'ಶ್ರೀ ಸುಮುಖನ ಭಕ್ತ' ದೃಶ್ಯ-ಧ್ವನಿ ಸುರುಳಿ ಬಿಡುಗಡೆ

ನಾಡೋಜ ಡಾ.ಜಿ.ಶಂಕರ ಜನ್ಮದಿನದ ನಿಮಿತ್ತ

ವಿಜಯವಾಣಿ ಸುದ್ದಿಜಾಲ ಉಡುಪಿ

ನಾಡೋಜ ಡಾಕ್ಟರ್​ ಜಿ.ಶಂಕರ ಅವರ 70ನೇ ಜನ್ಮದಿನದ ನಿಮಿತ್ತ ಉಡುಪಿ ಕಿದಿಯೂರಿನ ಶ್ರೀ ಪ್ರಸನ್ನ ಗಣಪತಿ ದೇವಸ್ಥಾನದಲ್ಲಿ ಶುಕ್ರವಾರ (ಅ.3) ಶ್ರೀ ಸುಮುಖನ ಭಕ್ತ ದೃಶ್ಯ-ಧ್ವನಿ ಸುರುಳಿ ಬಿಡುಗಡೆ ಕಾರ್ಯಕ್ರಮ ನಡೆಯಿತು.

ಡಾ. ಜಿ.ಶಂಕರ ಫ್ಯಾಮಿಲಿ ಟ್ರಸ್ಟ್​ನ ಟ್ರಸ್ಟಿ ಎಸ್​.ಕೆ. ಆನಂದ ಧ್ವನಿ ಸುರುಳಿ ಬಿಡುಗಡೆ ಮಾಡಿದರು.

ಲಲಿತಾ ಅವರು ಸಾಹಿತ್ಯ ರಚಿಸಿದ್ದಾರೆ. ರವಿ ಕಾರಂತ ಬಿ. ಕೋಟ ಅವರು ಗಾಯನ, ಸಂಗೀತ ಸಂಯೋಜನೆ ಮತ್ತು ದ್ವನಿ ಮುದ್ರಣ ಮಾಡಿದ್ದಾರೆ. ಸಹ ಗಾಯನದಲ್ಲಿ ಪ್ರಸನ್ನ ಭಟ್​ ಯಲ್ಲಾಪುರ, ಬಾಲಕೃಷ್ಣ ಕೊಡವೂರು, ನಿಹಾರಿಕಾ ಮಲ್ಪೆ ಧ್ವನಿ ನೀಡಿದ್ದಾರೆ. ನಾಗೇಂದ್ರ ಭಟ್​ ಯಲ್ಲಾಪುರ ದೃಶ್ಯ ಸಂಕಲನದಲ್ಲಿ ಕೈಜೋಡಿಸಿದ್ದಾರೆ.

ಕಾರ್ಯಕ್ರಮದಲ್ಲಿ ಶಂಕರ ಸಾಲ್ಯಾನ್​, ಜಗದೀಶ ಕೋಟ್ಯಾನ್​, ರಾಮಕೃಷ್ಣ ಭಟ್​, ಭೋಜರಾಜ ಕಿದಿಯೂರು, ಸ್ಟಾನ್ಸಿ, ಪ್ರೊ. ರಾಜಮೋಹನ, ಪ್ರೊ. ನಾಗರಾಜ ವೈದ್ಯ, ಅಶೋಕ ಮಲ್ಪೆ, ಮಂಗಲಾ ಭಟ್​ ಇತರರು ಉಪಸ್ಥಿತರಿದ್ದರು.

ಗೀತಮ್​ ವಾದ್ಯಮ್​ ಸಂಸ್ಥೆಯ ಸಂಚಾಲಕ ಪ್ರಸನ್ನ ಭಟ್​ ಕಾರ್ಯಕ್ರಮ ನಿರ್ವಹಿಸಿದರು.