ಹಿಂದಿನ ಎರಡು ಏಕದಿನ ಸರಣಿಗಳ ಫಲಿತಾಂಶ ಭಾರತಕ್ಕೆ ಸ್ಪೂರ್ತಿಯಾಗಿ ನಿಂತಿವೆ. ವೆಸ್ಟ್ ಇಂಡೀಸ್ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಮೊದಲ ಪಂದ್ಯದಲ್ಲಿ ಸೋಲು ಕಂಡರೂ, ನಂತರದ ಎರಡೂ ಮುಖಾಮುಖಿಯನ್ನು ಗೆಲ್ಲುವ ಮೂಲಕ 2-1 ಅಂತರದಿಂದ ಸರಣಿ ಜಯ ಸಾಧಿಸಿತ್ತು. ಆದರೆ, ಭಾರತಕ್ಕೆ ಕಳವಳ ತಂದಿರುವ ಅಂಶ ಬೌಲಿಂಗ್ ಮತ್ತು ಫೀಲ್ಡಿಂಗ್ ವಿಭಾಗದ ನಿರ್ವಹಣೆ. ಇತ್ತೀಚಿನ ಪಂದ್ಯ ಗಳಲ್ಲಿ ಬೌಲಿಂಗ್ ವಿಭಾಗ ಏರಿಳಿತದ ಪ್ರದರ್ಶನ ನೀಡಿದೆ. ನಾಯಕ ವಿರಾಟ್ ಕೊಹ್ಲಿ, ವಿಕೆಟ್ ಉರುಳಿಸಲು ಜಸ್ಪ್ರೀತ್ ಬುಮ್ರಾರನ್ನೇ ಅತಿಯಾಗಿ ಅವಲಂಬಿಸಿರುವುದು ತಂಡದ ಮೇಲೆ ಪರಿಣಾಮ ಬೀರಿದೆ. ನ್ಯೂಜಿಲೆಂಡ್ ತಂಡ ಮೊದಲ ಪಂದ್ಯದಲ್ಲಿ ಗೆಲುವು ದಾಖಲಿಸಿದ್ದರೂ, ತಂಡದ ನಿರ್ವಹಣೆಯ ಮಟ್ಟದಲ್ಲಿ ಇನ್ನಷ್ಟು ಪ್ರಗತಿ ಕಾಣಬೇಕಿದೆ. ಹ್ಯಾಮಿಲ್ಟನ್ ಏಕದಿನದಲ್ಲೂ ಕೊನೇ ಮೂರು ವಿಕೆಟ್ಗಳನ್ನು 22 ರನ್ ಅಂತರದಲ್ಲಿ ಕಳೆದುಕೊಂಡರೂ, ಇನ್ನೊಂದು ತುದಿಯಲ್ಲಿ ರಾಸ್ ಟೇಲರ್ ಇದ್ದ ಕಾರಣ ಜಯದ ದಡ ಸೇರಿತ್ತು. -ಪಿಟಿಐ/ಏಜೆನ್ಸೀಸ್
