ಹಾಡಿನೊಂದಿಗೆ ಮುಕ್ತಾಯವಾಯಿತು ಪೃಥ್ವಿ ಅಂಬರ್​, ಮಿಲನಾ ಅಭಿನಯದ ಹೊಸ ಚಿತ್ರ …

ಬೆಂಗಳೂರು: ಪೃಥ್ವಿ ಅಂಬರ್​ ಮತ್ತು ಮಿಲನಾ ನಾಗರಾಜ್​ ಅಭಿನಯದ 'ಫಾರ್​ ರಿಜಿಸ್ಟ್ರೇಶನ್​' ಚಿತ್ರವನ್ನು ಮುಂದಿನ ವರ್ಷದ ಪ್ರೇಮಿಗಳ ದಿನದಂದು (ಫೆಬ್ರವರಿ 14) ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ಈಗಾಗಲೇ ಘೋಷಣೆ ಮಾಡಿದೆ. ಆದರೆ, ಚಿತ್ರದ ಚಿತ್ರೀಕರಣ ಮಾತ್ರ ಮುಗಿದಿರಲಿಲ್ಲ. ಕೊನೆಯ ಹಾಡಿನ ಚಿತ್ರೀಕರಣ ಮುಗಿಸುವ ಮೂಲಕ ಚಿತ್ರತಂಡ, ಇದೀಗ ಕುಂಬಳಕಾಯಿ ಒಡೆದಿದೆ.

ಇದನ್ನೂ ಓದಿ: ‘ಥಗ್ಸ್​​ ಆಫ್​ ರಾಮಘಡ’ ಚಿತ್ರಕ್ಕೆ ಉತ್ತರ ಕರ್ನಾಟಕದ ಆ ಘಟನೆಯೇ ಸ್ಫೂರ್ತಿ …

ಹೌದು, 'ಫಾರ್ ರಿಜಿಸ್ಟರೇಷನ್' ಚಿತ್ರದ ಚಿತ್ರೀಕರಣ ಹಾಡೊಂದರ‌ ಚಿತ್ರೀಕರಣದೊಂದಿಗೆ ಮುಕ್ತಾಯವಾಗಿದೆ. ಅಂಡರ್ ವಾಟರ್​ನಲ್ಲಿ ಈ ಹಾಡಿನ ಚಿತ್ರೀಕರಣ ನಡೆದಿದೆ. ಈ ಹಾಡಿನ ಚಿತ್ರೀಕರಣಕ್ಕಾಗಿ ಮೋಕೊ ಬೋಟ್ ಎಂಬ ವಿಶಿಷ್ಟ ಕ್ಯಾಮೆರಾವೊಂದನ್ನು ಬಳಸಲಾಗಿದೆ. ಕನ್ನಡ ಚಿತ್ರರಂಗದಲ್ಲಿ ಇದುವರೆಗೂ ಯಾವುದೇ ಚಿತ್ರಕ್ಕೂ ಈ ತರಹದ ಕ್ಯಾಮೆರಾ ಬಳಿಸಿರಲಿಲ್ಲವಂತೆ. ಈ ಚಿತ್ರಕ್ಕೇ ಮೊದಲು ಬಳಸಿರುವುದು ಎನ್ನುತ್ತಾರೆ ನಿರ್ದೇಶಕ ನವೀನ್ ದ್ವಾರಕನಾಥ್.

ಇಮ್ರಾನ್​ ಸರ್ದಾರಿಯಾ ನೃತ್ಯ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಹಾಡನ್ನು ಅಭಿಷೇಕ್​ ಕಾಸರಗೋಡು ಸೆರೆಹಿಡಿದಿದ್ದು, ಪೃಥ್ವಿ ಮತ್ತು ಮಿಲನಾ ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಆರ್​.ಕೆ. ಹರೀಶ್​ ಅವರ ಸಂಗೀತ ನಿರ್ದೇಶನದಲ್ಲಿ ಈ ಹಾಡು ಮೂಡಿ ಬಂದಿದೆ.

ಇದನ್ನೂ ಓದಿ: ನಾಗಶೇಖರ್​ ಈಗ ‘ಪಾದರಾಯ; ‘ವಿಕ್ರಾಂತ್​ ರೋಣ’ ನಿರ್ಮಾಪಕರ ಹೊಸ ಚಿತ್ರ

ನಿಶ್ಚಲ್ ಫಿಲಂಸ್​ನಡಿ ಎನ್ .ನವೀನ್ ರಾವ್ ನಿರ್ಮಿಸಿರುವ 'ಫಾರ್ ರಿಜಿಸ್ಟ್ರೇಶನ್​' ಚಿತ್ರದಲ್ಲಿ ಪೃಥ್ವಿ ಮತ್ತು ಮಿಲನಾ ಜತೆಗೆ ರವಿಶಂಕರ್, ಬಾಬು ಹಿರಣ್ಣಯ್ಯ, ಸ್ವಾತಿ, ಸುಧಾ ಬೆಳವಾಡಿ, ತಬಲ ನಾಣಿ, ರಮೇಶ್ ಭಟ್, ಸಿಹಿಕಹಿ ಚಂದ್ರು ಮುಂತಾದವರು ತಾರಾಬಳಗದಲ್ಲಿದ್ದಾರೆ. ನವೀನ್ ದ್ವಾರಕನಾಥ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರಕ್ಕೆ ಅಭಿಷೇಕ್ ಕಲ್ಲತ್ತಿ ಮತ್ತು ಅಭಿಷೇಕ್ ಕಾಸರಗೋಡು ಇಬ್ಬರೂ ಛಾಯಾಗ್ರಹಣ ಮಾಡಿದ್ದಾರೆ.

https://www.vijayavani.net/rakshasaru-to-release-on-december-16th/