ರೋಹಿತ್​ ಬಳಿಕ ಏಕದಿನ ತಂಡದ ಕ್ಯಾಪ್ಟನ್​ ಆಗಿ ಗಿಲ್​! ನಾಯಕತ್ವ ವಹಿಸಿಕೊಂಡ ಬೆನ್ನಲ್ಲೇ 'ಶುಭ'ಮನ್ ನುಡಿ | ​Shubman Gill

Shubman Gill: ಇದೇ ಅ.19ರಿಂದ ಭಾರತ ತಂಡ ಆಸ್ಟ್ರೇಲಿಯಾ ಪ್ರವಾಸ ಕೈಗೊಳ್ಳಲಿದ್ದು, ಆತಿಥೇಯರ ನಾಡಿನಲ್ಲಿ ಟಿ20 ಮತ್ತು ಏಕದಿನ ಸರಣಿಯನ್ನು ಆಡಲಿದೆ. ಈ ಪ್ರವಾಸದ ಸಮಯದಲ್ಲಿ, ಭಾರತ ತಂಡವು ಆಸ್ಟ್ರೇಲಿಯಾ ವಿರುದ್ಧ ಮೂರು ಏಕದಿನ ಮತ್ತು ಐದು ಟಿ20 ಪಂದ್ಯಗಳನ್ನಾಡಲಿದೆ. ಈ ಹಿನ್ನೆಲೆ ನಿನ್ನೆ (ಅ.04) ಬಿಸಿಸಿಐ ಈ ಎರಡು ಸರಣಿಗಳಿಗೆ ಪ್ರತ್ಯೇಕ ತಂಡಗಳನ್ನು ಪ್ರಕಟಿಸಿದ್ದು, ಏಕದಿನ ತಂಡಕ್ಕೆ ಶುಭಮನ್​ ಗಿಲ್​ರನ್ನು ನಾಯಕನನ್ನಾಗಿ ಆಯ್ಕೆ ಮಾಡಿತು.

ಇದನ್ನೂ ಓದಿ: ಕಥೆಗಾರ, ಕಾದಂಬರಿಕಾರ, ವಿಮರ್ಶಕ ಮೊಗಳ್ಳಿ ಗಣೇಶ್ ಇನ್ನಿಲ್ಲ: ಕಳಚಿತು ಸಾಹಿತ್ಯ ಲೋಕದ ಮತ್ತೊಂದು ಕೊಂಡಿ! Mogalli Ganesh

ಏಕದಿನ ತಂಡಕ್ಕೆ ಕ್ಯಾಪ್ಟನ್ ಆಗಿ ತಂಡವನ್ನು ಹಲವಾರು ಬಾರಿ ಗೆಲುವಿನೆಡೆಗೆ ಕೊಂಡೊಯ್ದ ರೋಹಿತ್ ಶರ್ಮಗೆ ನಾಯಕನ ಸ್ಥಾನದಿಂದ ಗೇಟ್​ಪಾಸ್​ ಕೊಟ್ಟ ಬಿಸಿಸಿಐ, ಆ ಸ್ಥಾನವನ್ನು ಯುವ ಬ್ಯಾಟರ್​, ಟೆಸ್ಟ್​ ಕ್ಯಾಪ್ಟನ್​ ಶುಭಮನ್ ಗಿಲ್​ಗೆ ಹಸ್ತಾಂತರಿಸಿದೆ. ಇದು ರೋಹಿತ್​ ಅವರ ಅಭಿಮಾನಿಗಳಲ್ಲಿ ತೀರ ಬೇಸರ ಉಂಟುಮಾಡಿದೆ. ಇನ್ನು ಏಕದಿನ ತಂಡದ ಕ್ಯಾಪ್ಟನ್​ ಆದ ಬೆನ್ನಲ್ಲೇ ಮನಬಿಚ್ಚಿ ಮಾತನಾಡಿರುವ ಗಿಲ್​, ಈ ಸ್ಥಾನ ಬಹಳ ದೊಡ್ಡದು ಎಂದಿದ್ದಾರೆ.

"ದೇಶಕ್ಕಾಗಿ ಯಾವುದೇ ಸ್ವರೂಪದಲ್ಲಿ ತಂಡವನ್ನು ಮುನ್ನಡೆಸುವುದು ಯಾವಾಗಲೂ ದೊಡ್ಡ ಗೌರವವೇ. ಏಕದಿನ ತಂಡದ ನಾಯಕತ್ವ ವಹಿಸುವುದನ್ನು ನಾನು ಗೌರವವೆಂದು ಪರಿಗಣಿಸುತ್ತೇನೆ. 2027ರ ಏಕದಿನ ವಿಶ್ವಕಪ್‌ಗೂ ಮೊದಲು ಟೀಮ್ ಇಂಡಿಯಾ ಕನಿಷ್ಠ 20 ಪಂದ್ಯಗಳನ್ನು ಆಡುವ ಸಾಧ್ಯತೆಯಿದೆ. ದಕ್ಷಿಣ ಆಫ್ರಿಕಾದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಗೆಲ್ಲುವುದು ನಮ್ಮ ಮುಖ್ಯ ಗುರಿಯಾಗಿದೆ. ಒಂದು ತಂಡವಾಗಿ ನಾವು ಅತ್ಯುತ್ತಮ ಪ್ರದರ್ಶನ ನೀಡುತ್ತವೆ" ಎಂದು ಗಿಲ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಏಕದಿನ ಸರಣಿಗೆ ಭಾರತ ತಂಡ

ಶುಭಮನ್ ಗಿಲ್ (ನಾಯಕ), ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್ (ಉಪನಾಯಕ), ಅಕ್ಷರ್ ಪಟೇಲ್, ಕೆ.ಎಲ್. ರಾಹುಲ್ (ವಿಕೆಟ್ ಕೀಪರ್), ನಿತೀಶ್ ಕುಮಾರ್ ರೆಡ್ಡಿ, ವಾಷಿಂಗ್ಟನ್ ಸುಂದರ್, ಕುಲದೀಪ್ ಯಾದವ್, ಹರ್ಷಿತ್ ರಾಣಾ, ಮೊಹಮ್ಮದ್ ಸಿರಾಜ್, ಅರ್ಷ್‌ದೀಪ್ ಸಿಂಗ್, ಪ್ರಸಿದ್ಧ್ ಕೃಷ್ಣ, ಧ್ರುವ್​ ಜ್ಯುರೆಲ್​ (ವಿಕೆಟ್​ ಕೀಪರ್​), ಯಶಸ್ವಿ ಜೈಸ್ವಾಲ್​.

https://www.vijayavani.net/venuswamy-astrology-on-rashmika-marriage-finally