ಶಿಮ್ಲಾಗೆ ತೆರಳಲು ಮುಂದಾಗದ ಪ್ರವಾಸಿಗರು, ಲಾಕ್‌ಡೌನ್‌ ರೀತಿಯ ಪರಿಸ್ಥಿತಿ ನಿರ್ಮಾಣ!

ಹಿಮಾಚಲ ಪ್ರದೇಶ: ಹಿಮಾಚಲದಲ್ಲಿ ಈ ಹಿಂದೆ ಸುರಿದ ಮಳೆಯಿಂದ ಅಪಾರ ಪ್ರಮಾಣದ ಹಾನಿಯಾಗಿದೆ. ಪ್ರಕೃತಿ ವಿಕೋಪದ ನಂತರ ರಾಜ್ಯದಲ್ಲಿ ಪ್ರವಾಸೋದ್ಯಮ ಕುಸಿದಿದೆ. ರಾಜಧಾನಿ ಶಿಮ್ಲಾ ಸೇರಿದಂತೆ ನೆರೆಯ ಪ್ರವಾಸಿ ಸ್ಥಳಗಳಲ್ಲಿ ಲಾಕ್‌ಡೌನ್ ರೀತಿ ಪರಿಸ್ಥಿತಿ ಇದೆ. ಪ್ರವಾಸೋದ್ಯಮ ವ್ಯವಹಾರದಲ್ಲಿ ಸಂಪೂರ್ಣ ಆರ್ಥಿಕ ಹಿಂಜರಿತವಿದೆ. ವಾರಾಂತ್ಯದಲ್ಲಿಯೂ ಹೋಟೆಲ್‌ಗಳಲ್ಲಿ ಆಕ್ಯುಪೆನ್ಸಿ ಶೇ.3ರಷ್ಟೂ ಇರುವುದಿಲ್ಲ. ಹಲವು ಹೋಟೆಲ್‌ಗಳು ಸಂಪೂರ್ಣ ಖಾಲಿ ಬಿದ್ದಿವೆ.

ಇದನ್ನೂ ಓದಿ: ಮುಂದಿನ 3 ಗಂಟೆಗಳಲ್ಲಿ ಹಿಮಾಚಲದಲ್ಲಿ ಧಾರಾಕಾರ ಮಳೆ, ಈ ನಗರಗಳಿಗೆ ಎಚ್ಚರಿಕೆ ನೀಡಿದ ಐಎಂಡಿ 

ಮುಚ್ಚಲಾಗಿದೆ ಕಲ್ಕಾ ಶಿಮ್ಲಾ ಹೆದ್ದಾರಿ
ಕಲ್ಕಾ-ಶಿಮ್ಲಾ ರಾಷ್ಟ್ರೀಯ ಹೆದ್ದಾರಿಯನ್ನು ಐದು ಬಾರಿ ಮುಚ್ಚಿದ್ದರಿಂದ ಪ್ರವಾಸಿಗರು ಶಿಮ್ಲಾಕ್ಕೆ ಬರಲು ಮುಂದಾಗುತ್ತಿಲ್ಲ. ಕಲ್ಕಾ ಶಿಮ್ಲಾ ರೈಲು ಮಾರ್ಗವು ಕಳೆದ ಹಲವಾರು ವಾರಗಳಿಂದ ಮುಚ್ಚಲ್ಪಟ್ಟಿದೆ. ಪ್ರವಾಸೋದ್ಯಮ ವ್ಯವಹಾರದಲ್ಲಿ ಸಂಪೂರ್ಣ ಮಂದಗತಿ ಕಂಡುಬಂದಿದ್ದು, ಹೋಟೆಲ್ ಬುಕ್ಕಿಂಗ್ ಕೂಡ ಕಡಿಮೆಯಾಗಿದೆ. ವಾರಾಂತ್ಯದಲ್ಲಿ ಮತ್ತೊಮ್ಮೆ ಲಾಕ್‌ಡೌನ್‌ ರೀತಿಯ ಪರಿಸ್ಥಿತಿ ನಿರ್ಮಾಣವಾಗಿದೆ. ರಾಜಧಾನಿ ಶಿಮ್ಲಾದ ಮಾಲ್ ರಸ್ತೆ, ರಿಡ್ಜ್ ಮೈದಾನದಲ್ಲಿ ಭಾನುವಾರ ಪ್ರವಾಸಿಗರು ಕಾಣಲಿಲ್ಲ. ಆದರೆ ವಾರಾಂತ್ಯದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಿದ್ದರು.

https://www.vijayavani.net/video-viral-students-organise-fake-wedding-ceremony-in-classroom-with-all-rituals-funny