ಚೆನ್ನೈ: ನಟ ಸಿದ್ಧಾರ್ಥ್ ಮತ್ತು ನಟಿ ಅದಿತಿ ರಾವ್ ಗುಟ್ಟಾಗಿ ಎರಡನೇ ಮದುವೆಯಾದ ಸುದ್ದಿ ಕೆಲವು ದಿನಗಳ ಹಿಂದೆ ಭಾರಿ ಸುದ್ದಿಯಾಗಿತ್ತು. ಆದರೆ, ಮದುವೆಯಾಗಿಲ್ಲ ಅದು ಇಬ್ಬರ ನಿಶ್ಚಿತಾರ್ಥ ಎಂದು ತಾರಾಜೋಡಿ ಸ್ಪಷ್ಟನೆ ನೀಡಿತು. ಇಬ್ಬರು ಬಹಳ ಸಮಯದಿಂದ ಲಿವಿಂಗ್ ಟುಗೆದರ್ನಲ್ಲಿದ್ದರು. ಇದೀಗ ಮದುವೆಯ ಹೊಸ್ತಿಲಲ್ಲಿರುವ ತಾರಾ ಜೋಡಿ ತಮ್ಮ ಸಂಬಂಧವನ್ನು ಮತ್ತೊಂದು ಹಂತಕ್ಕೆ ತೆಗೆದುಕೊಂಡು ಹೋಗಲು ಮುಂದಾಗಿದ್ದಾರೆ.
ಅಂದಹಾಗೆ ಆದಿತಿ ಮತ್ತು ಸಿದ್ಧಾರ್ಥ್ ಇಬ್ಬರಿಗೂ ಇದು ಎರಡನೇ ಮದುವೆಯಾಗಿದೆ. ಹಾಗಾದರೆ, ಸಿದ್ಧಾರ್ಥ್ ಅವರ ಮೊದಲ ಪತ್ನಿ ಯಾರು? ನೋಡಲು ಹೇಗಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲೂ ಇದೆ. ಇದರ ನಡುವೆ ಸಿದ್ಧಾರ್ಥ್ ಅವರ ಮೊದಲ ಹೆಂಡತಿಯ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಅಂದಹಾಗೆ ಸಿದ್ಧಾರ್ಥ್ ಅವರು ದಕ್ಷಿಣ ಭಾರತ ಸಿನಿಮಾ ರಂಗದಲ್ಲಿ ಮುಂಚೂಣಿ ನಾಯಕರಲ್ಲಿ ಒಬ್ಬರಾಗಿದ್ದಾರೆ. ಖ್ಯಾತ ನಿರ್ದೇಶಕ ಮಣಿರತ್ನಂ ಜತೆ ಸಹಾಯಕ ನಿರ್ದೇಶಕರಾಗಿಯೂ ಕೆಲಸ ಮಾಡಿದ್ದರು. ಕೊನೆಯದಾಗಿ ಚಿತ್ತ ಸಿನಿಮಾದಲ್ಲಿ ನಟಿಸಿದರು. ಈ ಸಿನಿಮಾ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಂಡಿತು. ಈ ಸಿನಿಮಾಗೆ ಸಿದ್ಧಾರ್ಥ್ ಅವರೇ ಬಂಡವಾಳ ಹೂಡಿದ್ದರು. ಕಮಲ್ ಹಾಸನ್ ನಟನೆಯ ಇಂಡಿಯನ್ 2 ಸಿನಿಮಾದಲ್ಲಿ ಸಿದ್ಧಾರ್ಥ್ ನಟಿಸುತ್ತಿದ್ದಾರೆ.
ಇನ್ನು ಸಿದ್ಧಾರ್ಥ್ ಅವರ ಮೊದಲ ಪತ್ನಿಯ ವಿಚಾರಕ್ಕೆ ಬರುವುದಾದರೆ, ಆಕೆಯ ಹೆಸರು ಮೇಘನಾ ನಾರಾಯಣ್. 2003ರಲ್ಲಿ ಸಿದ್ಧಾರ್ಥ್ ಮತ್ತು ಮೇಘನಾ ಮದುವೆಯಾದರು. ಆದರೆ, ಮನಸ್ತಾಪಗಳ ಕಾರಣದಿಂದಾಗಿ 2007ರಲ್ಲಿ ಡಿವೋರ್ಸ್ ಆದರು. ಇದೀಗ ಮೇಘನಾ ಅವರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇನ್ನು ಸಿದ್ಧಾರ್ಥ್ ಮತ್ತು ಆದಿತಿ ಅವರು ಎರಡನೇ ಮದುವೆ ಮಾಡಿಕೊಳ್ಳಲು ತಯಾರಿ ಮಾಡಿಕೊಂಡಿದ್ದಾರೆ. ಮಾರ್ಚ್ 27ರಂದು ತೆಲಂಗಾಣದ ವನಪರ್ತಿ ಜಿಲ್ಲೆಯ ಶ್ರೀರಂಗಪುರದಲ್ಲಿರುವ ಶ್ರೀ ರಂಗನಾಯಕಸ್ವಾಮಿ ದೇವಸ್ಥಾನದಲ್ಲಿ ಅದಿತಿ ರಾವ್ ಮತ್ತು ಸಿದ್ಧಾರ್ಥ್ ಜೋಡಿ ನಿಶ್ಚಿತಾರ್ಥ ಮಾಡಿಕೊಂಡಿದೆ. (ಏಜೆನ್ಸೀಸ್)
ಸಿದ್ಧಾರ್ಥ್, ಅದಿತಿ ರಾವ್ ಮದುವೆ ಆಗಿಲ್ಲ; ಇದು ಎಂಗೇಜ್ ಮೆಂಟ್ ಎಂದ ಜೋಡಿ