ಕನ್ವರ್ ಯಾತ್ರೆ 'ರಾಜಕೀಯ' ವಿಕಸಿತ ಭಾರತ್​ಗೆ ಅಡ್ಡಿ: ಕಪಿಲ್ ಸಿಬಲ್

ನವದೆಹಲಿ: ಕನ್ವರ್ ಯಾತ್ರಾ ಮಾರ್ಗದಲ್ಲಿ ಆಹಾರ ಮಳಿಗೆಗಳಿಗೆ ಮಾಲೀಕರ ಹೆಸರನ್ನು ಪ್ರದರ್ಶಿಸಲು ಉತ್ತರ ಪ್ರದೇಶ ಸರ್ಕಾರ ಆದೇಶಿಸಿರುವುದಕ್ಕೆ ರಾಜ್ಯಸಭಾ ಸದಸ್ಯ, ಕಾಂಗ್ರೆಸ್​ ಮುಖಂಡ ಕಪಿಲ್ ಸಿಬಲ್ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಉಗುಳಿದ ರೊಟ್ಟಿಯ ವೀಡಿಯೋ ಟ್ವೀಟ್ ಮಾಡಿ ಸೋನುವನ್ನು ಅಣಕಿಸಿದ ಕಂಗನಾ! ಕಾರಣ ಇದೇ ನೋಡಿ..

ಶನಿವಾರ(ಜು.22) ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ವಿಭಜಿತ ವಿಷಯಗಳನ್ನು ಮುನ್ನೆಲೆಗೆ ತರುವುದರಿಂದ ಅಭಿವೃದ್ಧಿಗೆ ಆದ್ಯತೆ ನೀಡಿದಂತೆ ಆಗುವುದಿಲ್ಲ. ಯಾತ್ರೆಯ ಸುತ್ತ ನಡೆಯುತ್ತಿರುವ ಚರ್ಚೆಗಳು ಭಾರತದ ಪ್ರಗತಿಯನ್ನು ಕುಂಠಿತಗೊಳಿಸುತ್ತಿವೆ ಎಂದು ಹೇಳಿದರು.

ಇಂತಹ ವಿಷಯಗಳನ್ನು ರಾಜಕೀಯ ಲಾಭಕ್ಕಾಗಿ ಬಳಸದಂತೆ ಪ್ರಧಾನಿ, ಗೃಹ ಸಚಿವರು ಮತ್ತು ಮುಖ್ಯಮಂತ್ರಿಗಳಿಗೆ ಸಲಹೆ ನೀಡಿದರು.

ದೇಶವು ಎದುರಿಸುತ್ತಿರುವ ಆರ್ಥಿಕ ಮತ್ತು ರಾಜಕೀಯ ಸವಾಲುಗಳನ್ನು ಪರಿಹರಿಸಲು ಅಧಿಕಾರಸ್ಥರು ಮುಂದಾಗಬೇಕು. ಇಂತಹ ನಿರ್ಧಾರಗಳು ನಿರುದ್ಯೋಗದಂತಹ ಹೆಚ್ಚು ನಿರ್ಣಾಯಕ ಕಾಳಜಿಗಳನ್ನು ಮರೆಮಾಡುತ್ತವೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಕನ್ವರ್ ಯಾತ್ರೆಯಲ್ಲಿ ನಡೆಯುತ್ತಿರುವ ರಾಜಕೀಯವು ಭಾರತವನ್ನು ವಿಕಸಿತ ಭಾರತ್ ಮಾಡುವತ್ತ ಕೊಂಡೊಯ್ಯುವುದಿಲ್ಲ. ಪ್ರಧಾನಿ, ಗೃಹ ಸಚಿವರು ಮತ್ತು ಮುಖ್ಯಮಂತ್ರಿಗಳು ಇಂತಹ ವಿಷಯಗಳನ್ನು ಪ್ರಸ್ತಾಪಿಸಬಾರದು. ಸಾಮಾನ್ಯ ಜನರಿಗೆ ಈ ಸಮಸ್ಯೆಗಳಿಗೆ ಯಾವುದೇ ಸಂಬಂಧವಿಲ್ಲ. ಇಂತಹ ವಿಷಯಗಳನ್ನು ಸಂಸತ್ತಿನಲ್ಲಿ ಪ್ರಸ್ತಾಪಿಸಲಾಗುವುದು ಎಂದು ಸಿಬಲ್ ಹೇಳಿದರು.

https://www.vijayavani.net/elon-musk-congratulates-pm-modi-on-becoming-most-followed-world-leader-on-x