2024ರ IPL ವೇಳಾಪಟ್ಟಿಯಲ್ಲಿ ಮಹತ್ವದ ಬದಲಾವಣೆ; ಒಂದು ತಿಂಗಳ ಮುಂಚೆಯೇ ಆರಂಭವಾಗಲಿದೆ ಟೂರ್ನಿ

ಮುಂಬೈ: ಮುಂದಿನ ವರ್ಷ ನಡೆಯುವ ಇಂಡಿಯನ್​ ಪ್ರೀಮಿಯರ್​ ಲೀಗ್​ 17ನೇ ಆವೃತ್ತಿಯ ವೇಳಾಪಟ್ಟಿಯಲ್ಲಿ ಮಹತ್ವದ ಬದಲಾವಣೆಗಳಾಗುವ ಸಾಧ್ಯತೆ ದಟ್ಟವಾಗಿದೆ.

2024ರಲ್ಲಿ ಭಾರತದಲ್ಲಿ ಸಾರ್ವತ್ರಿ ಚುನಾವಣೆ ನಡೆಯಲಿದ್ದು, ಐಪಿಎಲ್​ ಮುಗಿದ ಬಳಿಕ ಜೂನ್​ 4ರಿಂದ ಟಿ-20 ವಿಶ್ವಕಪ್​ ಆರಂಭವಾಗಲಿದ್ದು, ಇದಕ್ಕೂ ಮುನ್ನ ಟೂರ್ನಮೆಂಟ್​ ಮುಗಿಸುವ ಜವಾಬ್ದಾರಿ ಬಿಸಿಸಿಐ ಮುಂದಿದೆ.

ಹೀಗಾಗಿ 2024ರ ಮಾರ್ಚ್​ ಮೊದಲ ಮೊದಲ ಅಥವಾ ಎರಡನೇ ವಾರದಲ್ಲಿ ಐಪಿಎಲ್​ ಶುರುವಾಗುವ ಸಾಧ್ಯತೆಗಳು ದಟ್ಟವಾಗಿದ್ದು, ಮೇ ಆರಂಭಿಕ ವಾರಗಳಲ್ಲಿ ಟೂರ್ನಮೆಂಟ್​ ಮುಗಿಸುವ ಸವಾಲು ಬಿಸಿಸಿಐ ಮುಂದಿದೆ. ಸುದ್ದಿ ಮೂಲಗಳ ಪ್ರಕಾರ ಟೂರ್ನಿಯು ಮಾರ್ಚ್​ 12ರಂದು ಶುರುವಾಗಿ ಮೇ 12ರಂದು ಅಂತ್ಯಗೊಳ್ಳಲಿದೆ ಎಂದು ಹೇಳಲಾಗಿದೆ.

ವಿದೇಶದಲ್ಲಿ ಆಯೋಜಿಸಲು ಪ್ಲ್ಯಾನ್​

2024ರಲ್ಲಿ ಭಾರತದಲ್ಲಿ ಸಾರ್ವತ್ರಿಕ ಚುನಾವಣೆ ನಡೆಯಲಿದ್ದು, ಈ ನಿಟ್ಟಿನಲ್ಲಿ ಬಿಸಿಸಿಐ ಟೂರ್ನಿಯನ್ನು ವಿದೇಶದಲ್ಲಿ ಆಯೋಜಿಸಲು ಚಿಂತನೆ ನಡೆಸಿದೆ. ಈ ಹಿಂದೆ 2009(ದಕ್ಷಿಣ ಆಫ್ರಿಕಾ), 2014(UAE)ನಲ್ಲಿ ಪಂದ್ಯಗಳನ್ನು ಆಡಿಸಲಾಗಿತ್ತು. ಒಂದು ವೇಳೆ ಐಪಿಎಲ್​ ಸಮಯದಲ್ಲೇ ಚುನಾವಣೆ ದಿನಾಂಕ ಘೋಷಣೆಯಾದಲ್ಲಿ ವಿದೇಶದಲ್ಲಿ ಟೂರ್ನಿ ನಡೆಯುವುದು ಖಚಿತ ಎನ್ನಬಹುದು.

ಇದನ್ನೂ ಓದಿ: ಕಾವ್ಯಾ ಮಾರನ್​ನನ್ನು ಹಾಗೆ ನೋಡಿ ನನಗೆ ಬೇಸರವಾಯಿತು; ಸೂಪರ್​ಸ್ಟಾರ್​ ರಜನಿ ಹೀಗೆ ಹೇಳಿದ್ಯಾಕೆ

ವೆಸ್ಟ್​ ಇಂಡೀಸ್​ ಹಾಗೂ ಯೆಸ್​ಎ ಆತಿಥ್ಯದಲ್ಲಿ ನಡೆಯುವ 2024ರ ಟಿ-20 ವಿಶ್ವಕಪ್​ ಹಿನ್ನಲೆಯಲ್ಲಿ ಐಪಿಎಲ್​ಅನನ್ಉ ಕಡಿಮೆ ಅವಧಿಯಲ್ಲಿ ಮುಗಿಸಬೇಕಾದ ಅನಿವಾರ್ಯತೆ ಬಿಸಿಸಿಐ ಮುಂದಿದೆ. ಬಹುತೇಕ ರಾಷ್ಟ್ರೀಯ ತಂಡಗಳ ಆಟಗಾರರು ಟಿ20 ವಿಶ್ವಕಪ್​ ಆರಂಭಕ್ಕೆ ಒಂದೆರೆಡು ವಾರ ಮುಂಚಿತವಾಗಿ ತಮ್ಮ ದೇಶಗಳಿಗೆ ಹಿಂತಿರುಗಲಿದ್ದಾರೆ.

ಹೀಗಾಗಿ ಸ್ಟಾರ್ ಆಟಗಾರರು ಅರ್ಧದಲ್ಲೇ ಐಪಿಎಲ್ ತೊರೆಯುವುದನ್ನು ತಡೆಯಲು ಬಿಸಿಸಿಐ ಯೋಜನೆ ರೂಪಿಸಿದ್ದು, ಡಬಲ್​ ಹೆಡರ್​ ಪಂದ್ಯಗಳನ್ನು ಹೆಚ್ಚಾಗಿ ಆಯೋಜಿಸಿ ಐಫಿಎಲ್​ಅನ್ನು ಬೇಗನೆ ಮುಗಿಸುವ ಲೆಕ್ಕಾಚಾರದಲ್ಲಿದೆ.

https://www.vijayavani.net/lakshman-savadi-slams-bjp-over-not-appointing-opposition-leader

https://www.vijayavani.net/cm-to-build-new-house-in-mysore