ಅಮಿತಾಭ್​ಗೆ ಧ್ವನಿ ನೀಡುವುದಕ್ಕೆ ಎಸ್​​ಪಿಬಿಗೆ ಕೊನೆಯವರೆಗೂ ಸಾಧ್ಯವಾಗಲೇ ಇಲ್ಲ ...

ಭಾರತದ ಹಲವು ಭಾಷೆಗಳಲ್ಲಿ ಸುಮಾರು 50 ಸಾವಿರ ಹಾಡುಗಳನ್ನು ಹಾಡಿದ ಧೀಮಂತ ಗಾಯಕ ಡಾ. ಎಸ್​.ಪಿ. ಬಾಲಸುಬ್ರಹ್ಮಣ್ಯಂ ಅವರು ಸುಧೀರ್ಘ ಹೋರಾಟದ ನಂತರ ಇಂದು ಮಧ್ಯಾಹ್ನ ಕೊನೆಯುಸಿರೆಳೆದಿದ್ದಾರೆ. ಸಾವಿರಾರು ಹಾಡುಗಳಿಗೆ ತಮ್ಮ ಧ್ವನಿಯ ಮೂಲಕ ಜೀವ ನೀಡಿದ್ದ ಬಾಲಸುಬ್ರಹ್ಮಣ್ಯಂ ಅವರು ಇನ್ನಿಲ್ಲ ಎನ್ನುವುದು ಅರಗಿಸಿಕೊಳ್ಳುವುದಕ್ಕೆ ಸಾಧ್ಯವಾಗುತ್ತಿಲ್ಲ.

ಇದನ್ನೂ ಓದಿ: ಬೇಗ ಚೇತರಿಸಿಕೊಳ್ಳಿ ಸರ್​, ಇಂತಿ ನಿಮ್ಮ ದಿಲ್​ ದಿವಾನಾ ಹೀರೋ ಪ್ರೇಮ್​…

ಡಾ.ಎಸ್​.ಪಿ. ಬಾಲಸುಬ್ರಹ್ಮಣ್ಯಂ ಅವರು ಇದುವರೆಗೂ ಅನೇಕ ಹೀರೋಗಳಿಗೆ ಹಾಡಿದ್ದಾರೆ. ಮೂಲಗಳ ಪ್ರಕಾರ, ಎಸ್​ಪಿಬಿ ಅವರು ಇದುವರೆಗೂ 150ಕ್ಕೂ ಹೆಚ್ಚು ಹೀರೋಗಳಿಗೆ ಹಾಡಿದ್ದಾರಂತೆ. ಆದರೆ, ಭಾರತೀಯ ಚಿತ್ರರಂದ ಮೇರು ನಟ ಅಮಿತಾಭ್​ ಬಚ್ಚನ್​ ಅವರಿಗೆ ಮಾತ್​ ಬಾಲಸುಬ್ರಹ್ಮಣ್ಯಂ ಅವರು ಹಾಡಿರಲಿಲ್ಲ ಎಂಬ ವಿಷಯ ಅವರನ್ನು ಕೊನೆಯವರೆಗೂ ಕಾಡುತಿತ್ತು.

ಕೆಲವು ವರ್ಷಗಳ ಹಿಂದೆ ಸಂದರ್ಶನವೊಂದರಲ್ಲಿ ಮಾತನಾಡುವ ಸಂದರ್ಭದಲ್ಲಿ, ಎಸ್​ಪಿಬಿ ಅವರು ತಮ್ಮನ್ನು ಕೊರೆಯುತ್ತಿರುವ ಒಂದು ವಿಷಯವನ್ನು ಹೇಳಿಕೊಂಡಿದ್ದಾರೆ. 'ನಾನು ಇದುವರೆಗೂ ಹಲವು ನಟರಿಗೆ ಹಾಡಿದ್ದರೂ, ನಾನು ಅಮಿತಾಬ್ ಬಚ್ಚನ್ ಅವರಿಗೆ ಮಾತ್ರ ಹಾಡುವುದಕ್ಕೆ ಇದುವರೆಗೂ ಸಾಧ್ಯವಾಗಲಿಲ್ಲ. ಈ ಕೊರಗು ಇದ್ದೇ ಇದೆ' ಎಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಎಸ್​​.ಪಿ.ಬಾಲಸುಬ್ರಹ್ಮಣ್ಯಂಗೆ ತೀವ್ರ ಅನಾರೋಗ್ಯ; ಆಸ್ಪತ್ರೆಗೆ ದೌಡಾಯಿಸಿದ ನಟ ಕಮಲ್​ ಹಾಸನ್​..

ಇಷ್ಟಕ್ಕೂ ಅಮಿತಾಭ್​ ಅವರಿಗೆ ಹಾಡುವುದಕ್ಕೆ ಯಾಕೆ ಸಾಧ್ಯವಾಗಲಿಲ್ಲ? ಎಂಬ ಪ್ರಶ್ನೆ ಎದುರಾಗುವುದು ಸಹಜ. ಇದಕ್ಕೆ ನಿರ್ಧಿಷ್ಟವಾದ ಕಾರಣಗಳೇನಿಲ್ಲ. ಅಮಿತಾಭ್​ ಅವರು ಪೀಕ್​ನಲ್ಲಿದ್ದಾಗ ಅವರಿಗೆ ಕಿಶೋರ್​ ಕುಮಾರ್ ಹಾಡುತ್ತಿದ್ದರು. ನಂತರದ ವರ್ಷಗಳಲ್ಲಿ ಸುದೇಶ್​ ಭೋಂಸ್ಲೇ, ಅಮಿತ್​ ಕುಮಾರ್​, ಮೊಹಮ್ಮದ್​ ಅಜೀಜ್​ ಮುಂತಾದವರು ಹಾಡುತ್ತಿದ್ದರು. ಖುದ್ದು ಅಮಿತಾಭ್​ ಅವರೇ ತಮಗಾಗಿ ಹಾಡಿಕೊಂಡಿದ್ದಾರೆ. ಹಾಗಾಗಿ ಎಸ್​;ಪಿ. ಬಾಲಸುಬ್ರಹ್ಮಣ್ಯಂ ಅವರಿಗೆ ಕೊನೆಯವರೆಗೂ ಅಮಿತಾಭ್​ ಅವರಿಗೆ ಹಾಡುವುದಕ್ಕೆ ಸಾಧ್ಯವಾಗಲೇ ಇಲ್ಲ ಎನ್ನುವ ಕೊರಗು ಅವರಿಗೂ ಇತ್ತು.

https://www.vijayavani.net/singer-sp-balasubrahmanyam-passed-away/