ಭರ್ಜರಿ ಾರ್ಮ್ನಲ್ಲಿ ಗಾಯಕ್ವಾಡ್: ಪ್ರಶಸ್ತಿ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಅಭಿಯಾನ ಆರಂಭಿಸಿರುವ ಸಿಎಸ್ಕೆಗೆ ನಾಯಕ ಋತುರಾಜ್ ಗಾಯಕ್ವಾಡ್ ಪ್ರಮುಖ ಶಕ್ತಿಯಾಗಿ ನಿಂತಿದ್ದಾರೆ. ಹಿಂದಿನ ಎರಡು ಪಂದ್ಯಗಳಲ್ಲಿ 108*,98 ರನ್ಗಳಿಸಿ ಹಾಲಿ ಟೂರ್ನಿಯಲ್ಲಿ ಭರ್ಜರಿ ಾರ್ಮ್ನಲ್ಲಿದ್ದಾರೆ. ಆದರೆ ಅನುಭವಿ ಅಜಿಂಕ್ಯ ರಹಾನೆ ಹಿಂದಿನ 4 ಪಂದ್ಯಗಳಲ್ಲಿ 5,36,1,9 ರನ್ಗಳಿಸಿರುವುದು ಕೊಂಚ ಹಿನ್ನಡೆ ತಂದಿದೆ. ಡೆರಿಲ್ ಮಿಚೆಲ್ ಸನ್ರೈಸರ್ಸ್ ಎದುರು ಅರ್ಧಶತಕ ಸಿಡಿಸಿ ಲಯಕ್ಕೆ ಮರಳಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲಿ ಶಿವಂ ದುಬೆ ತಂಡಕ್ಕೆ ಆಧಾರವಾಗಿದ್ದಾರೆ. ಇದುವರೆಗೆ 350 ರನ್ ಕಲೆಹಾಕಿರುವ ದುಬೆ, ಸ್ಪಿನ್ನರ್ಗಳ ಎದುರು ಸ್ಫೋಟಕ ಬ್ಯಾಟಿಂಗ್ ನಡೆಸುವ ಸಾಮರ್ಥ್ಯ ಹೊಂದಿದ್ದಾರೆ. ಇಬ್ಬನಿಯ ನಡುವೆಯೂ 200 ರನ್ ರಕ್ಷಿಸಿಕೊಂಡಿರುವ ಸಿಎಸ್ಕೆ ಬೌಲರ್ಗಳು ಈ ಬಾರಿಯೂ ಅದೇ ಪ್ರದರ್ಶನ ನೀಡುವ ತವಕದಲ್ಲಿದ್ದಾರೆ. ಮಥೀಶ ಪಥಿರಣ ಪ್ರಮುಖ ಅಸ ಎನಿಸಿದರೆ, ಇವರಿಗೆ ತುಷಾರ್ ದೇಶಪಾಂಡೆ, ಮುಸ್ತಾಫಿಜುರ್ ರೆಹಮಾನ್ ಸಾಥ್ ನೀಡಿದ್ದಾರೆ. ಸರ್ವಾಂಗೀಣ ನಿರ್ವಹಣೆಯೊಂದಿಗೆ ಮತ್ತೊಂದು ಜಯದ ನಿರೀಕ್ಷೆಯಲ್ಲಿ ಸಿಎಸ್ಕೆ ಕಣಕ್ಕಿಳಿಯಲಿದೆ.
