ಡೆರಿಲ್​ ಮಿಚೆಲ್​ ಮಿಂಚಿನ ಶತಕ; ಭಾರತಕ್ಕೆ 274ರನ್​ಗಳ ಗುರಿ ನೀಡಿದ ನ್ಯೂಜಿಲೆಂಡ್

ಧರ್ಮಶಾಲಾ: ಇಲ್ಲಿನ ಹಿಮಾಚಲ ಪ್ರದೇಶ ಕ್ರಿಕೆಟ್​ ಅಸೋಸಿಯೇಷನ್​ ಮೈದಾನದಲ್ಲಿ ನಡೆದ ಏಕದಿನ ವಿಶ್ವಕಪ್​ ಪಂದ್ಯದಲ್ಲಿ ನ್ಯೂಜಿಲೆಂಡ್​ ತಂಡವು ಡೆರಿಲ್ ಮಿಚೆಲ್ ಶತಕದ ಫಲವಾಗಿ ಭಾರತಕ್ಕೆ 274ರನ್​ಗಳ ಗುರಿ ನೀಡಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್​ ತಂಡವು ಡೆರಿಲ್ ಮಿಚೆಲ್ (130 ರನ್, 127 ಎಸೆತ, 9 ಬೌಂಡರಿ, 5 ಸಿಕ್ಸರ್), ರಚಿನ್ ರವೀಂದ್ರ (75 ರನ್, 87 ಎಸೆತ, 6 ಬೌಂಡರಿ, 1 ಸಿಕ್ಸರ್) 159 ರನ್​ಗಳ ಜತೆಯಾಟದ ಫಲವಾಗಿ 50 ಓವರ್​ಗಳಲ್ಲಿ 273 ರನ್​ಗಳಿಗೆ ಆಲೌಟ್​ ಆಯಿತು.

ಇದನ್ನೂ ಓದಿ: ರಾಜಕೀಯ ಪ್ರಚಾರಕ್ಕೆ ಸೇನೆ ದುರ್ಬಳಕೆ; ಬಿಜೆಪಿ ವಿರುದ್ಧ ಮಲ್ಲಿಕಾರ್ಜುನ ಖರ್ಗೆ ವಾಗ್ದಾಳಿ

ಭಾರತದ ಪರ ಮೊಹಮ್ಮದ್​ ಶಮಿ (10-054-5), ಮೊಹಮ್ಮದ್ ಸಿರಾಜ್ (10-1-45-1), ಜಸ್ಪ್ರೀತ್​ ಬುಮ್ರಾ (10-1-45-1), ಕುಲ್​ದೀಪ್ ಯಾದವ್ (10-0-73-2), ರವೀಂದ್ರ ಜಡೇಜಾ (10-0-48-0) ರನ್​ ನೀಡಿ ವಿಕೆಟ್​ ಪಡೆದಿದ್ದಾರೆ.

ಗಾಯಾಳು ಹಾರ್ದಿಕ್​ ಪಾಂಡ್ಯ ಬದಲಿಗೆ ತಂಡದಲ್ಲಿ ಸ್ಥಾನ ಪಡೆದ ವೇಗಿ ಮೊಹಮ್ಮದ್​ ಶಮಿ 5 ವಿಕೆಟ್​ ಪಡೆಯುವ ಮೂಲಕ ಎದುರಾಳಿ ತಂಡಕ್ಕೆ ಕಡಿವಾನ ಹೇರಿದ್ದಾರೆ. ವೇಗಿ ಶಾರ್ದೂಲ್​ ಠಾಕೂರ್​ ಬದಲಿಗೆ ಮಧ್ಯಮ ಕ್ರಮಾಂಕದಲ್ಲಿ ಸೂರ್ಯಕುಮಾರ್​ ಯಾದವ್​ಗೆ ಅವಕಾಶ ನೀಡಲಾಗಿದೆ.

https://www.vijayavani.net/akhilesh-yadavs-pda-tweet-signals-new-twist-in-rift-with-india-ally-congress

https://www.vijayavani.net/four-students-drown-in-godavari-river