ಸಾಯಿರಾಜ್​ ರಾಂಕಿರೆಡ್ಡಿ ಹಾಗೂ ಕರ್ನಾಟಕ ಮೂಲದ ಚಿರಾಗ್​ ಶೆಟ್ಟಿ ಜೋಡಿ ವರ್ಷದ ಮೊದಲ ಸವಾಲೆನಿಸಿರುವ ಮಲೇಷ್ಯಾ ಓಪನ್​ ಸೂಪರ್​&1000 ಬ್ಯಾಡ್ಮಿಂಟನ್​ ಟೂರ್ನಿಯಲ್ಲಿ ೈನಲ್​ಗೇರಿದೆ.

ಶನಿವಾರ ನಡೆದ ಪುರುಷರ ಡಬಲ್ಸ್​ ಸೆಮಿೈನಲ್​ನಲ್ಲಿ ವಿಶ್ವ ನಂ.2 ಸಾತ್ವಿಕ್​&ಚಿರಾಗ್​ ಜೋಡಿ 21-18, 22-20 ನೇರ ಗೇಮ್​ಗಳಿಂದ ವಿಶ್ವ ಚಾಂಪಿಯನ್​ ಕೊರಿಯಾದ ಸೆಯೂ ಸೆಯುಂಗ್​ ಜೇ& ಕಂಗ್​ಮಿನ್​ ಹ್ಯುಕ್​ ಜೋಡಿಯನ್ನು ಮಣಿಸಿ ಪ್ರಶಸ್ತಿ ಸುತ್ತಿಗೇರಿತು. 2ನೇ ಗೇಮ್​ನಲ್ಲಿ ಕೆಲವು 14-20ರಿಂದ ಹಿನ್ನಡೆಯಲ್ಲಿದ್ದ ಭಾರತೀಯ ಜೋಡಿ ಆರು ಗೇಮ್​ ಪಾಯಿಂಟ್​ ಮೆಟ್ಟಿನಿಂತು ಸತತವಾಗಿ ಎಂಟು ಅಂಕ ಕಲೆಹಾಕುವ ಮೂಲಕ ವಿಶ್ವ ಚಾಂಪಿಯನ್ನರಿಗೆ ಆಘಾತ ನೀಡಿದರು.

ಒಟ್ಟಾರೆ ಮೂರನೇ ಬಾರಿಗೆ ಕೊರಿಯನ್​ ಜೋಡಿಯನ್ನು ಮಣಿಸಿದ ಸಾತ್ವಿಕ್​&ಚಿರಾಗ್​ ಜೋಡಿ ಎರಡನೇ ಸೂಪರ್​&1000 ಪ್ರಶಸ್ತಿಯಿಂದ ಒಂದು ಗೆಲುವಿನ ದೂರದಲ್ಲಿದೆ. ಕಳೆದ ವರ್ಷ ಜೂನ್​ನಲ್ಲಿ ಇಂಡೋನೇಷ್ಯಾ ಓಪನ್​ ಜಯಿಸಿತ್ತು.