ಆರ್​ಸಿಬಿ ಕಪ್​ ಗೆಲ್ಲದೇ ಇರಲು ಈ ಮೂವರೇ ಕಾರಣ​; ತಂಡದ ವಿರುದ್ಧ ಗಂಭೀರ ಆರೋಪ ಮಾಡಿದ ಮಾಜಿ ಆಟಗಾರ

ನವದೆಹಲಿ: 18ನೇ ಆವೃತ್ತಿ ಐಪಿಎಲ್​ ಶುರುವಾಗುವುದಕ್ಕೆ ಹಲವು ತಿಂಗಳುಗಳು ಬಾಕಿ ಉಳಿದಿದ್ದು, ಇದಕ್ಕೂ ಮುಂಚಿತವಾಗಿಯೇ ತಂಡಗಳ ಬಗ್ಗೆ ಮಾಜಿ ಆಟಗಾರರು ನೀಡುತ್ತಿರುವ ಹೇಳಿಕೆಗಳು ಸಖತ್​ ಸೌಂಡ್​ ಮಾಡುತ್ತಿದೆ. ಪ್ರತಿಬಾರಿಯೂ ಕಪ್​ ಗೆಲ್ಲುವ ಇರಾದೆಯೊಂದಿಗೆ ಕಣಕ್ಕಿಳಿಯುವ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ಕೊನೆಯಲ್ಲಿ ಅಭಿಮಾನಿಗಳಿಗೆ ನಿರಾಸೆ ಮೂಡಿಸುತ್ತದೆ. ಇದೀಗ ಆರ್​ಸಿಬಿ ಕಪ್​ ಗೆಲ್ಲದಿರುವ ಕುರಿತು ತಂಡದ ಮಾಜಿ ಆಟಗಾರ ನೀಡಿರುವ ಹೇಳಿಕೆ ಎಲ್ಲರ ಗಮನ ಸೆಳೆಯುತ್ತಿದ್ದು, ಫ್ರಾಂಚೈಸಿ ಈ ಬಗ್ಗೆ ಗಮನಹರಿಸಬೇಕಿದೆ ಎಂದು ನೆಟ್ಟಿಗರು ಕಮೆಂಟ್​ ಮಾಡಿದ್ದಾರೆ.

17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಭರ್ಜರಿ ಭಕಮ್​ಬ್ಯಾಕ್​ ಮಾಡುವ ಮೂಲಕ ಸುದ್ದಿಯಾಗಿದ್ದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಕೊಹ್ಲಿ, ಡಿವಿಲಿಯರ್ಸ್​, ಕ್ರಿಸ್​ ಗೇಲ್​ನಂತಹ ದಿಗ್ಗಜ ಆಟಗಾರರು ಇದ್ದರೂ ಸಹ ತಂಡ ಒಮ್ಮೆಯೂ ಕಪ್​ ಗೆಲ್ಲಲು ಸಾಧ್ಯವಾಗಿರುವುದಕ್ಕೆ ಮಾಜಿ ಆಟಗಾರ ಪಾರ್ಥೀವ್​ ಪಟೇಲ್​ ಕಾರಣವನ್ನು ಬಿಚ್ಚಿಟ್ಟಿದ್ದು, ಇವರ ಹೇಳಿಕೆ ಸಖತ್​ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಅಂಬಾನಿ ಮಗನ ಮದುವೆಗೆ ಬಾಂಬ್​ ಬೆದರಿಕೆ ಹಾಕಿದ ಇಂಜಿನಿಯರ್​ ಅರೆಸ್ಟ್​; ಪೊಲೀಸರು ಹೇಳಿದ್ದಿಷ್ಟು

ನಾನು ಆರ್​ಸಿಬಿ ಪರ ನಾಲ್ಕು ಸೀಸನ್​ ಆಡಿದ್ದೇನೆ. ಆರ್​ಸಿಬಿ ಮ್ಯಾನೇಜ್​ಮೆಂಟ್​ ತಂಡಕ್ಕಿಂತ ಹೆಚ್ಚಾಗಿ ವ್ಯಕ್ತಿಗಳ ಬಗ್ಗೆ ಯೋಚಿಸುತ್ತದೆ. ಆ ಬಳಿಕ ತಂಡದ ಹೊರಹೋದವರು ಈ ಬಗ್ಗೆ ಹೇಳೇ ಹೇಳುತ್ತಾರೆ. ನಾನಿದ್ದಾಗ ವಿರಾಟ್​, ಎಬಿಡಿ, ಗೇಲ್​ಗೆ ಹೆಚ್ಚು ಪ್ರಾಶಸ್ತ್ಯ ನೀಡಲಾಗುತ್ತಿತ್ತು. ಅವರು ಆಡುವಾಗ ಉದ್ದೇಶ ಸ್ಪಷ್ಟವಾಗಿತ್ತು. ಈ ಕಾರಣಕ್ಕಾಗಿಯೇ ಆರ್​ಸಿಬಿ ಈವರೆಗೂ ಕಪ್​ ಗೆದ್ದಿಲ್ಲ ಎಂದು ತಂಡದ ಮಾಜಿ ಆಟಗಾರ ಪಾರ್ಥೀವ್​ ಪಟೇಲ್​ ದೂರಿದ್ದಾರೆ.

ಇತ್ತ ಪಾರ್ಥೀವ್​ ಪಟೇಲ್​ ಅವರ ಹೇಳಿಕೆ ವ್ಯಾಪಕ ಚರ್ಚೆಗೆ ಆಸ್ಪದ ಮಾಡಿಕೊಟ್ಟಿದ್ದು, ಯಾವ ಆಧಾರದ ಮೇಲೆ ಹೇಳಿಕೆ ಕೊಟ್ಟರೂ ಎಂಬುದು ಸ್ಪಷ್ಟವಾಗಿಲ್ಲ. ಮುಂದಿನ ದಿನಗಳಲ್ಲಿ ಇದು ಯಾವ ಹಂತ ತಲುಪಲಿದೆ ಎಂದು ಕಾದು ನೋಡಬೇಕಿದೆ.

https://www.vijayavani.net/veteran-actor-film-director-producer-sadananda-suvarna-passes-away

https://www.vijayavani.net/dk-shivakumar-reacts-regarding-all-party-meeting-by-tamilnadu-govt-and-allegations-on-him