ಚಾಂಪಿಯನ್ಸ್ ಟ್ರೋಫಿ ಗೆಲುವಿನ ಬೆನ್ನಲ್ಲೇ ಶುಭಮಾನ್ ಗಿಲ್​ಗೆ ಮತ್ತೊಂದು ಗೌರವ!

ದುಬೈ: ಟೀಮ್​ ಇಂಡಿಯಾದ ಸ್ಟಾರ್​ ಆರಂಭಿಕ ಶುಭಮಾನ್​ ಗಿಲ್​ ಐಸಿಸಿ ಚಾಂಪಿಯನ್ಸ್​ ಟ್ರೋಫಿ ಗೆಲುವಿನ ಬೆನ್ನಲ್ಲೇ ಮತ್ತೊಂದು ಗೌರವಕ್ಕೆ ಪಾತ್ರರಾಗಿದ್ದಾರೆ. ಐಸಿಸಿಯ ಫೆಬ್ರವರಿ ತಿಂಗಳ ಆಟಗಾರ ಪ್ರಶಸ್ತಿ ಗೆದ್ದುಕೊಂಡಿರುವ ಶುಭಮಾನ್​ ಗಿಲ್​, ಮೂರು ಬಾರಿ ಈ ಗೌರವಕ್ಕೆ ಪಾತ್ರರಾದ ಮೊದಲ ಭಾರತೀಯರೆನಿಸಿದ್ದಾರೆ.

ಗಿಲ್​ ಆಸ್ಟ್ರೆಲಿಯಾದ ಸ್ಟೀವನ್​ ಸ್ಮಿತ್​ ಮತ್ತು ನ್ಯೂಜಿಲೆಂಡ್​ನ ಗ್ಲೆನ್​ ಫಿಲಿಪ್ಸ್​ ಅವರನ್ನು ಹಿಂದಿಕ್ಕಿ ಐಸಿಸಿಯ ಮಾಸಿಕ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಫೆಬ್ರವರಿ ತಿಂಗಳಲ್ಲಿ ಆಡಿದ 5 ಏಕದಿನ ಪಂಧ್ಯಗಳಲ್ಲಿ ಗಿಲ್​ 2 ಶತಕಗಳ ಸಹಿತ 101.50ರ ಸರಾಸರಿ ಮತ್ತು 94.19 ಸ್ಟ್ರೆ$ಕ್​ರೇಟ್​ನಲ್ಲಿ 406 ರನ್​ ಬಾರಿಸಿದ್ದರು. ಈ ಪೈಕಿ ಇಂಗ್ಲೆಂಡ್​ ವಿರುದ್ಧದ ಏಕದಿನ ಸರಣಿಯ ಎಲ್ಲ 3 ಪಂದ್ಯಗಳಲ್ಲೂ 50 ಪ್ಲಸ್​ ರನ್​ ಬಾರಿಸುವ ಮೂಲಕ ಸರಣಿಶ್ರೇಷ್ಠ ಪ್ರಶಸ್ತಿಗೂ ಪಾತ್ರರಾಗಿದ್ದರು. ಚಾಂಪಿಯನ್ಸ್​ ಟ್ರೋಫಿಯಲ್ಲೂ ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ಶತಕ ಸಿಡಿಸಿ ಗಮನಸೆಳೆದಿದ್ದರು.

ಗಿಲ್​ ಈ ಮುನ್ನ 2023ರ ಜನವರಿ ಮತ್ತು ಸೆಪ್ಟೆಂಬರ್​ ತಿಂಗಳಲ್ಲೂ ಐಸಿಸಿಯ ಮಾಸಿಕ ಪ್ರಶಸ್ತಿ ಗೆದ್ದುಕೊಂಡಿದ್ದರು. ಜಸ್​ಪ್ರೀತ್​ ಬುಮ್ರಾ 2 ಬಾರಿ ಈ ಪ್ರಶಸ್ತಿ ಗೆದ್ದಿರುವುದು ನಂತರದ ಗರಿಷ್ಠವೆನಿಸಿದೆ.

https://www.vijayavani.net/indias-special-strategies-that-paid-off-in-the-icc-champions-trophy