ಭಾರತ ತಂಡ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ನ್ಯೂಜಿಲೆಂಡ್ ವಿರುದ್ಧ 25 ವರ್ಷಗಳ ಹಿಂದಿನ ಲೆಕ್ಕ ಚುಕ್ತಾ ಮಾಡುವ ಅವಕಾಶ ಹೊಂದಿದೆ. 2000ದ 2ನೇ ಆವೃತ್ತಿಯ ಚಾಂಪಿಯನ್ಸ್ ಟ್ರೋಫಿ (ಆಗ ಐಸಿಸಿ ನಾಕೌಟ್ ಕಪ್) ಫೈನಲ್ನಲ್ಲಿ ಭಾರತ ತಂಡ ಕಿವೀಸ್ ಎದುರು 4 ವಿಕೆಟ್ಗಳಿಂದ ಸೋತಿತ್ತು. ಆಗಿನ ನಾಯಕ ಸೌರವ್ ಗಂಗೂಲಿ (117) ಶತಕದ ಬಲದಿಂದ ಭಾರತ 6 ವಿಕೆಟ್ಗೆ 264 ರನ್ ಪೇರಿಸಿದ್ದರೆ, ಕ್ರಿಸ್ ಕೇರ್ನ್ಸ್ (102*) ಶತಕದ ನೆರವಿನಿಂದ ಕಿವೀಸ್ 49.4 ಓವರ್ಗಳಲ್ಲಿ 6 ವಿಕೆಟ್ಗೆ 265 ರನ್ ಗಳಿಸಿ ಜಯಿಸಿತ್ತು. ನಂತರ 2021ರಲ್ಲಿ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪಂದ್ಯದಲ್ಲೂ ಭಾರತ ತಂಡ ನ್ಯೂಜಿಲೆಂಡ್ ಎದುರು ಸೋತಿತ್ತು. ಕಿವೀಸ್ ಗೆದ್ದಿರುವ 2 ಐಸಿಸಿ ಟೂರ್ನಿಗಳಲ್ಲೂ ಭಾರತ ವಿರುದ್ಧವೇ ಫೈನಲ್ನಲ್ಲಿ ಜಯಿಸಿದೆ. ಹೀಗಾಗಿ ರೋಹಿತ್ ಶರ್ಮ ಪಡೆ ಈ ಬಾರಿ ಅವೆರಡೂ ಫೈನಲ್ಗಳಿಗೆ ಸೇಡು ತೀರಿಸಬೇಕಿದೆ. 2023ರ ಏಕದಿನ ವಿಶ್ವಕಪ್ ಸೆಮೀಸ್ ಮತ್ತು ಹಾಲಿ ಟೂರ್ನಿಯ ಲೀಗ್ ಹಂತದಲ್ಲಿ ಕಿವೀಸ್ ತಂಡವನ್ನು ಮಣಿಸಿದ ವಿಶ್ವಾಸವೂ ಭಾರತಕ್ಕಿದೆ.
