ಕೋವಿಡ್-19 ಸಂಪೂರ್ಣವಾಗಿ ನಿಗ್ರಹಗೊಂಡರೆ ಭಾರತದಲ್ಲಿ ನಡೆಯಲಿದೆ ಈ ಮಹತ್ವದ ಕ್ರೀಡಾಕೂಟ

ನವದೆಹಲಿ: ಕೋವಿಡ್-19 ಸಂಪೂರ್ಣವಾಗಿ ನಿಗ್ರಹಗೊಂಡರೆ ಮುಂದಿನ ನವೆಂಬರ್-ಡಿಸೆಂಬರ್ ತಿಂಗಳಲ್ಲಿ ಪುರುಷರ ಹಾಗೂ ಮಹಿಳಾ ವಿಭಾಗದ ಏಷ್ಯಾ ಬಾಕ್ಸಿಂಗ್ ಚಾಂಪಿಯನ್​ಷಿಪ್​ಅನ್ನು ಭಾರತದಲ್ಲಿ ಆಯೋಜಿಸಲು ತೀರ್ಮಾನಿಸಲಾಗಿದೆ.

1980ರಲ್ಲಿ ಮುಂಬೈನಲ್ಲಿ ಕಡೇ ಬಾರಿಗೆ ಪುರುಷರ ವಿಭಾಗದಲ್ಲಿ ನಡೆದರೆ, 2003ರಲ್ಲಿ ಹಿಸಾರ್​ನಲ್ಲಿ ಮಹಿಳಾ ವಿಭಾಗದ ಏಷ್ಯಾ ಚಾಂಪಿಯನ್​ಷಿಪ್ ಆಯೋಜಿಸಲಾಗಿತ್ತು. ಕಳೆದ ವರ್ಷದಿಂದ ಪುರುಷರ ಹಾಗೂ ಮಹಿಳಾ ವಿಭಾಗ ಏಕಕಾಲದಲ್ಲಿ ನಡೆಯುತ್ತಿದೆ. ಕಳೆದ ಫೆಬ್ರವರಿಯಲ್ಲಿ ನಡೆದ ಏಷ್ಯನ್ ಬಾಕ್ಸಿಂಗ್ ಕಾನ್ಪೆಡರೇಷನ್ ಸಭೆ ವೇಳೆ ಚಾಂಪಿಯನ್​ಷಿಪ್ ಆಯೋಜಿಸುವ ಹಕ್ಕು ದಕ್ಕಿದ್ದು, ಕರೊನಾ ವೈರಸ್ ಸಂಪೂರ್ಣ ನಿಯಂತ್ರಣಕ್ಕೆ ಬಂದರೆ ನವೆಂಬರ್-ಡಿಸೆಂಬರ್ ತಿಂಗಳಲ್ಲಿ ಕೂಟ ಆಯೋಜಿಸುವ ಗುರಿ ಹೊಂದಿರುವುದಾಗಿ ಭಾರತೀಯ ಬಾಕ್ಸಿಂಗ್ ಫೆಡರೇಷನ್​ನ ಕಾರ್ಯಕಾರಿ ನಿರ್ದೇಶಕ ಆರ್​ಕೆ ಸಾಚೆಟಿ ತಿಳಿಸಿದ್ದಾರೆ.

https://www.vijayavani.net/dhonis-future-in-dilemma-as-ipl/