ನವದೆಹಲಿ: ರಾಷ್ಟ್ರೀಯ ಮಹಿಳಾ ತಂಡದ ಬೆಂಚ್ ಸ್ಟ್ರೆಂತ್ ಸುಧಾರಿಸುವ ದೃಷ್ಟಿಯಿಂದ 6 ತಂಡಗಳ ಮಹಿಳಾ ಐಪಿಎಲ್ ಆಯೋಜಿಸಬೇಕು ಎಂದು ಸ್ಟಾರ್ ಆಟಗಾರ್ತಿ ಸ್ಮತಿ ಮಂದನಾ ಅಭಿಪ್ರಾಯ ಪಟ್ಟಿದ್ದಾರೆ. 25 ವರ್ಷದ ಸ್ಮತಿ ಮಂದನಾ, ಐಪಿಎಲ್ ಆರಂಭಗೊಂಡ ಬಳಿಕ ದೇಶೀಯ ಕ್ರಿಕೆಟ್‌ನಲ್ಲಿ ಪುರುಷರ ಕ್ರಿಕೆಟ್ ಸಾಕಷ್ಟು ಅಭಿವೃದ್ಧಿ ಹೊಂದಿತು. ಅದೇ ಮಾದರಿಯಲ್ಲಿ ಮಹಿಳಾ ಕ್ರಿಕೆಟ್ ಕೂಡ ಬೆಳೆಯಬೇಕಿದೆ ಎಂದರು. ಒಂದೇ ರಾಜ್ಯದಲ್ಲಿ ಪುರುಷರ ಹಾಗೂ ಮಹಿಳಾ ಎರಡೂ ತಂಡಗಳಿವೆ. ಪುರುಷರ ಐಪಿಎಲ್ ಆರಂಭಗೊಂಡಾಗಲೂ ಅದೇ ಸಂಖ್ಯೆಯಲ್ಲಿ ಈ ಎರಡು ತಂಡಗಳಿದ್ದವು. ಆದರೆ, ವರ್ಷ ಕಳೆದಂತೆ ಐಪಿಎಲ್‌ನಿಂದ ಉತ್ತೇಜನಗೊಂಡು ಪುರುಷರ ಕ್ರಿಕೆಟ್ ಉತ್ತಮ ಗುಣಮಟ್ಟದತ್ತ ಸಾಗುತ್ತಿದೆ ಎಂದು ಆರ್.ಅಶ್ವಿನ್ ಜತೆಗಿನ ಯೂಟೂಬ್ ಚಾನೆಲ್ ಸಂದರ್ಶನದಲ್ಲಿ ಮಂದನಾ ಹೇಳಿಕೊಂಡಿದ್ದಾರೆ.
