ಆಕಾಶ್​ ದೀಪ್​ರಿಂದ ಮೋಸದಾಟ: ಬಿಸಿಸಿಐ ಮಾಜಿ ಆಯ್ಕೆದಾರನಿಂದಲೇ ಗಂಭೀರ ಆರೋಪ! Akash Deep

Akash Deep : ಒಂದಲ್ಲ, ಎರಡಲ್ಲ ಬರೋಬ್ಬರಿ 58 ವರ್ಷಗಳ ಸುದೀರ್ಘ ಕಾಯುವಿಕೆ ಕೊನೆಗೊಂಡಿದೆ. ಇಂಗ್ಲೆಂಡ್ ನೆಲದಲ್ಲಿ ಭಾರತ ಇತಿಹಾಸ ಸೃಷ್ಟಿಸಿದ್ದು, ಹಲವು ವರ್ಷಗಳಿಂದ ಕಾಯುತ್ತಿದ್ದ ಗೆಲುವು ಕೊನೆಗೂ ಸಾಧ್ಯವಾಗಿದೆ. ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಐತಿಹಾಸಿಕ ಗೆಲುವು ಸಾಧಿಸಿತು. ಬರ್ಮಿಂಗ್​ಹ್ಯಾಮ್​ನ ಎಡ್ಜ್ ಬಾಸ್ಟನ್ ಮೈದಾನದಲ್ಲಿ ಇಂಗ್ಲೆಂಡ್ ತಂಡವನ್ನು 336 ರನ್​ಗಳ ಭಾರಿ ಅಂತರದಿಂದ ಸೋಲಿಸಿತು.

ಈ ಮೈದಾನದಲ್ಲಿ ಟೆಸ್ಟ್ ಪಂದ್ಯ ಗೆಲ್ಲದಿರುವ ಕಳಂಕವನ್ನು ಭಾರತ ಅಳಿಸಿಹಾಕಿದೆ. ಭಾರತೀಯ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಎಡ್ಜ್‌ಬಾಸ್ಟನ್‌ನಲ್ಲಿ ಟೀಮ್ ಇಂಡಿಯಾಗೆ ಇದು ಮೊದಲ ಗೆಲುವು. ಈ ಮೈದಾನದಲ್ಲಿ ಭಾರತದ ಗೆಲುವಿಗಾಗಿ 58 ವರ್ಷಗಳ ಕಾಯುವಿಕೆಯನ್ನು ಕೊನೆಗೊಳಿಸುವಲ್ಲಿ ವೇಗಿ ಆಕಾಶ್ ದೀಪ್ ಅವರ ಪಾತ್ರ ಅಪಾರ. ಆಕಾಶ್ ದೀಪ್ ತಮ್ಮ ಮೊನೆಚಾದ ಬೌಲಿಂಗ್​ ದಾಳಿಯಿಂದ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳನ್ನು ತರಗೆಲೆಗಳಂತೆ ಉದುರಿಸಿದರು. ಒಂದೇ ಇನ್ನಿಂಗ್ಸ್​​ನಲ್ಲಿ 6 ವಿಕೆಟ್‌ಗಳನ್ನು ಪಡೆದು ಇಂಗ್ಲೆಂಡ್​ಗೆ ಸೋಲಿನ ಆಘಾತ ನೀಡಿದರು.

ಗೆಲುವಿನ ನಡುವೆಯೇ ಆಕಾಶ್​ ದೀಪ್​ ವಿರುದ್ಧ ಮೋಸದಾಟ ಆರೋಪ ಕೇಳಿಬಂದಿದೆ. ಈ ಆರೋಪ ಮಾಡಿದ್ದು ಬೇರೆ ಯಾರೂ ಅಲ್ಲ, ಬಿಸಿಸಿಐ ಮಾಜಿ ಆಯ್ಕೆದಾರ ಸಬಾ ಕರೀಮ್. ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆಕಾಶ್ ದೀಪ್, ಇಂಗ್ಲೆಂಡ್ ಸ್ಟಾರ್​ ಬ್ಯಾಟ್ಸ್‌ಮನ್ ಜೋ ರೂಟ್ ಅವರನ್ನು ಔಟ್​ ಮಾಡಲು 'ವಂಚಿಸಿದ್ದಾರೆ' ಎಂದು ಗಂಭೀರ ಆರೋಪ ಮಾಡಿದ್ದಾರೆ.

ಆಕಾಶ್​ ದೀಪ್​ ಅವರ ಹಿಂದಿನ ಕಾಲು ರಿಟರ್ನ್ ಕ್ರೀಸ್ ಅನ್ನು ಮುಟ್ಟುತ್ತಿದೆ ಎಂದು ಕ್ರೀಡಾ ವಿಮರ್ಶಕರು ಹಾಗೂ ಕೆಲವು ಕ್ರೀಡಾಭಿಮಾನಿಗಳು ಅಭಿಪ್ರಾಯಪಟ್ಟ ನಂತರ ಜೋ ರೂಟ್​ ಔಟ್ ಭಾರಿ ವಿವಾದಕ್ಕೆ ಕಾರಣವಾಯಿತು.

ಇದನ್ನೂ ಓದಿ: ತಂಗಿಗೆ ಕ್ಯಾನ್ಸರ್, ನಾನು ಪ್ರತಿ ಬಾಲ್ ಎಸೆಯುವಾಗ… ಮನಕಲಕುವಂತಿದೆ ಆಕಾಶ್​ ಆಡಿದ ಮಾತು​ಗಳು! Akash Deep

ಬಿಬಿಸಿ ಟಿಎಂಎಸ್‌ನಲ್ಲಿ ಕಾಮೆಂಟರಿ ಮಾಡುತ್ತಿರುವಾಗ ಇಂಗ್ಲೆಂಡ್‌ನ ಮಾಜಿ ಕ್ರಿಕೆಟಿಗ ಅಲಿಸನ್ ಮಿಚೆಲ್ ಮಾತನಾಡಿ, ಆಕಾಶ್ ದೀಪ್ ಅವರ ಎಸೆತ ಕ್ರೀಸ್‌ನಿಂದ ಅಗಲವಾಗಿದೆ ಎಂದು ಹೇಳಿದ್ದೇವೆ. ಬ್ಯಾಕ್ ಕ್ರೀಸ್‌ನಲ್ಲಿರುವ ಅವರ ಕಾಲು ಹೊರ ಬಂದಿದೆ. ಸುಮಾರು ಎರಡು ಇಂಚುಗಳಷ್ಟು ಕಾಣುತ್ತದೆ. ಬಹುಶಃ ಸ್ವಲ್ಪ ಹೆಚ್ಚಾಗಿಯೇ ಇದೆ. ಲೈನ್‌ನೊಳಗೆ ಇಳಿಯಬೇಕಾದ ಅವರ ಬ್ಯಾಕ್‌ಫೂಟ್, ಲೈನ್‌ನಿಂದ ಸುಮಾರು ಎರಡು ಇಂಚುಗಳಷ್ಟು ಮುಂದೆ ಇದೆ ಮತ್ತು ಮೇಲಕ್ಕೆ ಎತ್ತಿಲ್ಲ ಎಂದರು.

ಇದೇ ವೇಳೆ ಸಬಾ ಕರೀಮ್, ಔಟ್‌ನ ತಾಂತ್ರಿಕ ಅಂಶವನ್ನು ಚರ್ಚಿಸಲು ನಿರ್ಧರಿಸಿದರು. ಆಕಾಶ್ ದೀಪ್ ವಿಕೆಟ್​ನಿಂದ ವಂಚಿತನಾದೆ ಎಂದು ಹೇಳುತ್ತಿದ್ದರು. ಏಕೆಂದರೆ, ಅದು ಭಾರತೀಯ ವಿಕೆಟ್​ನಂತಿತ್ತು. ಆದರೆ, ಇಲ್ಲಿ ಅವರು ಜೋ ರೂಟ್ ಅವರನ್ನು ವಂಚಿಸಿದ್ದಾರೆ. ನೀವು ಚೆಂಡನ್ನು ಕ್ರೀಸ್​ನ ಅಗಲದಿಂದ ಒಳಗೆ ಹಾಕುವಾಗ, ಬ್ಯಾಟ್ಸ್​ಮನ್ ಆ ಕೋನದಿಂದ ಮಾತ್ರ ಚೆಂಡು ಬರುತ್ತದೆ ಎಂದು ಭಾವಿಸುತ್ತಾರೆ. ಪಿಚ್ ಮಾಡಿದ ನಂತರ ಚೆಂಡು ನೇರವಾದರೆ, ಬ್ಯಾಟ್ಸ್​ಮನ್ ಏನು ಮಾಡಬಹುದು? ನೀವು ಉತ್ತಮ ಬ್ಯಾಟ್ಸ್​ಮನ್​ಗೆ ಅಂತಹ ಚೆಂಡನ್ನು ಬೌಲ್ ಮಾಡಿದರೆ, ಅದು ಖಂಡಿತವಾಗಿಯೂ ಆಡಲಾಗದ ಎಸೆತವಾಗಿತ್ತು. ಜೋ ರೂಟ್ ಮಾತ್ರವಲ್ಲ, ಶೇ. 99.9 ರಷ್ಟು ಬ್ಯಾಟ್ಸ್​ಮನ್​ಗಳು ಆನ್ ಸೈಡ್ ಕಡೆಗೆ ಹಾಗೆ ಆಡುತ್ತಿದ್ದರು. ಜೋ ರೂಟ್ ಕೂಡ ಅದನ್ನು ಪ್ರಯತ್ನಿಸಿದರು ಮತ್ತು ಆಕಾಶ್ ದೀಪ್ ಅಕ್ಷರಶಃ ಜೋ ರೂಟ್​ಗೆ ಓಪನ್ ಮಾಡಿದರು ಎಂದು ಸೋನಿ ಸ್ಪೋರ್ಟ್ಸ್​ನಲ್ಲಿ ಹೇಳಿದರು.

MCC ಕಾನೂನು 21.5.1 ಏನು ಹೇಳುತ್ತದೆ?

ಪಾದಗಳಿಗೆ ಸಂಬಂಧಿಸಿದಂತೆ ಎಸೆತವು ನ್ಯಾಯಯುತವಾಗಿರಬೇಕಾದರೆ, ಎಸೆತದ ಸ್ಟ್ರೈಡ್‌ನಲ್ಲಿ (21.5.1) ಬೌಲರ್‌ನ ಹಿಂದಿನ ಪಾದವು ಒಳಗೆ ಇಳಿಯಬೇಕು ಮತ್ತು ಅವನು/ಅವಳ ನಿರ್ದಿಷ್ಟಪಡಿಸಿದ ಎಸೆತ ವಿಧಾನಕ್ಕೆ ಅನುಗುಣವಾಗಿ ರಿಟರ್ನ್ ಕ್ರೀಸ್ ಅನ್ನು ಮುಟ್ಟಬಾರದು. (21.5.2) ಬೌಲರ್‌ನ ಮುಂಭಾಗದ ಪಾದದ ಕೆಲವು ಭಾಗ ನೆಲಕ್ಕೆ ಬಿದ್ದಿರಲಿ ಅಥವಾ ಮೇಲಕ್ಕೆತ್ತಿರಲಿ - 21.5.1 ರಲ್ಲಿ ವಿವರಿಸಿದ ರಿಟರ್ನ್ ಕ್ರೀಸ್‌ನಂತೆಯೇ ಎರಡು ಮಧ್ಯದ ಸ್ಟಂಪ್‌ಗಳನ್ನು ಸೇರುವ ಕಾಲ್ಪನಿಕ ರೇಖೆಯ ಒಂದೇ ಬದಿಯಲ್ಲಿ ಮತ್ತು ಪಾಪಿಂಗ್ ಕ್ರೀಸ್‌ನ ಹಿಂದೆ ಇಳಿಯಬೇಕು. (ಏಜೆನ್ಸೀಸ್​)

https://www.vijayavani.net/akash-deep-father-and-brother-suddenly-died-no-money-then-chance-came-in-akash-deeps-life

https://www.vijayavani.net/virat-kohli-gill-you-are-super-virat-kohli-showered-praise-on-indias-massive-victory