ಬೆಂಗಳೂರು: ಹೊಸ ಹುಡುಗ ಪ್ರವೀಣ್ ಅಭಿನಯದಲ್ಲಿ ಚಿತ್ರವೊಂದನ್ನು ನಿರ್ದೇಶಿಸುತ್ತಿರುವುದಾಗಿ ಶಶಾಂಕ್, ಏಪ್ರಿಲ್ನಲ್ಲೇ ಹೇಳಿಕೊಂಡಿದ್ದರು. ಬಹುಶಃ ಲಾಕ್ಡೌನ್ ಇಲ್ಲದಿದ್ದರೆ ಇಷ್ಟರಲ್ಲಿ ಚಿತ್ರೀಕರಣವೇ ಮುಗಿದಿರುತ್ತಿತ್ತೇನೋ? ಆದರೆ, ಲಾಕ್ಡೌನ್ನಿಂದ ಚಿತ್ರೀಕರಣ ಆಗಸ್ಟ್ಗೆ ಹೋಗಿದ್ದು, ಅದಕ್ಕೂ ಮುನ್ನ ಶುಕ್ರವಾರ ಬೆಳಗ್ಗೆ ಚಿತ್ರದ ಶೀರ್ಷಿಕೆ ಬಿಡುಗಡೆಯಾಗಿದೆ. ಶಶಾಂಕ್ ತಮ್ಮ ಹೊಸ ಚಿತ್ರಕ್ಕೆ ‘ಲವ್ 360’ ಎಂಬ ಹೆಸರನ್ನು ಇಟ್ಟಿದ್ದಾರೆ. ಚಿತ್ರ ಕನ್ನಡ ಮತ್ತು ತೆಲುಗಿನಲ್ಲಿ ಬಿಡುಗಡೆ ಯಾಗುತ್ತಿದ್ದು, ಎರಡೂ ಭಾಷೆಗಳಿಗೆ ಸಲ್ಲುವಂತೆ ‘ಲವ್ 360’ ಎಂಬ ಹೆಸರನ್ನು ಇಡಲಾಗಿದೆ.
ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ‘ನಾಯಕ, ನಾಯಕಿಯನ್ನು ಎಷ್ಟು ಪ್ರೀತಿಸುತ್ತಾನೆ ಎಂದು ಹೇಳುವುದಕ್ಕೆ ಈ ಹೆಸರು ಇಡಲಾಗಿದೆ. ಈ ಚಿತ್ರದ ಮೂಲಕ ಹೊಸಪೇಟೆಯ ಪ್ರವೀಣ್ ಎಂಬ ಹೊಸ ಹುಡುಗನನ್ನು ಚಿತ್ರರಂಗಕ್ಕೆ ಪರಿಚಯಿಸುತ್ತಿದ್ದೇನೆ. ಎಂಬಿಬಿಎಸ್ ಮಾಡಿರುವ ಪ್ರವೀಣ್ಗೆ ನಟನೆಯ ಬಗ್ಗೆ ಆಸಕ್ತಿ’ ಎನ್ನುತ್ತಾರೆ. ಪ್ರವೀಣ್ ಎದುರು ಹೊಸ ನಾಯಕಿಯ ಹುಡುಕಾಟ ನಡೆದಿದೆಯಂತೆ. ಸದ್ಯದಲ್ಲೇ ನಾಯಕಿಯನ್ನು ಆಯ್ಕೆ ಮಾಡಿ, ನಾಯಕ-ನಾಯಕಿಗೆ ಸ್ಕ್ರಿಪ್ಟ್ ರಿಹರ್ಸಲ್ ಮುಗಿಸಿ, ಆಗಸ್ಟ್ನಿಂದ ಚಿತ್ರೀಕರಣ ಪ್ರಾರಂಭಿಸುವುದು ಅವರ ಐಡಿಯಾ.
ಬೆಂಗಳೂರಲ್ಲದೆ ಕರಾವಳಿ ಭಾಗದಲ್ಲಿ ಚಿತ್ರೀಕರಣ ನಡೆಯಲಿದೆ. ಚಿತ್ರಕ್ಕೆ ಅಭಿಲಾಷ್ ಕಲತ್ತಿ ಛಾಯಾಗ್ರಹಣ ಮಾಡಿದರೆ, ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸುತ್ತಿದ್ದಾರೆ. ಅಂದಹಾಗೆ, ಉಪೇಂದ್ರ ಅಭಿನಯದಲ್ಲಿ ಶಶಾಂಕ್ ಒಂದು ಚಿತ್ರ ನಿರ್ದೇಶಿಸಬೇಕಿತ್ತು. ಆ ಚಿತ್ರವನ್ನು ನವೆಂಬರ್ನಲ್ಲಿ ಶುರು ಮಾಡುತ್ತಾರಂತೆ ಅವರು. ಎರಡು ತಿಂಗಳಲ್ಲಿ ‘ಲವ್ 360’ ಚಿತ್ರವನ್ನು ಒಂದೇ ಹಂತದಲ್ಲಿ ಚಿತ್ರೀಕರಣ ಮುಗಿಸಿ, ಆ ನಂತರ ಉಪೇಂದ್ರ ಚಿತ್ರ ಎನ್ನುತ್ತಾರೆ ಶಶಾಂಕ್.
ದೇಶದ ಒಟ್ಟು ಕೋವಿಡ್ ಪ್ರಕರಣಗಳಲ್ಲಿ ಅರ್ಧಕ್ಕೂ ಹೆಚ್ಚು ಇವೆರಡು ರಾಜ್ಯಗಳಲ್ಲೇ ಇವೆ!
ಪ್ರಾಣಿಗಳ ಥರ ಕಾಡಿದ್ರು, ಒಬ್ರೂ ನೆರವಿಗೆ ಬರಲಿಲ್ಲ; ಇದು ಕೋಟ್ಯಧಿಪತಿ ಉದ್ಯಮಿಯ ಸಂಕಟದ ಕಥೆ..