ಸಂಸ್ಕೃತಿಯ ವೈವಿಧ್ಯಕ್ಕೆ ಸಿಂಗಾಪುರ ಪ್ರತಿಬಿಂಬವಾಗಿ ನಿಲ್ಲುತ್ತದೆ. ಚೀನಿ, ಮಲಾಯಿ, ಭಾರತೀಯ, ಮತ್ತು ಪಾಶ್ಚಾತ್ಯ ಸಂಸ್ಕೃತಿ ಇಲ್ಲಿ ಕಾಣಬಹುದು. ಅಪೂರ್ವ ತಾಣಗಳ ಜೊತೆಗೆ ಸಾಕಷ್ಟು ಐತಿಹಾಸಿಕ ಪ್ರದೇಶಗಳೂ ಇಲ್ಲಿವೆ. ವಿಶೇಷವೆಂದರೆ ಇಲ್ಲಿ ಆಯಾ ಸಂಸ್ಕೃತಿ ಕಾಣಸಿಗುವ ತಾಣಗಳಿವೆ. ಇಲ್ಲಿ ಸುಂದರವಾದಂತಹ ಅನೇಕ ಮ್ಯೂಸಿಯಂಗಳಿವೆ. ಅವುಗಳಲ್ಲಿ ಒಂದಾದ ಪೆರಾನಕನ್ ಮ್ಯೂಸಿಯಂನಲ್ಲಿ ಎಲ್ಲ ಧರ್ಮಗಳಿಗೂ ಸಂಬಂಧಪಟ್ಟ ವಸ್ತು, ವಿಚಾರ ಇತ್ಯಾದಿಗಳನ್ನು ಕಾಣಬಹುದಾಗಿದೆ. ಸಿಂಗಾಪುರದಲ್ಲಿ ಇಂಥದ್ದೇ ಪ್ರಧಾನ ಧರ್ಮ ಎಂಬುದು ಇಲ್ಲ. ಎಲ್ಲ ಧರ್ಮಗಳ ಜನರು ಇಲ್ಲಿದ್ದಾರೆ. ಅದಕ್ಕನುಗುಣವಾಗಿ ಎಲ್ಲ ಧರ್ವಚರಣೆಗಳನ್ನೂ ಕೈಗೊಳ್ಳುತ್ತಾರೆ. ಬೌದ್ಧ ಧರ್ಮೀಯರು ಹೆಚ್ಚಿನ ಸಂಖ್ಯೆಯಲ್ಲಿದ್ದು ಉಳಿದಂತೆ ಕ್ರೖೆಸ್ತರು, ಇಸ್ಲಾಂ, ಹಿಂದೂ ಹೀಗೆ ಅನೇಕ ಧರ್ಮದವರಿದ್ದಾರೆ. ಈ ಮ್ಯೂಸಿಯಂನ ವಿಶೇಷವೇನೆಂದರೆ ವಿವಿಧ ಧರ್ಮಗಳಿಗೆ ಸಂಬಂಧಪಟ್ಟ, ಕಲೆ, ಸಂಸ್ಕೃತಿ ಆಚಾರ-ವಿಚಾರ ಇತ್ಯಾದಿ ಸಂಗತಿಗಳೆಲ್ಲ ವಿವಿಧ ಕಾಲಘಟ್ಟದಲ್ಲಿ ಹೇಗೆ ಇತ್ತು, ಈಗ ಹೇಗಿದೆ ಎಂಬುದನ್ನು ಅನಾರವಣಗೊಳಿಸುತ್ತದೆ. ಮುಖ್ಯವಾಗಿ ಆಧುನಿಕ ಉಡುಗೆ-ತೊಡುಗೆ, ಜೀವನಶೈಲಿಯ ಕುರಿತಾಗಿಯೂ ವಿಶೇಷ ಪ್ರದರ್ಶನವಿದೆ.
