ಕೊಚ್ಚಿ: ಒಲಿಂಪಿಯನ್ ಅಂಜು ಬಾಬಿ ಜಾರ್ಜ್, ಭಾರತ ಕಂಡ ಅತ್ಯುತ್ತಮ ಅಥ್ಲೀಟ್ಗಳಲ್ಲಿ ಒಬ್ಬರು. 2003ರಲ್ಲಿ ಪ್ಯಾರಿಸ್ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕ ಜಯಿಸುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದ್ದರು. ಈ ಕುರಿತು ಸೋಮವಾರ ಪ್ರತಿಕ್ರಿಯಿಸಿರುವ ಅಂಜು ಬಾಬಿ ಜಾರ್ಜ್, ಅಂಥ ಸಾಧನೆ ಮಾಡುವಾಗಲೂ ಕೇವಲ ಒಂದು ಕಿಡ್ನಿ ಹೊಂದಿದ್ದೆ ಎಂದು ಬಹಿರಂಗ ಪಡಿಸಿದ್ದಾರೆ. ಈ ವೇಳೆ ಸಾಕಷ್ಟು ನೋವು ತಿಂದೆ, ನೋವನ್ನು ಕಡಿಮೆ ಮಾಡುವ ಔಷಧಿ ಸೇವಿಸಿಯೇ ಈ ಸಾಧನೆ ಮಾಡಿದೆ ಎಂದು ಹೇಳಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಲಾಂಗ್ಜಂಪ್ ಪಟು ಅಂಜು ಬಾಬಿ ಜಾರ್ಜ್, ನಂಬಿದರೆ ನಂಬಿ, ಏಕೈಕ ಕಿಡ್ನಿಯಲ್ಲಿಯೇ ವಿಶ್ವದ ದೊಡ್ಡ ಕೂಟದಲ್ಲಿ ಪದಕ ಜಯಿಸಿದೆ. ಇದು ಕೋಚ್ ಮಾಡಿದ ಮ್ಯಾಜಿಕ್ ಅನ್ನಬೇಕೊ ಗೊತ್ತಿಲ್ಲ ಎಂದು ಹೇಳಿಕೊಂಡಿದ್ದಾರೆ.
