ನಗೋಯಾ: ಮಳೆ ಅಡಚಣೆ, ವಸತಿ ಸಮಸ್ಯೆಯ ನಡುವೆ ಆರಂಭಗೊಂಡರೂ ಯಶಸ್ವಿಯಾಗಿ ಆಯೋಜನೆಗೊಂಡಿರುವ ಏಷ್ಯನ್ ಗೇಮ್ಸ್ 20ನೇ ಆವೃತ್ತಿಗೆ ಭಾನುವಾರ ತೆರೆ ಬೀಳಲಿದೆ. ನಗೋಯಾದ ಪಲೋಮಾ ಮಿಜುಹೊ ಸ್ಟೇಡಿಯಂನಲ್ಲಿ ನಡೆಯಲಿರುವ ಸಮಾರೋಪ ಸಮಾರಂಭದಲ್ಲಿ ಜಪಾನ್ ಸಾಂಸತಿಕ ವೈಭವವನ್ನು ಕಲಾವಿದರು ಪ್ರದರ್ಶಿಸಲಿದ್ದಾರೆ.
ಜತೆಗೆ 2030ರ ಏಷ್ಯಾಡ್ ಆತಿಥ್ಯ ವಹಿಸಲಿರುವ ಕತಾರ್ ದೇಶದ ದೋಹಾ ನಗರಕ್ಕೆ ಏಷ್ಯನ್ ಒಲಿಂಪಿಕ್ ಕೌನ್ಸಿಲ್ನ ಧ್ವಜ ಹಸ್ತಾಂತರವಾಗಲಿದೆ. ಬಳಿಕ ದೋಹಾದ ಕಲಾವಿದರು 2030ರ ನವೆಂಬರ್ 4ರಿಂದ 19ರವರೆಗೆ ನಿಗದಿಯಾಗಿರುವ 21ನೇ ಆವೃತ್ತಿಗೆ ಏಷ್ಯಾದ ಕ್ರೀಡಾತಾರೆಯರನ್ನು ಆಹ್ವಾನಿಸುವ ಸಾಂಸತಿಕ ಕಾರ್ಯಕ್ರಮ ಪ್ರದರ್ಶಿಸಲಿದ್ದಾರೆ. 2006ರ ನಂತರ ದೋಹಾ 2ನೇ ಬಾರಿ ಏಷ್ಯಾಡ್ ಆತಿಥ್ಯ ವಹಿಸಿಕೊಂಡಿದೆ. ಸಮಾರೋಪ ಸಮಾರಂಭದ ಕ್ರೀಡಾಪಟುಗಳ ಪಥ ಸಂಚಲನದಲ್ಲಿ 2 ಚಿನ್ನ ಸಹಿತ ತ್ರಿವಳಿ ಪದಕ ವಿಜೇತೆ ಶೂಟರ್ ನೀರೂ ಢಂಡಾ ತ್ರಿವರ್ಣ ಧ್ವಜದೊಂದಿಗೆ ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ.
ಏಷ್ಯನ್ ಗೇಮ್ಸ್ 20ನೇ ಆವೃತ್ತಿಯ ಕೊನೇ ದಿನವಾದ ಭಾನುವಾರ ಈಕ್ವೆಸ್ಟ್ರಿಯನ್ (ಕುದುರೆ ಸವಾರಿ) ಸ್ಪರ್ಧೆಯಲ್ಲಿ 2 ಚಿನ್ನದ ಪದಕ ವಿಜೇತರ ನಿರ್ಧಾರವಾಗಲಿದೆ.
ಆರಂಭ: ಮಧ್ಯಾಹ್ನ 2.30
ನೇರಪ್ರಸಾರ: ಸೋನಿ ಸ್ಪೋರ್ಟ್ಸ್, ಸೋನಿ ಲಿವ್.
