ಉದಾಹರಣೆಗೆ, ಕೆಲವರಿಗೆ ತಮ್ಮ ಮೇಲೆಯೇ ಅನುಮಾನ ಇರುತ್ತದೆ. ನಾನು ಅವನಷ್ಟು ಬುದ್ಧಿವಂತ ಅಲ್ಲ, ಅವಳಷ್ಟು ಸುಂದರ ಇಲ್ಲ, ನಾನು ದಪ್ಪ, ನಾನು ದಡ್ಡ, ನಾನು ಸೋಡಾಬುಡ್ಡಿ ... ಹೀಗೆ ನಮ್ಮ ಬಗ್ಗೆಯೇ ನಮಗೆ ನಕಾರಾತ್ಮಕ ಯೋಚನೆಗಳು ಇರುತ್ತವೆ. ಕೆಲವರಿಗೆ ಇನ್ನೊಬ್ಬರ ಬಗ್ಗೆ ಕೆಟ್ಟದಾಗಿ ಯೋಚನೆ ಮಾಡುವ ಚಾಳಿ ಇರುತ್ತದೆ. ಅವನಿಗೆ ಆ ಬಿಜಿನೆಸ್ ಡೀಲ್ ಸಿಗಬಾರದು, ಅವಳು ಬೆಳೆಯೋದನ್ನ ತಡೀಬೇಕು, ಅವನಿಗೆ ಆಸ್ತಿಯಲ್ಲಿ ಸಿಗಬೇಕಾದ ಪಾಲು ಸಿಗುವುದಕ್ಕೆ ಬಿಡಬಾರದು ... ಹೀಗೆ ಹಲವು ಪ್ರಾಣಿಗಳ ಕಿರುಚಾಟ, ಕೂಗಾಟ ನಮ್ಮ ತಲೆಯಲ್ಲಿ ಕೇಳಿಸುತ್ತಲೇ ಇರುತ್ತದೆ. ಇದು ಪ್ರತಿಯೊಬ್ಬರಲ್ಲೂ ಸಹಜ. ಆದರೆ, ಅದನ್ನ ನಾವು ಹೇಗೆ ಹ್ಯಾಂಡಲ್ ಮಾಡುತ್ತೇವೆ ಎನ್ನುವುದು ಮುಖ್ಯ. ಪ್ರಮುಖವಾಗಿ ನಾನು ಗಮನಿಸಿರುವಂತೆ ಇಂದಿನ ಸೋಷಿಯಲ್ ಮೀಡಿಯಾದಿಂದ ಯುವಜನತೆಯಲ್ಲಿ ಈ ನಕಾರಾತ್ಮಕ ಯೋಚನೆಗಳು ಹೆಚ್ಚುತ್ತಿವೆ. ಅದರಿಂದ ಹೊರಬಂದು, ಸಕಾರಾತ್ಮಕವಾಗಿ ಯೋಚಿಸದಿದ್ದರೆ, ನಾವು ಬೆಳೆಯುವುದು, ಜೀವನದಲ್ಲಿ ಮುಂದೆ ಬರುವುದು ಬಹಳ ಕಷ್ಟ.
