ಹಳೇ ಸ್ಕೂಟರ್​ನಲ್ಲಿ ದೇಶ ಸುತ್ತಿದ ತಾಯಿ-ಮಗನಿಂದ ಕುಕ್ಕೆಯಲ್ಲಿ ವಿಶೇಷ ಪೂಜೆ

ಸುಬ್ರಹ್ಮಣ್ಯ(ದ.ಕ.): ಕೆಲವು ತಿಂಗಳ ಹಿಂದೆ ಕುಕ್ಕೆ ಸುಬ್ರಹ್ಮಣ್ಯದಿಂದ ಹಳೆಯ ಸ್ಕೂಟರಲ್ಲಿ ದೇಶ ಸುತ್ತಿದ ತಾಯಿ ಹಾಗೂ ಮಗ ಪಯಣ ಮುಗಿಸಿ ಮಂಗಳವಾರ ಮತ್ತೆ ದೇವಸ್ಥಾನಕ್ಕೆ ಆಗಮಿಸಿ ದೇವರಿಗೆ ಪ್ರಾರ್ಥನೆ ಸಲ್ಲಿಸಿದರು.

ಮೈಸೂರಿನ ಕೃಷ್ಣಕುಮಾರ್​(44) ತನ್ನ ತಾಯಿ ಚೂಡರತ್ನಮ್ಮ(72) ಜತೆ ಹಳೇ ಸ್ಕೂಟರ್​ನಲ್ಲಿ ದೇಶಾದ್ಯಂತ ಸಂಚರಿಸಿದ್ದರು. ತಾಯಿ ಜತೆ ಧಾರ್ಮಿಕ ಕ್ಷೇತ್ರಗಳ ಸುತ್ತಾಟ ಆರಂಭಿಸಿದ್ದ ಕೃಷ್ಣ ಕುಮಾರ್​, ಆಗಸ್ಟ್​ನಲ್ಲಿ ಕುಕ್ಕೆ ಸುಬ್ರಹ್ಮಣ್ಯದಿಂದ ತಮ್ಮ ಪಯಣ ಆರಂಭಿಸಿ ಧರ್ಮಸ್ಥಳ, ಪುತ್ತೂರು, ವಿಟ್ಲ ಬಳಿಕ ಕೇರಳ, ತಮಿಳುನಾಡು, ರಾಮೇಶ್ವರ, ಕನ್ಯಾಕುಮಾರಿ ಮೊದಲಾದ ಹಲವು ಕ್ಷೇತ್ರಗಳನ್ನು ಸಂದರ್ಶಿಸಿದ್ದರು. ಸುಮಾರು 63,449 ಕಿಲೋಮೀಟರ್​ ಸುತ್ತಾಡಿದ್ದಾರೆ.

2018ರಲ್ಲಿಯೂ ತಾಯಿ ಜತೆ ಮೈಸೂರಿನಿಂದ ಸ್ಕೂಟರ್​ನಲ್ಲಿ ಪ್ರವಾಸ ಆರಂಭಿಸಿದ್ದ ಇವರು ನೇಪಾಳ, ಭೂತಾನ್​, ಮ್ಯಾನ್ಮಾರ್​ ಸುತ್ತಿದ್ದರು. ಆ ಸಂದರ್ಭ ಕರೊನಾ ವ್ಯಾಪಿಸಿದ ಹಿನ್ನೆಲೆಯಲ್ಲಿ ಸುತ್ತಾಟ ಅರ್ಧದಲ್ಲೇ ಸ್ಥಗಿತಗೊಳಿಸಿದ್ದರು.

https://www.vijayavani.net/late-night-drama-at-jnu-over-screening-of-bbc-series-on-pm-modi/

https://www.vijayavani.net/hlaf-helmet-banned-in-bangalore/