ಈ 3 ತಂಡಕ್ಕೆ ಬೇಕಿದೆ ಮಿಚೆಲ್​ ಸ್ಟಾರ್ಕ್​ ಬೌಲಿಂಗ್​! ಆಕ್ಷನ್​ನಲ್ಲಿ ಯಾವ ಪ್ರಾಂಚೈಸಿ ಸೇರ್ತಾರೆ ಆಸ್ಟ್ರೇಲಿಯಾ ವೇಗಿ? | IPL 2025 Auction

ನವದೆಹಲಿ: ಇದೇ ನವೆಂಬರ್​ 24-25ರಂದು ಐಪಿಎಲ್​ ಹರಾಜು ಪ್ರಕ್ರಿಯೆ (IPL 2025 Auction) ನಡೆಯಬಹುದು ಎಂಬ ವರದಿಗಳು ಈಗಾಗಲೇ ಜಾಲತಾಣಗಳಲ್ಲಿ ಸದ್ದು ಮಾಡಲು ಆರಂಭಿಸಿವೆ. ಈ ಮಧ್ಯೆ ಇತ್ತೀಚೆಗಷ್ಟೇ ರಿಟೆನ್ಶನ್ ಪ್ರಕ್ರಿಯೆ ಮುಕ್ತಾಯಗೊಂಡಿದ್ದು, ಸ್ಟಾರ್​ ಪ್ಲೇಯರ್​ಗಳಾದ ಶ್ರೇಯಸ್​ ಅಯ್ಯರ್​, ಫಾಫ್​ ಡು ಪ್ಲೆಸಿಸ್​, ಕೆ.ಎಲ್.ರಾಹುಲ್​, ರಿಷಭ್ ಪಂತ್​ ಮತ್ತು ಶಿಖರ್​ ಧವನ್​ ಆಕ್ಷನ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ವಿಶೇಷ ಎಂದರೆ ಈ ಐವರು ಕೂಡ ಆಯಾ ಫ್ರಾಂಚೈಸಿಯ ಕ್ಯಾಪ್ಟನ್​ ಆಗಿ ತಂಡವನ್ನು ಮುನ್ನಡೆಸಿದವರು. ಆದರೂ ಸಹ ಇವರನ್ನೇ ತಂಡದಿಂದ ಕೈಬಿಟ್ಟಿರುವುದು ಇದೀಗ ದೊಡ್ಡ ಆಶ್ಚರ್ಯಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ನ.7ರಂದು ನಗರದಲ್ಲಿ ಸಪ್ನ ಬುಕ್ ಹೌಸ್‌ನ ನೂತನ ಶಾಖೆ ಉದ್ಘಾಟನೆ

ಇನ್ನು ಕಳೆದ ಸೀಸನ್​ ಕೋಲ್ಕತ ನೈಟ್​ ರೈಡರ್ಸ್​ ತಂಡವನ್ನು ಚಾಂಪಿಯನ್ಸ್​ ಪಟ್ಟಕೇರಿಸಿದ್ದ ಕ್ಯಾಪ್ಟನ್​ ಶ್ರೇಯಸ್​ ಅಯ್ಯರ್​ ಅವರನ್ನು ರಿಟೈನ್ ಮಾಡಿಕೊಳ್ಳದ ಫ್ರಾಂಚೈಸಿ, ಆಸ್ಟ್ರೇಲಿಯಾದ ಸ್ಟಾರ್​ ವೇಗಿ ಮಿಚೆಲ್ ಸ್ಟಾರ್ಕ್​ರನ್ನು ಸಹ ಉಳಿಸಿಕೊಳ್ಳದೆ ಕೈಬಿಟ್ಟಿದೆ. ಶಾರೂಖ್ ಖಾನ್ ಮಾಲೀಕತ್ವದ ಕೆಕೆಆರ್ ಫ್ರಾಂಚೈಸಿ ಪರ ಬ್ಯಾಟ್​ ಹಾಗೂ ಬೌಲಿಂಗ್​ನಲ್ಲಿ ಅದ್ಭುತ ಪ್ರದರ್ಶನ ತೋರಿದ್ದ ಈ ಇಬ್ಬರು ಸ್ಟಾರ್ ಆಟಗಾರರನ್ನು ಉಳಿಸಿಕೊಳ್ಳಲು ಮ್ಯಾನೇಜ್​ಮೆಂಟ್​ ಆಸಕ್ತಿ ತೋರದಿರಲು ಕಾರಣವೇನು ಎಂಬ ಹಲವಾರು ಪ್ರಶ್ನೆಗಳನ್ನು ಕ್ರಿಕೆಟ್ ಪ್ರಿಯರು ಜಾಲತಾಣಗಳ ಮುಖೇನ ಕೇಳಿದ್ದರು. ಆದರೆ, ಇದ್ಯಾವುದಕ್ಕೂ ನಿರೀಕ್ಷಿಸಿದ ಉತ್ತರ ಸಿಗಲಿಲ್ಲ.

ಮಿಚೆಲ್​ ಸ್ಟಾರ್ಕ್​ ಸಾಮರ್ಥ್ಯ

ಈ ಹಿಂದೆ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಫ್ರಾಂಚೈಸಿಗೆ ಆಡಿದ್ದ ಮಿಚೆಲ್​ ಸ್ಟಾರ್ಕ್​, ತಂಡದ ಪರ ಉತ್ತಮ ಬೌಲಿಂಗ್ ಪ್ರದರ್ಶನ ತೋರಿದ್ದರು. ಉತ್ತಮ ಆಟದ ಜತೆಗೆ ಮೈದಾನದಲ್ಲಿ ಎದುರಾಳಿ ತಂಡದವರೊಂದಿಗೆ ಕಿರಿಕ್ ಕೂಡ ಮಾಡಿಕೊಂಡಿದ್ದರು ಮಿಚೆಲ್​. ಇದು ಅಂದು ದೊಡ್ಡ ಮಟ್ಟದ ಸುದ್ದಿಯಾಗಿತ್ತು. ಅಸಲಿಗೆ ಸ್ಟಾರ್ಕ್​, ಹೊಸ ಚೆಂಡನ್ನು ಸ್ವಿಂಗ್ ಮಾಡುವ ಹಾಗೂ ಡೆತ್ ಓವರ್‌ಗಳಲ್ಲಿ ಯಾರ್ಕರ್‌ಗಳನ್ನು ಎಸೆಯುವ ಸಾಮರ್ಥ್ಯವನ್ನು ಒಳಗೊಂಡಿದ್ದಾರೆ. ಇದು ಯಾವುದೇ ತಂಡಕ್ಕಾಗಲಿ ಬಲ ತುಂಬುವುದರಲ್ಲಿ ಅನುಮಾನವಿಲ್ಲ. ಸದ್ಯ ಮಿಚೆಲ್​ ಅವರ ಬೌಲಿಂಗ್ ದಾಳಿ ಮೇಲೆ ಕಣ್ಣಿಟ್ಟಿರುವ ಆ ಮೂರು ಫ್ರಾಂಚೈಸಿಗಳು ಯಾವುದು? ಎಂಬುದರ ವಿವರ ಹೀಗಿದೆ ಗಮನಿಸಿ.

ಮಿಚೆಲ್​ ಸ್ಟಾರ್ಕ್​ ಖರೀದಿಗೆ 3 ಫ್ರಾಂಚೈಸಿಗಳ ಪೈಪೋಟಿ

• ಪಂಜಾಬ್ ಕಿಂಗ್ಸ್​
• ಲಖನೌ ಸೂಪರ್ ಜೈಂಟ್ಸ್​
• ಗುಜರಾತ್ ಟೈಟನ್ಸ್​

https://www.vijayavani.net/no-drop-of-water-in-well