ಕ್ವಾರಂಟೈನ್ ಅವಧಿ ಕುರಿತು ಅಕ್ಷರ್ ಪಟೇಲ್ ಮಾತನಾಡಿರುವ ವಿಡಿಯೋವನ್ನು ಬಿಸಿಸಿಐ ಟ್ವೀಟ್ ಮಾಡಿದೆ. ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ (ಡಬ್ಲ್ಯುಟಿಸಿ) ಫೈನಲ್ ಪಂದ್ಯವೂ ಜೂನ್ 18 ರಿಂದ ಸೌಥಾಂಪ್ಟನ್ನಲ್ಲಿ ನಡೆಯಲಿದೆ. ಮತ್ತೊಂದೆಡೆ, ಎದುರಾಳಿ ನ್ಯೂಜಿಲೆಂಡ್ ಈಗಾಗಲೇ ಇಂಗ್ಲೆಂಡ್ನಲ್ಲಿದ್ದು, ಆತಿಥೇಯ ತಂಡದ ಎದುರು ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಆಡುತ್ತಿದೆ. ಇಂಗ್ಲೆಂಡ್ಗೆ ತೆರೆಳುವುದಕ್ಕೂ ಮುನ್ನ ಭಾರತ ತಂಡ ಮುಂಬೈನಲ್ಲಿ 14 ದಿನಗಳ ಕ್ವಾರಂಟೈನ್ಗೆ ಒಳಗಾಗಿತ್ತು. ಇಂಗ್ಲೆಂಡ್ ಪ್ರವಾಸದ ಕುರಿತು ವಿಮಾನದಲ್ಲಿ ಮಾತನಾಡಿರುವ ಅರ್ ಪಟೇಲ್, ಪ್ರವಾಸದಲ್ಲಿ ಎರಡು ಗಂಟೆಗಳ ಸಿನಿಮಾ ನೋಡಿದೆ, ಮತ್ತೆ ಆರು ಗಂಟೆ ಭರ್ಜರಿ ನಿದ್ದೆ ಮಾಡಿದೆ. ಮೂರು ದಿನಗಳ ಕಾಲ ಆಟಗಾರರು ಪರಸ್ಪರ ಮಾತನಾಡಬಾರದು ಎಂದು ಹೇಳಲಾಗಿದೆ. ಕಠಿಣ ಕ್ವಾರಂಟೈನ್ ಅವಧಿ ಇದಾಗಿದೆ ಎಂದು ಅಕ್ಷರ್ ಪಟೇಲ್ ಹೇಳಿದ್ದಾರೆ.
