ವಿರಾಟ್​ ಕೊಹ್ಲಿಯಂತೆ ಆಡಬೇಡ... ಶುಭಮಾನ್​ ಗಿಲ್​ ವಿರುದ್ಧ ಮಾಜಿ ಕ್ರಿಕೆಟಿಗನ ಆಕ್ರೋಶ! Shubman Gill ​

Shubman Gill : ಲಾರ್ಡ್ಸ್‌ ಮೈದಾನದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ಕುತೂಹಲಕಾರಿಯಾಗಿ ನಡೆಯುತ್ತಿದೆ. ಆದರೆ, ಮೂರನೇ ದಿನದಾಟದ ಅಂತ್ಯದಲ್ಲಿ ಟೀಮ್ ಇಂಡಿಯಾ ನಾಯಕ ಶುಭಮನ್ ಗಿಲ್ ವರ್ತಿಸಿದ ರೀತಿ ವಿವಾದಾತ್ಮಕವಾಗಿದೆ.

ಮೂರನೇ ದಿನದಾಟಕ್ಕೆ ಆರು ನಿಮಿಷಗಳು ಬಾಕಿ ಇರುವಾಗ, ಇಂಗ್ಲೆಂಡ್ ತನ್ನ ಎರಡನೇ ಇನ್ನಿಂಗ್ಸ್ ಆರಂಭಿಸಿತು. ಈ ಹಂತದಲ್ಲಿ ಭಾರತ ಕನಿಷ್ಠ ಎರಡು ಓವರ್ ಬೌಲಿಂಗ್ ಮಾಡುವ ಆಸೆ ಹೊಂದಿತ್ತು. ಆದರೆ, ಇಂಗ್ಲೆಂಡ್ ಆರಂಭಿಕ ಆಟಗಾರರು ಒಂದು ಓವರ್ ಬೌಲಿಂಗ್ ಮಾಡಿ ಮೂರನೇ ದಿನವನ್ನು ಮುಗಿಸಲು ಬಯಸಿದ್ದರು. ಪರಿಣಾಮವಾಗಿ, ಇಂಗ್ಲೆಂಡ್ ಆರಂಭಿಕ ಆಟಗಾರ ಜ್ಯಾಕ್ ಕ್ರಾಲಿ, ಬುಮ್ರಾ ಅವರ ಮೊದಲ ಓವರ್‌ಗೆ ಪದೇ ಪದೇ ಅಡ್ಡಿಪಡಿಸಿ ಸಮಯ ವ್ಯರ್ಥ ಮಾಡಿದರು.

ಇಂಗ್ಲೆಂಡ್​ ಆಟಗಾರರ ನಡೆಯಿಂದ ಕೋಪಗೊಂಡ ಗಿಲ್, ಕ್ರಾಲಿಯನ್ನು ಕೆಟ್ಟ ಪದಗಳಿಂದ ನಿಂದಿಸಿದರು. ಇದರಿಂದಾಗಿ ಜ್ಯಾಕ್ ಕ್ರಾಲಿ ಕೂಡ ಬೆರಳು ತೋರಿಸಿ ವಾಗ್ವಾದಕ್ಕೆ ಇಳಿದರು. ಸಿರಾಜ್, ಗಿಲ್ ಜೊತೆ ಮೈದಾನಕ್ಕೆ ಪ್ರವೇಶಿಸಿ ಸ್ವಲ್ಪ ಹೊತ್ತು ಗೊಂದಲ ಉಂಟುಮಾಡಿದರು. ನಂತರ ಅಂಪೈರ್‌ಗಳು ಮಧ್ಯಪ್ರವೇಶಿಸಿ ಜಗಳ ಇತ್ಯರ್ಥವಾಯಿತು. ಈ ಸಂದರ್ಭದಲ್ಲಿ, ಇಂಗ್ಲೆಂಡ್‌ನ ಮಾಜಿ ಆಟಗಾರ ಜೊನಾಥನ್ ಟ್ರಾಟ್ ಗಿಲ್ ಅವರ ನಡವಳಿಕೆಯನ್ನು ಟೀಕಿಸಿದ್ದಾರೆ. ಅದು ನನಗೆ ಇಷ್ಟವಾಗಲಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ನಿದ್ರೆಯಲ್ಲಿದ್ದಾಗ ಎದೆ ಮೇಲೆ ಕೂತು ಯಾರೋ ಕತ್ತು ಹಿಸುಕಿದಂತೆ ಅನುಭವ ಆಗಿದೆಯೇ? ಕಾರಣವೇನು? ಇಲ್ಲಿದೆ ಮಾಹಿತಿ… Sleep Paralysis

ಪ್ರತಿಯೊಂದು ಕ್ರೀಡೆಯಲ್ಲೂ ಸ್ವಲ್ಪ ಮಟ್ಟಿಗೆ ಆಟದ ಮನೋಭಾವ ಇದ್ದೇ ಇರುತ್ತದೆ. ಇಂಗ್ಲೆಂಡ್ ಫೀಲ್ಡಿಂಗ್ ಮಾಡುವಾಗ ಏನಾಯಿತು, ಅವರು ಹೇಗೆ ವರ್ತಿಸಿದರು ಎಂದು ನನಗೆ ತಿಳಿದಿಲ್ಲ. ಆದರೆ, ಶುಭಮಾನ್ ಗಿಲ್ ಅವರ ನಡವಳಿಕೆ ನನಗೆ ಇಷ್ಟವಾಗಲಿಲ್ಲ. ಅವರು ನಾಯಕರಾಗಿ ಒಂದು ಟೋನ್​ ಸೆಟ್​ ಮಾಡಬೇಕು. ಅದನ್ನು ಬಿಟ್ಟು ಈ ರೀತಿ ವರ್ತಿಸಬಾರದು. ಬಹುಶಃ ನಾಯಕರಾಗಿದ್ದಕ್ಕೆ ಈ ರೀತಿ ವರ್ತಿಸಿದ್ದಾರೆಂದು ನಾನು ಭಾವಿಸುತ್ತೇನೆ ಎಂದು ಜಿಯೋ ಹಾಟ್​ಸ್ಟಾರ್​ ಜತೆ ಮಾತನಾಡುವಾಗ ಟ್ರಾಟ್​ ಹೇಳಿದರು.

ನಾನು ಹಲವು ಬಾರಿ ಹೇಳಿದ್ದೇನೆ, ಇತರರ ಕಡೆಗೆ ಬೆರಳು ತೋರಿಸಬೇಡಿ ಮತ್ತು ಅವರ ಮುಂದೆ ನಿಲ್ಲಬೇಡಿ. ನಾನು ಗಿಲ್ ಅವರನ್ನು ನೋಡಿದಾಗ, ನನಗೆ ಹಿಂದಿನ ನಾಯಕ ನೆನಪಾಗುತ್ತಾನೆ (ಕೊಹ್ಲಿಯನ್ನು ಉಲ್ಲೇಖಿಸಿ). ಹೀಗೆ ಮಾಡುವುದರಿಂದ ನಿಮಗೆ ಕೆಟ್ಟ ಹೆಸರು ಬರುತ್ತದೆ. ಮೈದಾನದಲ್ಲಿ ಆಕ್ರಮಣಕಾರಿಯಾಗಿ ವರ್ತಿಸುವುದನ್ನು ನಾನು ಸಹ ಬೆಂಬಲಿಸುತ್ತೇನೆ. ಆದರೆ, ನೀವು ವಿಧೇಯರಾಗಿ, ವಿನಮ್ರರಾಗಿದ್ದರೆ ಅದು ಒಳ್ಳೆಯದಲ್ಲ. ಭವಿಷ್ಯದಲ್ಲಿ ನಿಮಗೆ ಶುಭ ಹಾರೈಸುತ್ತೇನೆ ಎಂದು ಟ್ರಾಟ್​ ಹೇಳಿದರು.

ಇದೇ ಗಿಲ್​ ಅವರನ್ನು ಟ್ರಾಟ್​ ಈ ಹಿಂದೆ ಹೊಗಳಿದ್ದರು. ಗಿಲ್​ ಅವರು ಕೊಹ್ಲಿಯಂತೆ ಎಂದಿದ್ದರು. ಆದರೆ, ಅದೇ ಗಿಲ್​ ಅವರನ್ನು ಟ್ರಾಟ್​ ಇದೀಗ ಟೀಕಿಸಿದ್ದಾರೆ. ಗಿಲ್​ ಅವರಿಂದ ಕೊಹ್ಲಿ ರೀತಿಯ ವರ್ತನೆ ಸರಿಯಿಲ್ಲ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/it-happened-because-of-me-dont-tell-pant-anything-kl-rahul

https://www.vijayavani.net/ups-chhangur-baba-funded-more-than-1000-muslim-men-to-trap-hindu-girls