ಕಿರಿಯರ ವಿಶ್ವ ಅಥ್ಲೆಟಿಕ್ಸ್​ಗೆ ಪಾವನಾ, ಉನ್ನತಿ ಸಹಿತ ಕರ್ನಾಟಕದ 6 ಅಥ್ಲೀಟ್​ಗಳು ಆಯ್ಕೆ

ಬೆಂಗಳೂರು: ಆಗಸ್ಟ್​ 27ರಿಂದ 31ರವರೆಗೆ ಪೆರು ರಾಜಧಾನಿ ಲಿಮಾದಲ್ಲಿ ನಡೆಯಲಿರುವ 20 ವಯೋಮಿತಿ ವಿಶ್ವ ಅಥ್ಲೆಟಿಕ್ಸ್​ ಚಾಂಪಿಯನ್​ಷಿಪ್​ಗೆ 43 ಅಥ್ಲೀಟ್​ಗಳ ಭಾರತ ತಂಡವನ್ನು ಶನಿವಾರ ಪ್ರಕಟಿಸಲಾಗಿದೆ. ಈ ಪೈಕಿ ಕರ್ನಾಟಕದ ಆರು ಉದಯೋನ್ಮುಖ ಅಥ್ಲೀಟ್​ಗಳು ಸ್ಥಾನ ಸಂಪಾದಿಸಿದ್ದಾರೆ.

ಅವರೆಂದರೆ ಉನ್ನತಿ ಅಯ್ಯಪ್ಪ (ಮಹಿಳೆಯರ 200 ಮೀ. ಓಟ, 100 ಮೀ. ಹರ್ಡಲ್ಸ್​), ಪಾವನಾ ನಾಗರಾಜ್​ (ಲಾಂಗ್​ಜಂಪ್​), ಶ್ರೀಯಾ ರಾಜೇಶ್​ (400 ಮೀ. ಹರ್ಡಲ್ಸ್​), ಸುಧೀಾ ವಲ್ದುರಿ, ನಿಯೋಲ್​ ಆನ್ನಾ ಕೋರ್ನೆಲಿಯಾ (4/100 ಮೀ. ರಿಲೇ) ಮತ್ತು ರಿಹಾನ್​ ಚೌಧರಿ (4/400 ಮೀ. ರಿಲೇ). ಕ್ರೀಡಾಕೂಟದಲ್ಲಿ 134 ದೇಶಗಳಿಂದ 1,700ಕ್ಕೂ ಅಧಿಕ ಅಥ್ಲೀಟ್​ಗಳು ಭಾಗವಹಿಸಲಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಭಾರತ 2 ಬೆಳ್ಳಿ, 1 ಕಂಚಿನೊಂದಿಗೆ ಪದಕಪಟ್ಟಿಯಲ್ಲಿ 25ನೇ ಸ್ಥಾನ ಗಳಿಸಿತ್ತು.

https://www.vijayavani.net/first-win-for-mangalore-dragons-in-maharaja-trophy