ಬೆಂಗಳೂರು: ಕನ್ನಡತಿ ಮತ್ತು ಬಹುಭಾಷಾ ನಟಿ ಶ್ರದ್ಧಾ ಶ್ರೀನಾಥ್ ಒಂದರ ಹಿಂದೊಂದು ಚಿತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದು, ಇತ್ತೀಚೆಗಷ್ಟೇ ಮಲಯಾಳಂ ಸೂಪರ್ಸ್ಟಾರ್ ಮೋಹನ್ ಲಾಲ್ ಜತೆಗೆ ಮಲಯಾಳಂ ಚಿತ್ರವೊಂದರಲ್ಲಿ ನಟಿಸುತ್ತಿರುವುದಾಗಿ ಘೋಷಿಸಿಕೊಂಡಿದ್ದರು.
ಇದನ್ನೂ ಓದಿ: ಸದ್ಯದಲ್ಲೇ ಹೊಸ ಸಾಹಸಕ್ಕೆ ಕೈ ಹಾಕಲಿದ್ದಾರಂತೆ ತರುಣ್!
ಇದೀಗ ಅವರು ಹೊಸದೊಂದು ಚಿತ್ರವೊಂದನ್ನು ಒಪ್ಪಿಕೊಂಡಿದ್ದಾಗಿ ಸೋಷಿಯಲ್ ಮೀಡಿಯಾ ಮೂಲಕ ಹೇಳಿಕೊಂಡಿದ್ದಾರೆ.
ಶ್ರದ್ಧಾ ಒಪ್ಪಿರುವ ಹೊಸ ಚಿತ್ರ ಯಾವುದು ಗೊತ್ತಾ? ‘ಕಲಿಯುಗಂ’. ಇದೊಂದು ದ್ವಿಭಾಷಾ ಚಿತ್ರವಾಗಿದ್ದು ತಮಿಳು ಮತ್ತು ತೆಲುಗಿನಲ್ಲಿ ತಯಾರಾಗುತ್ತಿದೆ ಎಂದು ಹೇಳಲಾಗುತ್ತಿದೆ. 2050ರ ದಶಕದ ಕಾಲಘಟ್ಟದ ಕಥೆ ಇರುವ ಈ ಚಿತ್ರದಲ್ಲಿ, ಶ್ರದ್ಧಾ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರಂತೆ.
ಪ್ರಮೋದ್ ಸುಂದರ್ ಎನ್ನುವವರು ಈ ಚಿತ್ರಕ್ಕೆ ಕಥೆ ಬರೆದು ನಿರ್ದೇಶನ ಮಾಡಲಿದ್ದು, ಆರ್.ಕೆ ಇಂಟರ್ನ್ಯಾಷನಲ್ ಸಂಸ್ಥೆಯಡಿ ಎಸ್. ರಾಮಕೃಷ್ಣ ಈ ಚಿತರವನ್ನು ನಿರ್ಮಿಸುತ್ತಿದ್ದಾರಂತೆ. ಖ್ಯಾತ ಛಾಯಾಗ್ರಾಹಕ ಪಿ.ಸಿ. ಶ್ರೀರಾಮ್ ಜತೆಗೆ ಕೆಲಸ ಮಾಡಿದ್ದ ರಾಮ್ಚರಣ್ ಎನ್ನುವವರು ಈ ಚಿತ್ರದ ಛಾಯಾಗ್ರಹಣ ಮಾಡಲಿದ್ದಾರೆ.
ಇದನ್ನೂ ಓದಿ: ನಮ್ಮಪ್ಪ ನನಗಾಗಿ ಒಂದು ಸಿನಿಮಾನೂ ಮಾಡ್ಲಿಲ್ಲ: ಅಭಿಷೇಕ್ ಬಚ್ಚನ್
ಅಂದಹಾಗೆ, ಈ ಚಿತ್ರವು ಜನವರಿಯಲ್ಲಿ ಪ್ರಾರಂಭವಾಗುತ್ತದಂತೆ.